રણ વિસ્તારની થઈ રહી છે કાયાપલટ, પ્રવાસીઓને આર્કષવા બનાવવામાં આવી રહ્યું છે નવું શહેર

અહો આશ્ચર્યમ્!/ રણ વિસ્તારની થઈ રહી છે કાયાપલટ, પ્રવાસીઓને આર્કષવા બનાવવામાં આવી રહ્યું છે નવું શહેર

રણ વિસ્તાર મોટાભાગે સૂકો અને વધુ રેતાળ જોવા મળે છે. પરંતુ હવે દુનિયાના અન્ય દેશો ગુજરાતના કચ્છના સફેદ રણનું ઉદાહરણ લઈ રણ વિસ્તારનો વિકાસ કરવા લાગ્યા છે.

રણ વિસ્તાર મોટાભાગે સૂકો અને વધુ રેતાળ જોવા મળે છે. પરંતુ હવે દુનિયાના અન્ય દેશો ગુજરાતના કચ્છના સફેદ રણનું ઉદાહરણ લઈ રણ વિસ્તારનો વિકાસ કરવા લાગ્યા છે. છેલ્લા ઘણા વર્ષોથી કચ્છનું સફેદ રણ પ્રવાસીઓ માટે આર્કષણનું કેન્દ્ર રહ્યું છે. ખાસ કરીને ડિસેમ્બરથી જાન્યુઆરી મહિનામાં કચ્છના સફેદરણમાં વિદેશીઓનો ધસારો જોવા મળતો હોય છે. કચ્છના સફેદ રણની જેમ હવે સાઉદી અરેબિયા પણ પોતાના રણ વિસ્તારમાં પ્રવાસીઓને આર્કષવા પ્રયાસ કરી રહ્યું છે.

રણ વિસ્તારની કાયાપલટ

સાઉદી અરેબિયા પોતાના રણ વિસ્તારની કાયાપલટ કરી રહ્યું છે. સાઉદી અરેબિયા રણને તોડીને તેના પર લાંબા રસ્તાઓ અને નજીકના ટાપુઓ પર એક ભવ્ય શહેર બનાવવાની યોજના બનાવી રહ્યું છે. આ વિસ્તારમાં પામ આઇલેન્ડ જેવા નવા ટાપુઓ બનાવવામાં આવી રહ્યા છે. જે રણ આરબો માટે અભિશાપ હતું જે કંઈ ઉગાડી શક્યું ન હતું, આજે એ જ રણની મુલાકાત લેવા લાખો પ્રવાસીઓ આરબ દેશોમાં પહોંચી રહ્યા છે. હવે સાઉદી અરેબિયા પ્રવાસીઓ માટે એક એવું શહેર બનાવવા જઈ રહ્યું છે જે લંડન કરતાં 17 ગણું મોટું હશે. સાઉદી અરેબિયા આ વર્ષ સુધીમાં $500 બિલિયનના ખર્ચે બનેલ નિયોમ મેગાસિટીનો પ્રથમ ભાગ પ્રવાસીઓ માટે ખોલશે.

અહીં આવતા પ્રવાસીઓ સિન્દાલાહમાં વિકસિત ટાપુ રિસોર્ટનો અનુભવ કરી શકશે અને ત્યાં વિકસિત થઈ રહેલી ભવ્ય હોટલોમાંની એક હોટલમાં રોકાણ કરી આનંદ લઈ શકશે. 500 બિલિયન ડોલરની નિયોમ મેગાસિટી પ્રિન્સ મોહમ્મદ બિન સલમાનના ડ્રીમ પ્રોજેક્ટ્સમાંની એક છે.

પ્રિન્સનું સ્વપ્ન
આ ટાપુ, ક્રાઉન પ્રિન્સ મોહમ્મદ બિન સલમાન દ્વારા આયોજિત, મધ્ય પૂર્વમાં સૌથી મહત્વાકાંક્ષી મેગા સિટી ડેવલપમેન્ટ પૈકી એક છે. આ મેગા સિટીના વિકાસકર્તાઓએ તેને લાલ સમુદ્રના વિશેષ પ્રવેશદ્વાર તરીકે રજૂ કર્યું છે. સિંદલાહ પ્રોજેક્ટ ક્રાઉન પ્રિન્સ બિન સલમાન દ્વારા 2017 માં શરૂ કરવામાં આવ્યો હતો. એકવાર સંપૂર્ણ રીતે તૈયાર થઈ ગયા પછી, આ સ્માર્ટ સિટી 26,500 ચોરસ કિમીના વિસ્તારમાં ફેલાઈ જશે, જે લંડનના કદ કરતાં લગભગ 17 ગણું છે.

શું હશે વિશેષતાઓ
મીડિયા અહેવાલ અનુસાર, રવિવારે ચીની રોકાણકારોની મુલાકાતના અંતે એ વાત સામે આવી કે સિંદલાહ આ વર્ષે લોકો માટે ખુલશે. અહીં આવનારા લોકોને અનેક પ્રકારની સુવિધાઓ પૂરી પાડવામાં આવશે. અહીંના આકર્ષક રિસોર્ટમાં બીચ ક્લબ, યાટ ક્લબ, સ્પા અને વેલનેસ સેન્ટર અને 51 લક્ઝરી રિટેલ આઉટલેટ્સ, તેમજ 400 થી વધુ રૂમ અને 300 સ્યુટ અને વિશાળ મરિના સાથે ત્રણ ભવ્ય હોટેલ્સનો સમાવેશ થશે.