કોરોનાવાયરસે આજે સમગ્ર વિશ્વને પોતાના ભરડામાં લીધો છે. ત્યારે દિવસો જતા તેના અલગ-અલગ વેરિઅન્ટને લઇને સમાચાર સામે આવતા રહે છે. દક્ષિણ આફ્રિકામાંથી બહાર આવેલા ઓમિક્રોન વેરિઅન્ટ બાદ હવે વિશ્વમાં એક નવા વેરિઅન્ટે પ્રવેશ કર્યો છે. જેનુ નામ ડેલ્મિક્રોન છે.
આ પણ વાંચો – શ્રદ્વાંજલિ / આજે પૂર્વ PM અટલજીની 97મી જન્મજયંતિ, PM મોદી સહિત દિગ્ગજ નેતાઓએ આપી શ્રદ્વાંજલિ
આપને જણાવી દઇએ કે, ભારતમાં Omicron વાયરસનું સંક્રમણ ખૂબ જ ઝડપથી વધવા લાગ્યુ છે. કોવિડ પ્રતિબંધો ફરી પાછા આવવા લાગ્યા છે. સૌથી વધુ વસ્તી ધરાવતા રાજ્ય ઉત્તર પ્રદેશમાં રાત્રિ કર્ફ્યુની જાહેરાત કરવામાં આવી છે. અલ્હાબાદ હાઈકોર્ટે ચૂંટણી સ્થગિત ન થાય ત્યાં સુધી વિચાર કરવા કહ્યું છે. પરંતુ, ઓમિક્રોન વિશે લોકો પાસે ઓછી માહિતી વચ્ચે, એક નવો શબ્દ ‘ડેલ્મિક્રોન’ ચર્ચામાં આવ્યો છે. કેટલાક નિષ્ણાતો માને છે કે, ઓમિક્રોનનાં કારણે યુરોપ અને અમેરિકામાં જે ખળભળાટ મચી ગયો તેની પાછળ ‘ડેલ્મિક્રોન’નો હાથ છે. જણાવી દઇએ કે, ઓમિક્રોન વેરિઅન્ટનાં કારણે અમેરિકા અને યુરોપનાં દેશોમાં કોરોનાનું સંક્રમણ ખૂબ જ ભયાનક રીતે વધી રહ્યું છે. ભારતમાં પણ તેણે જોર પકડ્યું છે અને શુક્રવારે સવાર સુધીમાં તેનો આંકડો 355ને પાર કરી ગયો છે. પરંતુ, Omicron સંક્રમણની ભયાનક ગતિ વચ્ચે, ‘Delmicron’ નામનો શબ્દ આ ચિંતામાં વધારો કરી રહ્યો છે. મહારાષ્ટ્રમાં કોવિડ-19 ટાસ્ક ફોર્સનાં સભ્યનું માનવું છે કે, પશ્ચિમનાં દેશોમાં સંક્રમણની ગતિ પાછળ કોરોના વાયરસનાં ડેલ્ટા અને ઓમિક્રોન બન્ને વેરિઅન્ટનાં ટ્વીન સ્પાઇક્સ હોઈ શકે છે. ડૉ. શશાંક જોશીએ કહ્યું, “ડેલ્ટા અને ઓમિક્રોનનાં બે સ્પાઇક ડેલ્મિક્રોનને કારણે યુરોપ અને યુએસમાં કેસોની નાની સુનામી આવી છે.” Omicron, કોવિડનું નવું સ્વરૂપ, ગયા મહિને દક્ષિણ આફ્રિકામાં પ્રથમવાર મળી આવ્યું હતું અને વર્લ્ડ હેલ્થ ઓર્ગેનાઈઝેશન અનુસાર, તે અત્યાર સુધીમાં 89 દેશોમાં પહોંચી ગયું છે.
આ પણ વાંચો – Festival / દેશમાં ક્રિસમસનો ઉત્સાહ, લોકો એકબીજાને કહી રહ્યા છે મેરી ક્રિસમસ, જાણો કેમ હેપ્પીની જગ્યાએ મેરી કહે છે
નિષ્ણાતો ડેલ્મિક્રોનને કોરોનાનાં નવા વેરિઅન્ટ તરીકે નહીં, પરંતુ ડેલ્ટા અને ઓમિક્રોન સ્ટ્રેઈનનું સંયોજન માની રહ્યા છે, જેના કારણે યુરોપ અને અમેરિકામાં સંક્રમણનાં કેસોમાં ભારે વધારો થઈ રહ્યો છે. એક રિપોર્ટ અનુસાર, ડોકટરોનું કહેવું છે કે નબળી રોગપ્રતિકારક શક્તિ ધરાવતા લોકો, વૃદ્ધ અને પ્રી-સિમ્પ્ટોમેટિક લોકોને એક સાથે ડેલ્ટા અને ઓમિક્રોન બન્ને વેરિઅન્ટથી સંક્રમણ લાગવાનું જોખમ રહેલું છે. તેમના મતે જે વિસ્તારમાં રસીકરણની અછત છે ત્યાં જોખમ પણ વધુ છે. શું આ બે અલગ-અલગ વેરિઅન્ટ ભવિષ્યમાં સુપર વેરિઅન્ટ તરફ દોરી શકે છે? આ અંગે મોડર્નાનાં ચીફ મેડિકલ ઓફિસર ડૉ. પૉલ બર્ટને કહ્યું છે કે, શક્ય છે કે બે સ્ટ્રેન એકસાથે જનીનોની અદલાબદલી કરી શકે અને વધુ ખતરનાક વેરિઅન્ટ બનાવી શકે. તેમણે ડેઈલી મેઈલમાંથી દક્ષિણ આફ્રિકાનાં કેટલાક ઉદાહરણો પણ આપ્યા છે. અન્ય સંશોધકોએ પણ આવી શક્યતાને નકારી કાઢી નથી.
આ પણ વાંચો – વિમાન ક્રેશ / જેસલમેરમાં ભારત-પાક બોર્ડર પાસે એરફોર્સનું MiG21 પ્લેન ક્રેશ,વિંગ કમાન્ડર હર્ષિત સિન્હાનું મોત
શુક્રવાર સવાર સુધીમાં, ભારતમાં ઓમિક્રોનનાં કેસોની સંખ્યા 355 ને વટાવી ગઈ છે, જેની અત્યંત સંક્રમણ હોવાની પુષ્ટિ થઈ છે. જો કે, દેશમાં સામાન્ય રીતે હજુ પણ ડેલ્ટા વેરિઅન્ટનાં સંક્રમણની વિપુલતા છે. મહારાષ્ટ્ર કોવિડ ટાસ્ક ફોર્સનાં સભ્ય ડૉ. જોશીએ કહ્યું છે કે, ‘હાલમાં ભારતમાં, ડેલ્ટામાંથી ઉદ્દભવતા ડેલ્ટાનાં વંશજો જ મુખ્ય વેરિઅન્ટ તરીકે પ્રસારમાં છે. વિશ્વનાં અન્ય ભાગોમાં ઓમિક્રોન વધુને વધુ ડેલ્ટાને બદલી રહ્યું છે, પરંતુ ડેલ્ટા ડેરિવેટિવ્ઝ અને ઓમિક્રોન કેવી રીતે વર્તે છે તેની આગાહી કરવાની કોઈ રીત નથી.
