36મી નેશનલ ગેમ્સનો અમદાવાદના નરેન્દ્ર મોદી સ્ટેડિયમમાં પીએમ મોદી દ્વારા પ્રારંભ કરાવવામાં આવી રહ્યો છે. નરેન્દ્ર મોદી સ્ટેડિયમમાં 7 હજારથી વધુ રમતવીરો અને 1 લાખથી વધુ લોકો ઉપસ્થિત છે. અહીં સ્ટેડિયમમાં મોટી સંખ્યામાં જનમેદની ઉમટી પડી છે. તેમણે સ્ટેડિયમમાં આવતાં જ તમામ લોકોનું અભિવાદન ઝીલ્યું હતું. સાથે જ કહ્યું હતું કે, આ માહોલને વર્ણવી ન શકાય. આ દેશનો સૌથી મોટો ખેલ મહોત્સવ છે. આ અદભુત છે.
The largest stadium in the world is hosting the largest sports event for the nation with the youngest population: PM Narendra Modi as he declares open the 36th National Games at Narendra Modi stadium in Ahmedabad, Gujarat pic.twitter.com/3RczUTWh0x
— ANI (@ANI) September 29, 2022
આ સમારોહમાં સામેલ થવા માટે સમગ્ર ગુજરાતમાંથી 1 લાખ જેટલા લોકો ઉપસ્થિત રહ્યા હતા જેમાં સાંજે ઉદ્ઘાટન પ્રસંગ પરૂવે જ બપોરના 2 વાગ્યાથી ઉદ્ઘાટન સમારોહ માટે લોકોને પ્રવેશ આપવાની શરૂઆત કરાઈ હતી.જેમાં પોલીસ દ્વારા સઘન ચેકિંગ કરીને ત્યારબાદ જ પ્રવેશ આપવામાં આવ્યો હતો.જેમાં દરેક પાસે એન્ટ્રી પાસને ચેક કરીને ત્યારબાદ જ પ્રવેશ આપવામાં આવ્યો હતો.આ સાથે કાર્યક્રમમાં સામેલ થવા માટે બેગ કે અન્ય કોઈ વસ્તુ અંદર લઈ જવા દેવામાં આવી ન હતી.
સમગ્ર નરેન્દ્ર મોદી સ્ટેડિયમમાં રમત પ્રેમીઓ અને દેશભરમાંથી આવેલા ખેલાડીઓથી ચિક્કાર ભરાઈ ગયુ છે.ગુજરાતમાં સૌ પ્રથમ વખત નેશનલ ગેમ્સનું યજમાન બન્યુ છે.ગુજરાતના છ મોટા શહેરોમાં આ રમતોનું આયોજન કરાયું છે. તેમાં 40 રમતો રમાશે. આ નેશનલ ગેમ્સ શહેરના વિવિધ વિસ્તાર જેમ કે, સાબરમતી, રિવરફ્રન્ટ, પાલડી, મણિનગરમાં વિવિધ રમતોનું આયોજન કરવામાં આવ્યું છે.
