હવે રણવીર સિંહ નહીં બને શક્તિમાન, અભિનેતા પર ગુસ્સે થયા મુકેશ ખન્ના, કહ્યું- શક્તિમાનના સન્માન સાથે ખેલ નહીં થવા દઈશ

Shaktimaan/ હવે રણવીર સિંહ નહીં બને શક્તિમાન, અભિનેતા પર ગુસ્સે થયા મુકેશ ખન્ના, કહ્યું- શક્તિમાનના સન્માન સાથે ખેલ નહીં થવા દઈશ

ટીવી પર શક્તિમાન બનીને બધાના દિલ પર રાજ કરનાર મુકેશ ખન્નાએ રણવીર સિંહને લઈને મોટું નિવેદન આપ્યું છે. શક્તિમાનના રોલ માટે રણવીર સિંહને કાસ્ટ કરવામાં આવ્યો હોવાની અફવાઓ વચ્ચે મુકેશ ખન્નાએ રણવીરને આ રોલ માટે અયોગ્ય ગણાવ્યો છે. મુકેશ ખન્નાએ પોતાની પોસ્ટમાં રણવીરના ન્યૂડ ફોટોશૂટનો પણ ઉલ્લેખ કર્યો છે. મુકેશના મતે, આ રોલનું કાસ્ટિંગ ખૂબ જ સમજી-વિચારીને થવું જોઈએ. એક ઇન્સ્ટાગ્રામ પોસ્ટમાં, મુકેશ ખન્નાએ કહ્યું કે રણવીરની સ્ટાર પાવર હોવા છતાં, તે ક્યારેય શક્તિમાનના સારને પકડી શક્યો નથી. મુકેશે તો એમ પણ કહ્યું કે તે શક્તિમાન જેવી ભૂમિકા માટે અયોગ્ય છે.

મુકેશ ખન્નાએ રણવીરને આ સલાહ આપી હતી

યુટ્યુબ વિડિયોમાં મુકેશ ખન્નાએ વધુમાં જણાવ્યું હતું કે તેઓ રણવીરને અન્ય દેશોમાં ભૂમિકાઓ કરવાની સલાહ આપે છે જ્યાં નગ્નતા પ્રચલિત છે. તેને કહ્યું કે ફિનલેન્ડ, સ્પેન અને અન્ય દેશો એવા છે જ્યાં કલાકારો તેમના શરીરનું પ્રદર્શન કરી શકે છે. મુકેશે કહ્યું, ‘એવી ફિલ્મોમાં કામ કરો જ્યાં તમને દરેક ત્રીજા સીનમાં ન્યૂડ સીન કરવા મળે.’

View this post on Instagram

A post shared by Mukesh Khanna (@iammukeshkhanna)

તેને એમ પણ કહ્યું કે જો રણવીર પોતાનું આખું શરીર બતાવીને પોતાને સૌથી સ્માર્ટ માને છે તો તેને ટાળો. તેને નિર્માતાઓને કહ્યું કે તમારી સ્પર્ધા સ્પાઈડર મેન, બેટમેન, કેપ્ટન પ્લેનેટ સાથે નથી કારણ કે શક્તિમાન માત્ર સુપરહીરો નથી પણ એક સુપર શિક્ષક છે. મુકેશે શક્તિમાનની ભૂમિકા ભજવવા માટે યોગ્ય અભિનેતા શોધવા માટે સાવચેતીપૂર્વક કાસ્ટિંગ કરવાની સલાહ આપી. રિપોર્ટ્સ અનુસાર, શક્તિમાનનું શૂટિંગ મે 2025માં શરૂ થશે અને ફિલ્મનું નિર્દેશન બેસિલ જોસેફ કરશે.