અમદાવાદ,
AMC દ્વારા નેપ્રા કંપનીને 14 વર્ષનો કોન્ટ્રાક્ટ આપવાનું કામ લાવવામાં આવ્યું છે. જેને લઇ કોગ્રેસે વિરોધ કર્યો હતો. વિપક્ષી નેતાએ જણાવ્યું છે કે ટેન્ડરિંગ પ્રક્રિયા કર્યા વિના કંપનીને રાણીપ- ગ્યાસપુરમાં 4 હજાર ચોરસ મીટર જમીન આપી 14 વર્ષ માટે પ્લાસ્ટિક વેસ્ટ પ્રોસેસ કરવાનો કોન્ટ્રાક્ટ આપી રહી છે.
આ કામથી 14 વર્ષમાં કંપનીને 50.82 કરોડનો ફાયદો થશે. જ્યારે કોર્પોરેશનને એક પણ રૂપિયાની આવક નહીં થાય. અન્ય શહેરમાં આવી પ્રોસેસમાં કંપની પાસેથી પૈસા લેવામાં આવે છે. 2016માં 6 મહિના માટે જમીન આપી કંપનીને કોન્ટ્રાક્ટ આપવામાં આવ્યો હતો. પરંતુ તે મુદત પૂરી થઈ ગઈ હોવા છતાં કોર્પોરેશન જમીન પરત લેવાની તસ્દી લીધી નથી.
હવે આ કંપનીને કોન્ટ્રાક્ટ આપવાનું કામ હેલ્થ અને સોલીડ વેસ્ટ મેનેજમેન્ટ કમીટીમા લાવવામાં આવ્યું છે જેને લઇને વિરોધ કરવામાં આવ્યો હતો.
