ઉત્તર પ્રદેશના પીલીભીત જિલ્લામાં ખોદકામ દરમિયાન ભગવાન વિષ્ણુની મૂર્તિ મળી આવી છે. તે બહાર આવતાની સાથે જ અહીં ગ્રામજનોની ભીડ એકઠી થઈ ગઈ હતી. ગામલોકોને મૂર્તિની જાણ થતાં જ તેની પૂજા શરૂ કરી. આ મામલો જિલ્લાના પુરનપુર પોલીસ સ્ટેશન વિસ્તારના ચાંટ ફિરોઝપુર ગામનો છે. મળતી માહિતી મુજબ અહીં પાણીની ટાંકી બનાવવાની હતી અને આ માટે ખોદકામ ચાલી રહ્યું હતું. જોકે, આ મૂર્તિ કેટલી જૂની છે તે હજુ સુધી જાણી શકાયું નથી.
બાંધકામનું કામ ચાલી રહ્યું હતું
પુરનપુર તહસીલ વિસ્તારના ચાંટ ફિરોઝપુર ગામમાં પાણીની ટાંકી બનાવવાનું કામ ચાલી રહ્યું છે. અહીં કામદારો ખોદકામમાં રોકાયેલા હતા ત્યારે અચાનક ખાડામાં પીળી ધાતુ જોવા મળી. મજૂરોએ આજુબાજુની માટી કાઢી ત્યારે તેઓ ચોંકી ઉઠ્યા હતા. ત્યાંથી ભગવાન વિષ્ણુની એક સુવર્ણ મૂર્તિ મળી, ત્યારબાદ મજૂરોએ કામ કરવાનું બંધ કરી દીધું અને આ સમાચાર નજીકમાં રહેતા ગ્રામજનો સુધી પહોંચી ગયા. જે બાદ અહીં પૂજા પણ શરૂ થઈ હતી. મૂર્તિ જોઈને ત્યાંના લોકો હવે મંદિર બનાવવાની વાત કરી રહ્યા છે.
ગ્રામજનો પૂજામાં વ્યસ્ત
ગ્રામીણ રામપ્રવેશ રાઠોડે જણાવ્યું કે અહીં ગ્રામજનોની સુવિધા માટે પાણીની ટાંકી બનાવવામાં આવી રહી હતી, આ ખોદકામ દરમિયાન આ મૂર્તિ મળી આવી હતી. ત્યારબાદ અહીં ગ્રામજનોનો ધસારો થયો અને સેંકડો ગ્રામવાસીઓ ભગવાન વિષ્ણુની પૂજા કરવા લાગ્યા.
આ પણ વાંચો:Rahul Gandhi/ રાહુલ ગાંધીએ સરકાર પર નિશાન સાધતા કહ્યું- ‘જેટલી ટેપિંગ કરવી હોય કરી લો, મને કોઈ ફરક નથી પડતો
આ પણ વાંચો:Iron Dome/ઈઝરાયેલની તર્જ પર ભારત બનાવી રહ્યું છે સ્વદેશી Iron Dome..દુશ્મન મિસાઈલને દુરથી જ સુંઘી લેશે
આ પણ વાંચો:PM Modi/સરદાર જયંતીના દિવસે ‘મેરી માટી મેરા દેશ’ અભિયાનની ‘અમૃત કલશ યાત્રા’નું થશે સમાપન
