IPL 2024 22 માર્ચથી શરૂ થવા જઈ રહી છે. BCCIએ લોકસભા ચૂંટણીને ધ્યાનમાં રાખીને હજુ સુધી IPLના પ્રથમ તબક્કાના કાર્યક્રમની જાહેરાત કરી નથી. પ્રથમ તબક્કામાં ભારતમાં 7 એપ્રિલ સુધી 21 મેચો રમાવાની છે. જો કે, 17મી સીઝનનો બીજો તબક્કો ભારતની બહાર યોજવામાં આવી શકે છે. શનિવારે લોકસભા ચૂંટણીની તારીખો જાહેર થવાની છે, ત્યારપછી બીસીસીઆઈ આ અંગે મોટો નિર્ણય લઈ શકે છે. IPLને સંયુક્ત આરબ અમીરાત (UAE)માં શિફ્ટ કરી શકાય છે. 2020 માં, કોરોના રોગચાળાને કારણે UAEમાં IPLનું આયોજન કરવામાં આવ્યું હતું.
એક અહેવાલ મુજબ, “ભારતનું ચૂંટણી પંચ શનિવારે બપોરે 3 વાગ્યે ચૂંટણી કાર્યક્રમની જાહેરાત કરશે. ત્યારપછી બીસીસીઆઈ નિર્ણય લેશે કે આઈપીએલની મેચોને દુબઈમાં શિફ્ટ કરવી જોઈએ કે નહીં. હાલમાં, બીસીસીઆઈના કેટલાક ટોચના અધિકારીઓ આઈપીએલના બીજા તબક્કાના આયોજનની સંભાવના શોધવા માટે દુબઈમાં છે.” તે જ સમયે, ઘણા મીડિયા અહેવાલોમાં કહેવામાં આવ્યું હતું કે આઈપીએલની કેટલીક ટીમોએ તેમના ખેલાડીઓને પાસપોર્ટ સબમિટ કરવા કહ્યું છે.
જણાવી દઈએ કે લોકસભાની ચૂંટણીને કારણે IPL અગાઉ પણ શિફ્ટ કરવામાં આવી છે. 2009માં ચૂંટણીના કારણે આઈપીએલની તમામ મેચો દક્ષિણ આફ્રિકામાં રમાઈ હતી. IPLનો પહેલો ભાગ 2014માં UAEમાં યોજાયો હતો. પરંતુ 2019 માં, ચૂંટણી હોવા છતાં, ટૂર્નામેન્ટ સંપૂર્ણપણે ભારતમાં રમાઈ હતી. IPLના ચેરમેન અરુણ સિંહ ધૂમલે ગયા મહિને એવી શક્યતા વ્યક્ત કરી હતી કે 17મી સિઝનને વિદેશમાં શિફ્ટ કરવામાં આવશે નહીં કારણ કે સામાન્ય ચૂંટણીની તારીખોની જાહેરાત બાદ શેડ્યૂલ તૈયાર કરવામાં આવશે.
ધૂમલે કહ્યું હતું કે, “લીગ ભારતમાં થાય તે સુનિશ્ચિત કરવા માટે અમે સરકાર અને એજન્સીઓ સાથે મળીને કામ કરીશું. અમે સામાન્ય ચૂંટણીના સમયપત્રકની રાહ જોઈ રહ્યા છીએ અને પછી અમે તે મુજબ યોજના બનાવીશું. જેમ કે ચૂંટણી સમયે કયું રાજ્ય કોની મેચનું આયોજન કરશે. ચૂંટણી સમયે આવી યોજના બનાવવામાં આવશે.આઈપીએલ 2024ની પ્રથમ મેચ ચેન્નાઈ સુપર કિંગ્સ (CSK) અને રોયલ ચેલેન્જર્સ બેંગ્લોર (RCB) વચ્ચે રમાશે. ચેન્નાઈના ચેપોક સ્ટેડિયમમાં બંનેની ટક્કર થશે. CSKએ IPL 2023માં ટ્રોફી જીતી હતી.
આ પણ વાંચો:આ વર્ષ જ નહી, ધોની હજી બે-ત્રણ વર્ષ IPL રમે તો આશ્ચર્ય ન પામતાઃ કુંબલે
આ પણ વાંચો:લોકસભા ચૂંટણી માટે બીજેપીની બીજી યાદી જાહેર, જાણો ગુજરાતમાં કોને મળી તક
આ પણ વાંચો:અક્ષરધામ મંદિર હુમલાના માસ્ટરમાઇન્ડનો 22 વર્ષ બાદ સામે આવ્યો વીડિયો
