ABG શિપયાર્ડના 28000 કરોડના કૌભાંડને એક અઠવાડિયું પણ થયું નથી. દરમિયાન શિપયાર્ડની બાજુમાં જ આવેલી સૂર્યા એક્ઝિમ કંપનીએ રૂ.183 કરોડની નાદારીનો ફૂંક માર્યો છે. સુરતના મગદલ્લા વિસ્તારમાં કોલસાના વેપાર સાથે યાર્ન ઉત્પાદનમાં મોટું નામ સીએ જગદીશ પ્રસાદ સાબુ 6 બેંકોને 183 કરોડ આપવામાં નિષ્ફળ ગયા છે.
સૂર્યા એક્ઝિમ દ્વારા નાદારી જાહેર થતાં બેંક કર્મચારીઓ દોડવા લાગ્યા હતા. જણાવી દઈએ કે સીએ જગદીશ સાબુ અને તેમની પત્નીના નામ પર વિવિધ બેંકોમાંથી લોન લેવામાં આવી હતી. જો કે, બંને લૉન ભરવામાં અસમર્થ રહ્યા છે. આવી સ્થિતિમાં બેંકો દ્વારા તેમના નામની તમામ મિલકતો અને મશીનરી જપ્ત કરીને બેંકને સોંપવાની પ્રક્રિયા શરૂ કરવામાં આવી છે.
જણાવી દઈએ કે સૂર્યા એક્ઝિમ દ્વારા કેનેરા બેંકના 58 કરોડ, બેંક ઓફ બરોડાના 32 કરોડ, IDBI બેંકના 29 કરોડ, દેના બેંકના 25 કરોડ, યુનિયન બેંકના 20 કરોડ અને આંધ્ર બેંકના 19 કરોડ રૂપિયા ડૂબી ગયા છે. સૂર્યા એક્ઝિમનો કારોબાર સમગ્ર દેશમાં ફેલાયેલો હતો. સુરત ઉપરાંત સિલ્વાસા, દમણ, પંજાબ અને રાજસ્થાન ઉપરાંત નાગપુર, મુંબઈ અને જલગાંવમાં પણ ઓફિસો આવેલી છે.
નાદારી જાહેર કર્યા બાદ બેંક દ્વારા કરોડોની સંપત્તિનો પ્રતિકાત્મક કબજો પણ લેવામાં આવ્યો હતો. જેમાં પીપલોદ અને ઉમરામાં એક-એક ફ્લેટ, અડાજણમાં બે ફ્લેટ અને ઉમરવાડામાં ત્રણ દુકાનો આવેલી છે. આ ઉપરાંત મગદલ્લા સ્થિત સર્વે નંબર 51ની જમીન પર પણ સરફેસીની કાર્યવાહી કરવામાં આવશે.
કચ્છ / કચ્છમાં વધુ 7 પાકિસ્તાની બોટ ઝડપાઇ, ઘુષણખોરો માટે લાલ જાજમ બનતો દરિયાકિનારો
Hijab Row / હિજાબ પર પ્રતિબંધએ કુરાન પર પ્રતિબંધ સમાન : વકીલ
ગુજરાત / શિક્ષકોની બદલી, બઢતીના નવા નિયમની જાહેરાત, 2 લાખ જેટલા શિક્ષકોને સીધી અસર
ગુજરાત / ભલે ને પાકિસ્તાનથી આવ્યા, પરંતુ તમારી દીકરી એ આજથી અમારી, કહી -રંગેચંગે કરાવ્યા લગ્ન : આ છે ગુજરાતીઓની દરિયાદિલી
