ઋતુ ગમે તે હોય, ત્વચાને યોગ્ય કાળજીની જરૂર હોય છે. ફેસ પેક લગાવવાનો સૌથી મોટો ફાયદો એ છે કે તમે તેને તમારી ત્વચાના પ્રકાર અને સમસ્યા અનુસાર બનાવી શકો છો. દરેક વ્યક્તિની ત્વચા માટે વિવિધ પ્રકારના ફેસ પેક હોઈ શકે છે. જો કે, એવી કેટલીક વસ્તુઓ છે જે લગભગ દરેક પ્રકારની ત્વચા માટે સારી સાબિત થાય છે જેમ કે દહીં. આજે આપણે જાણીશું કે ત્વચા માટે દહીંથી ફેસ પેક કેવી રીતે બનાવી શકાય છે, ચહેરાને નિખારી શકાય છે અને ત્વચા સંબંધિત સમસ્યાઓ દૂર થાય છે.
ચમકતી ત્વચા માટે દહીંનો ફેસ પેક
દહીં અને મધ
આ ફેસ પેક બનાવવા માટે 2 ચમચી દહીંમાં એક ચમચી મધ મિક્સ કરો. હવે આ પેકને લગભગ 20 મિનિટ સુધી ચહેરા પર રાખ્યા બાદ ધોઈ લો. તે સામાન્ય ત્વચા પ્રકાર માટે શ્રેષ્ઠ છે.
દહીં અને હળદર
આ ફેસ પેકને 15 મિનિટ સુધી ચહેરા પર લગાવ્યા પછી ચહેરો ચમકી ઉઠે છે. તેને બનાવવા માટે અડધી ચમચી હળદરમાં 2 ચમચી દહીં મિક્સ કરીને ચહેરા પર 15 મિનિટ સુધી રાખો. આ પેક દરેક પ્રકારની ત્વચા માટે સારું છે.
દહીં અને લીંબુ
આ ફેસ પેક તૈલી ત્વચા માટે શ્રેષ્ઠ છે. તેને તૈયાર કરવા માટે દહીંમાં એક ચમચી લીંબુનો રસ મિક્સ કરીને ચહેરા પર 20 મિનિટ સુધી રાખો. આ ફેસ પેકને ધોયા પછી ત્વચા ચમકદાર દેખાય છે.
દહીં અને ઓટ્સ
જો તમારી ત્વચા સંવેદનશીલ હોય તો આ ફેસ પેક તમારા માટે યોગ્ય છે. ઓટ્સ અને દહીંને સમાન માત્રામાં મિક્સ કરો અને તે સુકાઈ જાય ત્યાં સુધી ચહેરા પર રાખો. ત્યાર બાદ તેને સારી રીતે ધોઈ લો અને મોઈશ્ચરાઈઝર લગાવો. આ ફેસ પેકનો ઉપયોગ સ્ક્રબ તરીકે પણ કરી શકાય છે.
