આમ આદમી પાર્ટીએ આરોપ લગાવ્યો છે કે, જ્યારે દિલ્હીના સીએમ અરવિંદ કેજરીવાલે દિલ્હી-એનસીઆરમાં ચાલી રહેલા ખેડૂત વિરોધ પ્રદર્શનને ટેકો આપ્યો છે, ત્યારથી આમ આદમી પાર્ટીના નેતાઓ ઉપર સતત હુમલાઓ શરૂ થયા છે. ગુરુવારે, આમ આદમી પાર્ટીના રાષ્ટ્રીય પ્રવક્તા અને રાજેન્દ્ર નગરના ધારાસભ્ય રાઘવ ચડ્ઢાએ ‘આપ’ નેતાઓ પર હુમલો કરવા અંગેની એક પ્રેસ કોન્ફરન્સમાં આ વાત કરી હતી. રાઘવ ચડ્ઢાએ કહ્યું કે, ‘જ્યારથી આમ આદમી પાર્ટીના રાષ્ટ્રીય કન્વીનર અરવિંદ કેજરીવાલે દેશના ખેડુતોની માંગણીનો અવાજ ઉઠાવ્યો હતો અને તેમના આંદોલનને સમર્થન આપ્યું છે, ત્યારથી આમ આદમી પાર્ટીના નેતાઓ ઉપર સતત હુમલાઓ થતા રહ્યા છે. અમને ધમકી આપવામાં આવી રહી છે અને ધમકાવવાનો પ્રયાસ કરવામાં આવી રહ્યો છે. કેજરીવાલ સરકારે દિલ્હીના 9 સ્ટેડિયમોને જેલમાં બદલવાનો ઇનકાર કર્યો હોવાથી ભાજપને આંચકો લાગ્યો છે.
આપણા નેતાઓ અને કાર્યકરો ઉપર હુમલો થઈ રહ્યો છે – આપ
રાઘવ ચડ્ઢાએ કહ્યું, ‘અરવિંદ કેજરીવાલે સેવાદારની ભૂમિકામાં, લંગરથી લઈને ધાબળા, પાણી, શૌચાલય અને મફત વાઇફાઇ સુધી ખેડૂતોને આપ્યા હતા. તેનાથી અમારા તરફ ભાજપનો રોષ વધ્યો. ત્યારબાદ જ્યારે અમે વિધાનસભામાં કેન્દ્રના આ કાળા કાયદાને ફાડી નાખ્યા ત્યારે અમારા નેતાઓ પર હુમલા શરૂ થયા. સૌ પ્રથમ, ભાજપે, દિલ્હી પોલીસ દ્વારા, 2 દિવસ દિલ્હીના ચૂંટાયેલા મુખ્ય પ્રધાનને નજર બંધ રાખ્યા હતા.
તે પછી, તેમની ગેરહાજરીમાં નાયબ મુખ્ય પ્રધાન મનીષ સિસોદિયાના ઘર પર દિલ્હી પોલીસના આશ્રય હેઠળ હુમલો કરવામાં આવ્યો. જ્યારે નાયબ મુખ્યમંત્રી તેમની પત્ની અને બાળકો ઘરે હતા, ત્યારે દિલ્હી જલ બોર્ડે મારી ઓફિસ પર હુમલો કર્યો. તમામ ફર્નિચર તોડી નાખ્યા, કાચ તોડી નાખ્યા, કમ્યુટર-પ્રિંટર તોડી નાખ્યા. મને ધમકી આપવામાં આવી હતી કે કેજરીવાલ ખેડૂતોના હકો માટે લડવાનું બંધ કરે. દક્ષિણ દિલ્હીમાં અમારા એક કાર્યકર્તાને ભાજપના લોકોએ માર માર્યો હતો. તેની આંખ પણ ફાટી ગઈ હતી.
મંતવ્ય ન્યૂઝ દ્વારા જાહેર અપીલ –
દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…
