Ahmedabad News: કેન્દ્રીય ગૃહમંત્રી અમિત શાહે શુક્રવારે લોકસભા ચૂંટણી 2024 માટે ગાંધીનગર લોકસભા મતવિસ્તારથી ઉમેદવારી નોંધાવી હતી. ગાંધીનગર લોકસભા બેઠક માટે ત્રીજા તબક્કામાં 7 મેના રોજ મતદાન થશે. ઉમેદવારી પત્ર ભર્યા બાદ અમિત શાહે કહ્યું હતું કે જે બેઠકનું પ્રતિનિધિત્વ લાલકૃષ્ણ અડવાણી અને પૂર્વ વડાપ્રધાન અટલ બિહારી વાજપેયી કરતા હતા તે બેઠકનું પ્રતિનિધિત્વ કરવું મારા માટે ગર્વની વાત છે. વડાપ્રધાન નરેન્દ્ર મોદીની આગેવાની હેઠળની સરકારે લોકો માટે ઘણું કામ કર્યું છે.
ઉમેદવારી નોંધાવતી વખતે અમિત શાહે કહ્યું હતું કે તેમની પાસે પોતાની કાર નથી અને તેઓ વ્યવસાય તરીકે ખેતી કરે છે અને એક સામાજિક કાર્યકર પણ છે. તેમની આવકના સ્ત્રોતોમાં સાંસદનો પગાર, મકાન-જમીન ભાડાની આવક, ખેતીની આવક અને શેર ડિવિડન્ડની આવકનો સમાવેશ થાય છે. ઉપરાંત, તેમની સામે 3 ગુના નોંધાયેલા છે.
- કેન્દ્રીય ગૃહoમંત્રી અમિત શાહ પાસે હજુ પણ પોતાની કાર નથી.
- રૂપિયા 20 કરોડની જંગમ મિલકતો જ્યારે ₹16 કરોડની સ્થાવર મિલકતો.
- અમિત શાહે રૂ.15.77 લાખની લોન લીધી છે.
- તેની પાસે માત્ર રૂ.24,164 રોકડ છે.
- અમિત શાહ પાસે રૂ.72 લાખની જ્વેલરી છે, જેમાંથી તેમણે માત્ર રૂ.8.76 લાખની ખરીદી કરી છે.
- તેમની પત્ની પાસે રૂ.1.10 કરોડની જ્વેલરી છે, જેમાં 1620 ગ્રામ સોનું અને 63 કેરેટ હીરાનો સમાવેશ થાય છે.
- વર્ષ 2022-23માં અમિત શાહની વાર્ષિક આવક ₹75.09 લાખ છે
- તેમની પત્નીની વાર્ષિક આવક ₹39.54 લાખ છે
- અમિત શાહે પોતાનો વ્યવસાય ખેતી અને સામાજિક કાર્યકર તરીકે જાહેર કર્યો છે તેમની સામે 3 ગુનાહિત કેસ નોંધાયેલા છે.
- તેમની આવકના સ્ત્રોતોમાં સાંસદનો પગાર, મકાન-જમીન ભાડાની આવક, ખેતીની આવક અને શેર ડિવિડન્ડની આવકનો સમાવેશ થાય છે.
- તેમની પત્નીની જંગમ સંપત્તિ રૂ.22.46 કરોડની છે, સ્થાવર સંપત્તિ રૂ.9 કરોડની છે, તેમની પાસે રૂ.26.32 લાખની લોન પણ છે.
ગાંધીનગર લાલકૃષ્ણ અડવાણીની બેઠક રહી છે
અમિત શાહ પહેલા ગુજરાતની ગાંધીનગર બેઠક ભાજપના વરિષ્ઠ નેતા લાલકૃષ્ણ અડવાણીની હતી. અડવાણી આ સીટ પરથી 6 વખત ચૂંટણી જીત્યા છે. તેમણે પ્રથમ વખત 1991માં આ પ્રદેશનું પ્રતિનિધિત્વ કર્યું હતું. તેઓ છેલ્લા પાંચ વખતથી આ લોકસભા સીટ પરથી જીતતા હતા. 2019 માં, અમિત શાહે આ બેઠક 5 લાખથી વધુ મતોના માર્જિનથી જીતીને અડવાણીનો (4.83 લાખ મતોથી જીત્યા) રેકોર્ડ તોડ્યો હતો.
ગુજરાતમાં ત્રીજા તબક્કામાં મતદાન થશે
ગુજરાતની તમામ 26 લોકસભા બેઠકો માટે એક જ દિવસે મતદાન થશે. ત્રીજા તબક્કામાં ગુજરાતની તમામ બેઠકો પર 7મી મેના રોજ મતદાન થશે. દેશની તમામ 543 લોકસભા સીટો માટે 4 જૂને મતગણતરી થશે.
આ પણ વાંચો: અમદાવાદમાં AMTSની બસે વેપારીને હડફેટે લીધો, ઘટનાસ્થળે જ મોત
આ પણ વાંચો: હિંમતનગરમાં કાર પલ્ટી ખાતા એકનું મોત, બેને ઇજા
આ પણ વાંચો: રાજકોટમાં 13 વર્ષના બાળકનું ક્રિકેટ રમતા-રમતા મોત
