‘આદિપુરુષ’ના નિર્માતાઓ પર પોતાનો ગુસ્સો ઠાલવવામાં માત્ર સામાન્ય લોકો જ નહીં, પરંતુ ભારતની અદાલતો પણ જોડાઈ છે. અલાહાબાદ હાઈકોર્ટે ફિલ્મ ‘આદિપુરુષ’ના નિર્માતાઓની ઝાટકણી કાઢીને પૂછ્યું કે શું ફિલ્મમાં ડિસ્ક્લેમર મૂકનારા લોકો દેશવાસીઓને ‘બુદ્ધિશાળી’ માને છે? કોર્ટે સવાલ કર્યો હતો કે ‘આદિપુરુષ’ના નિર્માતાઓ દ્વારા શા માટે એક ધર્મની સહિષ્ણુતાની કસોટી કરવામાં આવી રહી છે. ફિલ્મ પર પ્રતિબંધની માંગ કરતી અરજી પર સુનાવણી કરી રહેલી કોર્ટે કહ્યું, “ફિલ્મમાં જે રીતે સંવાદોનો ઉપયોગ કરવામાં આવ્યો છે તે એક મોટો મુદ્દો છે. રામાયણ અમારા માટે આદર્શ છે. લોકો ઘર છોડતા પહેલા રામચરિતમાનસ વાંચે છે.”
સેન્સર બોર્ડે પણ આપ્યો ઠપકો
તુલસીદાર દ્વારા રચિત મહાકાવ્ય ‘રામાયણ’ની વાર્તા પર આધારિત, ‘આદિપુરુષ’ તેના સંવાદો, બોલચાલની ભાષા અને કેટલાક પાત્રો માટે ટીકાનો સામનો કરી રહી છે. સોશિયલ મીડિયા પર ભારે ટ્રોલિંગ અને પ્રતિક્રિયા બાદ, ‘આદિપુરુષ’ના નિર્માતાઓએ ફિલ્મના સંવાદો બદલી નાખ્યા છે પરંતુ તેમ છતાં દર્શકોનો આક્રોશ શમ્યો નથી. દરમિયાન, અલ્હાબાદ હાઈકોર્ટની લખનઉ બેંચે આ મામલાની સુનાવણીમાં સેન્સર બોર્ડને ઠપકો આપ્યો છે.
આદિપુરુષ પર ન્યાયે શું કહ્યું
જસ્ટિસ રાજેશ સિંહ ચૌહાણ અને જસ્ટિસ શ્રી પ્રકાશ સિંહની ખંડપીઠે કહ્યું, “જે લોકો સારા છે તેમને દબાવી દેવા જોઈએ? શું આવું છે? તે સારું છે કે તે એવા ધર્મ વિશે છે જેના અનુયાયીઓએ કોઈ જાહેર સમસ્યા ઊભી કરી નથી.આપણે આભાર માનવો જોઈએ. કારણ કે અમે સમાચારમાં જોયું કે કેટલાક લોકો સિનેમા હોલમાં જબરદસ્તીથી હોલ બંધ કરાવવા માટે ગયા હતા, તેઓ કંઈક બીજું કરી શક્યા હોત.” પ્રમાણપત્ર પહેલાં કંઈક વિચારવું જોઈતું હતું.
શું હિન્દુઓની સહિષ્ણુતાની પરીક્ષા લેવામાં આવી રહી છે?
વધુમાં, બેન્ચે કહ્યું, “જો આપણે આ મુદ્દા પર પણ આંખો બંધ કરીએ કારણ કે એવું કહેવામાં આવે છે કે આ ધર્મના લોકો ખૂબ જ સહિષ્ણુ છે, તો શું તેની કસોટી થશે? PIL અરજીઓમાં અહીં મુદ્દો એ છે કે ફિલ્મ કથા પર બનાવવામાં આવી છે, તેમાં કેટલાક ગ્રંથો એવા છે જે સમગ્ર ધર્મ માટે અનુકરણીય છે અને પૂજાને પાત્ર છે.
આ પણ વાંચો:બૉલીવુડે પસૂરી પહેલા આ 10 પાકિસ્તાની સોન્ગના રિમેક બનાવી કરી દીધા છે સ્પોઈલ
આ પણ વાંચો:‘દિલ સે બુરા લગતા હૈ’ વિડિયોથી ફેમસ થયેલા દેવરાજ પટેલનું અકસ્માતમાં મોત
આ પણ વાંચો:સલમાન ખાનનો જીવ જોખમમાં! આ ગેંગસ્ટરના નિશાના પર ભાઇજાન,મોકો મળશે તો ચોક્કસ મારીશું…
આ પણ વાંચો: PM મોદીના અમેરિકન પ્રવાસ દરમિયાન શાહરૂખ ખાન કરવા માંગતો હતો આ કામ, કહ્યું- પણ નથી
