બોલીવુડ વર્સેટાઈલ એક્ટર અજય દેવગણ વર્ષ 2024માં ધમાકો કરવા માટે તૈયાર છે. ફિલ્મ શૈતાન રિલીઝ થયા બાદ આ વર્ષની તેની બીજી ફિલ્મ મેદાન હશે જે થોડા દિવસોમાં સિનેમાઘરોમાં પ્રવેશ કરશે. આજે 2 એપ્રિલના રોજ અભિનેતાનો જન્મદિવસ છે. આજના ખાસ દિવસે નિર્માતાઓએ ફિલ્મ ‘મેદાન’નું અંતિમ ટ્રેલર રિલીઝ કર્યું છે. આ ટ્રેલર રીલીઝ થતા જ લોકો દ્વારા ઘણું પસંદ કરવામાં આવ્યું હતું.
‘મેદાન’ અજય દેવગનના ડ્રીમ પ્રોજેક્ટ્સમાંથી એક છે . આ એક બાયોપિક ફિલ્મ છે, જેમાં અજય પહેલા ક્યારેય ન જોયેલા અવતારમાં જોવા મળશે. અમિત શર્માના નિર્દેશનમાં બનેલી આ ફિલ્મમાં ઘણા ઈમોશનલ સીન્સ જોવા મળશે. આ સિવાય અજય દેવગનના કેટલાક અદ્ભુત ડાયલોગ્સ છે, જે યુઝર્સને ખૂબ જ પસંદ આવશે તેવું ટ્રેલરને મળી રહેલ પ્રતિસાદ જોતા એવું લાગે છે.
ફિલ્મ ‘ મેદાન ‘ ફૂટબોલ કોચ સૈયદ અબ્દુલ રહીમની બાયોપિક છે . ફિલ્મમાં તમને 1952 થી 1962 સુધીની વાર્તા જોવા મળશે. સૈયદ અબ્દુલ રહીમના રૂપમાં અજય દેવગન ટીમ ઈન્ડિયાને ફૂટબોલ મેચમાં હારતા જોવા નથી ઈચ્છતો.
ટ્રેલરમાં બતાવવામાં આવ્યું છે કે તે પોતાની ટીમ બનાવે છે, જેમાં ફક્ત યુવાનો જ જોડાયેલા છે. તેમને ઉત્સાહ અને જોશથી ભરવાની સાથે, તે એ પણ સ્પષ્ટ કરે છે કે દુન્યવી લોકો પાસેથી કંઈપણ અપેક્ષા રાખવી જોઈએ નહીં. ટ્રેલરમાં અજયનો ડાયલોગ છે – જે ન સમજાય તેની વાત ન કરવી જોઈએ. આખા ટ્રેલરમાં આ એક ડાયલોગ ચાહકોને ખૂબ જ પસંદ આવી રહ્યો છે.
‘મેદાન’ બોની કપૂર દ્વારા નિર્મિત ફિલ્મ છે. આ ફિલ્મ વિશે અજય દેવગણે કહ્યું કે તેને ખબર નહોતી કે આપણા જ દેશમાં આવું કંઈક થયું છે. 50 અને 60ના દાયકામાં ઈતિહાસ સર્જનાર માત્ર એક જ નહીં પરંતુ અનેક લોકોની મહેનતને કારણે ફૂટબોલ આજે આ તબક્કે પહોંચ્યું છે. ફિલ્મ ‘મેદાન’ 10 એપ્રિલે રિલીઝ થઈ રહી છે.
આ પણ વાંચો: PM Modi In Rudrapur/PM મોદીની મોટી જાહેરાત, સરકાર શૂન્ય વીજળી બિલ લાવવાની બનાવી રહી છે યોજના
આ પણ વાંચો: Delhi Liquor Policy Case/રાઘવ ચઢ્ઢા અંગે સૌરભ ભારદ્વાજને પૂછવામાં આવ્યું, ‘અમારી સાથે ના હોત તો…’
આ પણ વાંચો: Delhi Government Hospital/કેન્સર પીડિતની દિલ્હીની સરકારી હોસ્પિટલોમાં 9 કલાક દોડધામ, પ્રવેશ ના મળતા ગુમાવ્યો જીવ
