બોલિવૂડ એક્ટર રણબીર કપૂર અને અભિનેત્રી આલિયા ભટ્ટ છેલ્લા કેટલાક સમયથી એકબીજાને ડેટ કરી રહ્યાં છે. ઘણીવાર બંને એકબીજા સાથે જ નહીં પરંતુ પરિવાર સાથે પણ સમય પસાર કરતા જોવા મળ્યા છે. આ વર્ષે બંનેએ દિવાળીનો તહેવાર પણ સાથે મનાવ્યો હતો, જેની તસવીર આલિયા ભટ્ટે પોતે સોશિયલ મીડિયા પર પોસ્ટ કરી હતી.
આ પણ વાંચો :બોલીવુડના બાદશાહ ખાને 20 વર્ષની પરંપરા તોડી,ચાહકોમાં ભારે નિરાશા જોવા મળી
આલિયાએ દિવાળીના અવસર પર રણબીર સાથેનો એક રોમેન્ટિક ફોટો પોસ્ટ કર્યો હતો જેમાં એકબીજા પ્રત્યેનો પ્રેમ સ્પષ્ટ દેખાય છે. આમાં આલિયા સ્ટેટમેન્ટ ઇયરિંગ્સ સાથે બ્લુ કલરના લહેંગા પહેરેલી જોવા મળી રહી છે જ્યારે રણબીર આ દરમિયાન ડાર્ક બ્લુ કુર્તા પહેરેલો જોવા મળ્યો હતો. આ ફોટો શેર કરતા આલિયાએ લખ્યું, ‘વધુ થોડો પ્રેમ… હેપ્પી દિવાળી’. બંનેની આ તસવીર ચાહકોને ખૂબ જ પસંદ આવી રહી છે અને તેઓ તેના પર કોમેન્ટ કરીને તેના વખાણ કરી રહ્યા છે. આ પહેલા આલિયાએ તેના દિવાળીના ફોટા પણ પોસ્ટ કર્યા હતા જેમાં તે મીણબત્તીઓ અને લાઇટ સાથે પોઝ આપી રહી છે, આને શેર કરતા આલિયાએ લખ્યું હતું કે, ‘થોડી લાઈટ.. હેપ્પી દિવાળી’.
આ પણ વાંચો :યે રિશ્તા ક્યા.. ના આ અભિનેતાએ કર્યા લગ્ન, તમે પણ જુઓ આ ખાસ ફોટો
જાણવા મળે છે કે દિવાળીના અવસર પર આ સ્ટાર કપલે ડિરેક્ટર અયાન મુખર્જી સાથે મા કાળીની પૂજામાં હાજરી આપી હતી. આપને જણાવી દઈએ કે આલિયા-રણબીર ટૂંક સમયમાં જ અયાન મુખર્જી દ્વારા નિર્દેશિત ફિલ્મ બ્રહ્માસ્ત્રમાં સાથે જોવા મળશે. આ ફિલ્મમાં અમિતાભ બચ્ચન, મૌની રોય અને નાગાર્જુન પણ જોવા મળશે.
આ પણ વાંચો :આ જાણીતા અભિનેતાની બગડી દિવાળી, હોસ્પિટલમાં થયા દાખલ, થઈ સર્જરી
વર્ક ફ્રન્ટ પર, આલિયા ટૂંક સમયમાં એસએસ રાજામૌલીની ફિલ્મ સાથે તેલુગુ સિનેમામાં ડેબ્યૂ કરશે જેમાં તે અભિનેતા રામ ચરણ સાથે સ્ક્રીન શેર કરશે. આ સિવાય તે સંજય લીલા ભણસાલીની ‘ગંગુબાઈ કાઠિયાવાડી’માં પણ જોવા મળશે. અભિનેત્રીએ તાજેતરમાં તેની નવી ફિલ્મ ‘જી લે ઝરા’ની જાહેરાત કરી હતી, જેમાં પ્રિયંકા ચોપરા અને કેટરિના કૈફ પણ હશે. આ સિવાય આલિયા રણવીર સિંહ સાથે ‘રોકી ઔર રાની કી પ્રેમ કહાની’માં પણ જોવા મળશે.
આ પણ વાંચો : દર વર્ષની પરંપરા જાળવી રાખવા શિલ્પા શેટ્ટીએ આ વખતે પણ ઘરે નાસ્તો બનાવ્યો ….
આ પણ વાંચો : ફિલ્મ બાગ બાનના સ્ક્રીન રાઇટર શફીક અંસારીનું નિધન
