એક તરફ રણબીર કપૂર અને આલિયા ભટ્ટના લગ્નની તસવીરો સોશિયલ મીડિયા પર વાયરલ થઈ રહી છે, ત્યારે તેની વચ્ચે એક તસવીર સામે આવી છે જે ખૂબ જ રસપ્રદ છે. આ તસવીર પણ ધીમે ધીમે વાયરલ થઈ રહી છે. આ તસવીરમાં આલિયાના વેડિંગ લૂક અને કંગના રનૌતના ફોટોમાં ઘણી સામ્યતા જોવા મળી રહી છે.
અભિનેત્રી આલિયા અને રણબીર કપૂરનો પાંચ વર્ષ જૂનો સંબંધ આખરે લગ્નમાં બદલાઈ ગયો. આલિયા ભટ્ટ અને રણબીર કપૂરે 14 એપ્રિલે પરિવાર અને મિત્રોની હાજરીમાં લગ્ન કર્યા હતા. આ લગ્ન બાંદ્રામાં રણબીર કપૂરના ઘર વાસ્તુમાં થયા હતા.
આલિયા ભટ્ટે લગ્નની તસવીરો સોશિયલ મીડિયા પર શેર કરી હતી, જેના પછી ઇન્ટરનેટ પર ધૂમ મચી ગઈ હતી. સાંજે, નવા પરણેલા રણબીર અને આલિયા મીડિયાની સામે આવ્યા અને બધાનો આભાર માન્યો હતો.
આલિયાએ તેના લગ્નમાં જે સાડી પહેરી હતી તે ફેમસ ડિઝાઈનર સબ્યસાચીએ બનાવી હતી. વેડિંગ લૂક માટે સબ્યસાચી બોલિવૂડ એક્ટ્રેસની પહેલી પસંદ છે, પરંતુ તેણે આલિયાના વેડિંગ આઉટફિટ બનાવવામાં ભૂલ કરી હતી.
વાસ્તવમાં, સબ્યસાચી દ્વારા બનાવેલ આલિયાના લગ્નનો આઉટફિટ કંગના રનૌતની સાડી જેવો જ હતો. કંગનાએ તેના ભાઈ અક્ષિત રનૌતના લગ્નના રિસેપ્શનમાં આલિયા ભટ્ટની જેમ જ લગભગ સમાન સાડી પહેરી હતી.
કંગનાની સાડી પણ સબ્યસાચીએ ડિઝાઇન કરી હતી. ઈન્સ્ટાગ્રામ પર પોતાનો લુક શેર કરતા કંગનાએ પોસ્ટમાં સબ્યસાચીને પણ ટેગ કર્યો છે.
કંગનાના ભાઈના લગ્ન નવેમ્બર 2020માં થયા હતા. કંગના ભાઈના રિસેપ્શનમાં આ સાડી પહેરેલી જોવા મળી હતી, જોકે તેણે તેના લુકમાં હિમાચલી ટ્વિસ્ટ પણ આપ્યો હતો. તે જ સમયે, ટ્વિટર પર એક યુઝરે આલિયા અને કંગનાના આ લુક્સ પણ શેર કર્યો છે.
અત્યારે તો આલિયાએ કંગનાના લુકની કોપી કરી છે કે નહીં તે જાણી શકાયું નથી, પરંતુ આલિયા તેના વેડિંગ લૂકમાં ખૂબ જ સુંદર લાગી રહી હતી. તેનો લુક ક્લાસિક રેડ લુક કરતા અલગ હતો. આલિયાના આઇવરી દેખાવ સાથે મેળ ખાતા રણબીર કપૂરે પણ આઇવરી રંગની શેરવાની પહેરી હતી. બંને એકસાથે એકદમ રોયલ લાગતા હતા.
આ પણ વાંચો: રણબીર કપૂર અને આલિયા ભટ્ટના લગ્ન થયા, બોયફ્રેન્ડ-ગર્લફ્રેન્ડ બન્યા પતિ-પત્ની