ચંદ્ર પર પરમાણુ વિસ્ફોટ કરવો અને ટનલ બનાવવી એ સાયન્સ-ફિક્શન મૂવીની વાર્તા જેવું લાગે છે, પરંતુ ઘણા વર્ષોથી અમેરિકા ખરેખર તેના પર સંશોધન કરી રહ્યું છે. તાજેતરમાં, આ ચંદ્ર મિશનણા સિક્રેટ વિશે એક મોટો ખુલાસો થયો છે. સ્થાનિક મીડિયાને મળેલા સરકારી અહેવાલ મુજબ, અમેરિકાએ પણ આ યોજના પર ઘણો ખર્ચ કર્યો પરંતુ તેમ છતાં આ યોજના નિષ્ફળ ગઈ.
લગભગ 1,600 પાનાના દસ્તાવેજોમાં એડવાન્સ્ડ એરોસ્પેસ થ્રેટ આઈડેન્ટિફિકેશન પ્રોગ્રામ (AATIP) અને એડવાન્સ્ડ એરોસ્પેસ વેપન્સ સિસ્ટમ એપ્લિકેશન પ્રોગ્રામ (AAWSAP) નો ઉલ્લેખ છે. આ બંને યોજનાઓને અમેરિકાની ડિફેન્સ ઈન્ટેલિજન્સ એજન્સી (DIA) દ્વારા ભંડોળ પૂરું પાડવામાં આવ્યું હતું. અહેવાલમાં સંશોધન દરખાસ્તો, કરારો અને મીટિંગ નોંધોનો સમાવેશ થાય છે. દસ્તાવેજોમાં કહેવામાં આવ્યું છે કે AATIP હેઠળ યુએફઓ સંબંધિત ડાર્ક સિક્રેટ ટેક્નોલોજી પર યુએસમાં પણ સંશોધન કરવામાં આવી રહ્યું છે. AATIP 2007 થી 2012 સુધી સક્રિય હતી. આ ત્યારે લોકોની નજરમાં આવ્યું જ્યારે ભૂતપૂર્વ પ્રોગ્રામ ડિરેક્ટરે 2017 માં પેન્ટાગોનમાંથી રાજીનામું આપ્યું હતું. હવે ફરીથી 5 વર્ષ પછી એ વાત સામે આવી છે કે, AATIP નું સંશોધન માત્ર UFO પૂરતું જ સીમિત ન હતું પરંતુ અન્ય આધુનિક ટેક્નોલોજી પર પણ ચાલી રહ્યું હતું.
રિપોર્ટ અનુસાર, AAWSAP મિશન હેઠળ અમેરિકા એવી ટેક્નોલોજી પર રિસર્ચ કરી રહ્યું હતું, જે આપણે માત્ર ફિલ્મોમાં જ જોઈએ છીએ. આમાં ચંદ્ર પર પરમાણુ સંશોધન, અદ્રશ્ય થવા માટે કાપડ બનાવવા, ગુરુત્વાકર્ષણ વિરોધી ટેક્નોલોજી અને ટાઇમ ટ્રાવેલિંગ મશીન જેવા મિશન પર સંશોધન કરવામાં આવી રહ્યું હતું. જો કે, અત્યાર સુધી આમાંથી કંઈપણ ખરેખર બન્યું નથી. મીડિયામાંથી મળતી વિગત અનુસાર રિપોર્ટમાં ચંદ્ર પર બ્લાસ્ટ કરીને ટનલ બનાવવાની વાત કરવામાં આવી છે. અમેરિકન સંશોધકો માને છે કે ચંદ્રની મધ્યમાં ખૂબ જ હળવા ધાતુઓ મળી શકે છે. રિપોર્ટ અનુસાર, તેઓ સ્ટીલ કરતાં એક મિલિયન ગણા હળવા હોઈ શકે છે, પરંતુ તેમની મજબૂતાઈ સ્ટીલ જેટલી જ હશે. રિપોર્ટમાં આ ચંદ્ર મિશન માટે તે સમયે લગભગ $22 મિલિયન ફંડિંગની વાત કરવામાં આવી છે.
આ પણ વાંચો : ચૂંટણીની ગાડી બહું વહેલી પાંચમાં ગેરમાં દોડવા લાગી !
