CBSE બોર્ડની ગેરરીતી મામલે રાજ્યની શાળાઓ પર મોટી કાર્યવાહી, 17 શાળાની માન્યતા કરી રદ, 3 શાળાઓને ડાઉનગ્રેડ કરી

CBSE BOARD/ CBSE બોર્ડની ગેરરીતી મામલે રાજ્યની શાળાઓ પર મોટી કાર્યવાહી, 17 શાળાની માન્યતા કરી રદ, 3 શાળાઓને ડાઉનગ્રેડ કરી

CBSE બોર્ડ દ્વારા ગેરરીતી મામલે રાજ્યની અનેક શાળાઓ પર મોટી કાર્યવાહી કરી.

CBSE બોર્ડ દ્વારા ગેરરીતી મામલે રાજ્યની અનેક શાળાઓ પર મોટી કાર્યવાહી કરી. CBSE 20 શાળાઓને સંકજામાં લેતા કેટલીક શાળાની માન્યતા રદ કરી તો કેટલીક શાળાઓને ડાઉનગ્રેડ કરી છે. દેશની ઘણી શાળાઓ CBSE બોર્ડ સાથે જોડાયેલી છે. આ શાળાઓને સરળતાથી ચલાવવા માટે, CBSE બોર્ડ સમયાંતરે જરૂરી માર્ગદર્શિકા શેર કરતું રહે છે. તાજેતરમાં, બોર્ડ દ્વારા તમામ શાળાઓની ગુપ્ત રીતે તપાસ કરવામાં આવી હતી, જેમાં જાણવા મળ્યું હતું કે ઘણી શાળાઓ એવી છે જે માર્ગદર્શિકાનું પાલન કર્યા વિના ઘણી અનૌપચારિક પ્રવૃત્તિઓ કરી રહી છે. તપાસ બાદ સીબીએસઈ દ્વારા આ શાળાઓનું જોડાણ રદ કરવામાં આવ્યું છે અને ઘણી શાળાઓને ડાઉનગ્રેડ પણ કરવામાં આવી છે.

આ રાજ્યોની શાળાઓની માન્યતા કરાઈ રદ
રાજસ્થાનની પ્રિન્સ UCH માધ્યમિક શાળા, જોધપુરની ગ્લોબલ ઈન્ડિયન ઈન્ટરનેશનલ સ્કૂલ, છત્તીસગઢમાં દ્રોણાચાર્ય પબ્લિક સ્કૂલ અને રાયપુર રોડની વિકોન સ્કૂલ, જમ્મુ અને કાશ્મીરની કરતાર પબ્લિક સ્કૂલ, મહારાષ્ટ્રમાં પાયોનિયર પબ્લિક સ્કૂલ, અને થાણેની રાહુલ ઇન્ટરનેશનલ સ્કૂલ, આસામની સાઈ આરએનએસ સ્કૂલ, ગુવાહાટી, મધ્યપ્રદેશની સરદાર પટેલ પબ્લિક સ્કૂલ, ભોપાલ, ઉત્તર પ્રદેશની લોયલ પબ્લિક સ્કૂલ, બુલંદશહર, ટ્રિનિટી વર્લ્ડ સ્કૂલ, ગૌતમ બુદ્ધ નગર, ક્રેસન્ટ કોન્વેન્ટ સ્કૂલ, ગાઝીપુર, કેરળની પીવીએસ પબ્લિક સ્કૂલ, મધર ટેરેસા સ્કૂલ, ઉત્તરાખંડની જ્ઞાન ઈસ્ટન ઈન્ટરનેશનલ સ્કૂલ, દેહરાદૂન, દિલ્હીની સિદ્ધાર્થ પબ્લિક સ્કૂલ, ભારત માતા સરસ્વતી મંદિર, નેશનલ પબ્લિક સ્કૂલ, ચંદ્રમ પબ્લિક સ્કૂલ, મેરીગોલ્ડ પબ્લિક સ્કૂલની CBSE બોર્ડે માન્યતા રદ કરી.

શાળાઓને ડાઉનગ્રેડ કરવામાં આવી

દિલ્હીમાં વિવેકાનંદ સ્કૂલ નરેલા, પંજાબમાં શ્રી દશમેશ સિનિયર સેકન્ડરી પબ્લિક સ્કૂલ અને આસામમાં શ્રી રામ એકેડમી સ્કૂલને ડાઉનગ્રેડ કરવામાં આવી. CBSE બોર્ડે એક પ્રેસ રિલીઝ શેર કરીને આ જાણકારી આપી છે. આ શાળાઓમાં ડમી વિદ્યાર્થીઓ અભ્યાસ કરતા હોવાનું અખબારી યાદીમાં જણાવાયું હતું. આ સિવાય અયોગ્ય વિદ્યાર્થીઓનો કોઈ રેકોર્ડ રાખવામાં આવતો નથી. આ યાદીમાં રાજસ્થાન અને છત્તીસગઢની બે શાળાઓનો સમાવેશ કરવામાં આવ્યો છે. એવી 20 જેટલી શાળાઓ છે જેમનું જોડાણ રદ કરવામાં આવ્યું છે અને દિલ્હી, પંજાબ અને આસામમાં શાળાઓને ડાઉનગ્રેડ કરવામાં આવી છે.