Ahmedabad News: અમદાવાદના નારણપુરા વિસ્તારમાં આવેલી શાસ્ત્રીનગર સરકારી વસાહતમાં છેલ્લા 15 દિવસથી ચાલી રહેલા ડિમોલિશન કામગીરીને કારણે સ્થાનિક રહેવાસીઓમાં આક્રોશ વ્યાપી ગયો છે. કોન્ટ્રાક્ટરની બેદરકારી અને સરકારી નિયમોના ઉલ્લંઘનને કારણે આજુબાજુના વિસ્તારમાં ધૂળનું (Demolition Dust) ધુમ્મસ ફેલાયું છે, જેની અસર 1500થી વધુ લોકો પર પડી રહી છે. રહેવાસીઓનું કહેવું છે કે આ ધૂળિયું વાતાવરણને કારણે શ્વાસની તકલીફ, એલર્જી, આંખોમાં બળતરા અને અન્ય સ્વાસ્થ્ય સમસ્યાઓ વધી રહી છે, ખાસ કરીને બાળકો અને વૃદ્ધોમાં.
ડિમોલિશન કામગીરીથી પ્રદુષિત વાતાવરણ (Demolition Dust)
આ ડિમોલિશન કામગીરી અમદાવાદ મ્યુનિસિપલ કોર્પોરેશન (AMC) અથવા સંબંધિત સરકારી વિભાગ દ્વારા કરવામાં આવી રહી છે, પરંતુ કોન્ટ્રાક્ટર દ્વારા ધૂળ (Demolition Dust) નિયંત્રણ માટેના આવશ્યક પગલાં જેવા કે ગ્રીન નેટ લગાવવું, વોટર સ્પ્રિંકલિંગ કરવું, ધૂળ સેન્સર ઇન્સ્ટોલ કરવું અને કન્સ્ટ્રક્શન એન્ડ ડિમોલિશન (C&D) વેસ્ટનું યોગ્ય વ્યવસ્થાપન કરવું જેવા નિયમોનું પાલન કરવામાં આવતું નથી. અમદાવાદમાં એર ક્વોલિટી મેનેજમેન્ટ સેલ (AQM Cell) અને AMCની ધૂળ નિયંત્રણ પોલિસી અનુસાર, ડિમોલિશન સાઇટ પર આવા પગલાં ફરજિયાત છે, પરંતુ અહીં તેની અવગણના થઈ રહી છે.
રહેવાસીઓ પૂછે છે કે ખાનગી બિલ્ડરોના કામમાં ધૂળ (Demolition Dust) નિયંત્રણના નિયમોનું ઉલ્લંઘન થાય તો તાત્કાલિક દંડ અને સાઇટ સીલ કરવામાં આવે છે, તો પછી સરકારી કામગીરીમાં આવા તત્વો સામે કાર્યવાહી કેમ નથી થતી? આ વિસ્તાર અમિત શાહના લોકસભા મતવિસ્તારમાં આવે છે, ત્યારે પણ રહેવાસીઓને આટલી મુશ્કેલીઓનો સામનો કરવો પડી રહ્યો છે, જેનાથી સ્થાનિક લોકોમાં અસંતોષ વધી રહ્યો છે.
આ પણ વાંચો:અમદાવાદના સાબરમતી વિસ્તારમાં મેગા દબાણ ડિમોલિશન
આ પણ વાંચો:અમદાવાદના જશોદાનગરમાં ચાલતા ઓપરેશન ડિમોલિશનમાં મહિલાનું “આત્મવિલોપન”
આ પણ વાંચો:ગાંધીનગરમાં મેગા ડિમોલિશન ડ્રાઈવ,700થી વધુ ગેરકાયદેસર દબાણો પર બુલડોઝર ફેરવાયું !
