61 વર્ષની અર્ચના પુરણ સિંહના હાસ્યની ગુંજ એવી છે કે તેને સાંભળીને દરેક માટે પોતાના હાસ્યને કાબૂમાં રાખવું મુશ્કેલ થઈ જાય છે. ‘ધ કપિલ શર્મા શો’માં પણ કપિલ અર્ચનાની તેના હાસ્યની મજાક ઉડાવતો રહે છે. પરંતુ શું તમે જાણો છો કે અર્ચના પુરણ સિંહ શોમાં હસવા માટે એટલી મોટી રકમ લે છે કે તમે જાણીને ચોંકી જશો. જાણો અર્ચનાના 61મા જન્મદિવસ પર તેની સાથે જોડાયેલી કેટલીક મહત્વની વાતો.
એક એપિસોડ માટે અધધ… 10 લાખ રૂપિયા ચાર્જ વસુલે છે
‘ધ કપિલ શર્મા શો’ છેલ્લા કેટલાક સમયથી બંધ છે. પરંતુ છેલ્લા કેટલાક સમયથી અર્ચના પુરણ સિંહ ‘ધ કપિલ શર્મા શો’માં જોવા મળી રહી છે. અર્ચના આ શોમાં માત્ર સ્પેશિયલ ગેસ્ટ છે, તેની પાસે ન તો કોઈ ચોક્કસ ડાયલોગ છે અને ન તો તેણે કોઈ એક્ટિંગ કરવાની છે. આમ છતાં, મીડિયા રિપોર્ટ્સ અનુસાર, તે આ શોના એક એપિસોડ માટે લગભગ 10 લાખ રૂપિયા ચાર્જ કરે છે.
ટીવી ઉપરાંત ફિલ્મોમાં પણ અભિનય ક્ષમતા પૂરવાર કરી
અર્ચના પુરણ સિંહ માત્ર ‘ધ કપિલ શર્મા શો’માં જ નહીં પરંતુ ઘણા ટીવી શોમાં પણ જોવા મળી છે. જેમાં ‘શ્રીમાન શ્રીમતી’, ‘જાને ભી દો યારો’, ‘નહલે પે દહલા’ અને ‘વાહ ક્યા સીન’ સામેલ છે. આ સિવાય અર્ચનાએ ‘ઝલક દિખલાજા’ અને ‘કહો ના યાર હૈ’ સહિતના કેટલાક રિયાલિટી શો પણ હોસ્ટ કર્યા છે.
ટીવી શો ઉપરાંત, અર્ચના પુરણ સિંહે ઘણા દિગ્ગજ કલાકારો સાથે ફિલ્મોમાં પોતાની અભિનય કુશળતા બતાવી છે . આ ફિલ્મો છે- ‘રાજા હિન્દુસ્તાની’, ‘મોહબ્બતેં’, ‘અગ્નિપથ’, ‘કુછ કુછ હોતા હૈ’, ‘બોલ બચ્ચન’, ‘આગ કા ગોલા’, ‘આશિક આવારા’ અને ‘મહાકાલ’.
પંડિતને વધુ પૈસા આપી તાબડતોબ લગ્ન કર્યા
અર્ચના પુરણ સિંહે ફેમસ એક્ટર પરમીત સેઠી સાથે લગ્ન કર્યા છે. અર્ચનાએ પરમીત સાથે બીજા લગ્ન કર્યા છે. પરમીત પહેલા અર્ચનાએ બીજા લગ્ન કર્યા હતા. પરંતુ થોડા સમય પછી તેમના છૂટાછેડા થઈ ગયા. પરમીત સાથેના લગ્નને લઈને અર્ચનાએ ‘ધ કપિલ શર્મા શો’માં કહ્યું હતું કે તેણે રાત્રે 11 વાગે લગ્ન કરવાનો નિર્ણય લીધો હતો. પંડિતોએ સારા મુહૂર્ત ન હોવાનું જણાવી પ્રતિક્ષા જોવા કહ્યું, પરંતુ અર્ચનાએ પંડિતને વધુ પૈસા આપી બીજા દિવસે સવારે 11 વાગે લગ્ન કરી લીધા હતા. અર્ચના અને પરમીતને બે પુત્રો છે જેમના નામ આર્યમાન સેઠી અને આયુષ્માન સેઠી છે.
મંતવ્ય ન્યુઝની WhatsApp ચેનલમાં જોડાવા નીચેની લિંક પર ક્લિક કરોઃhttps://whatsapp.com/channel/0029VaA2MDO1iUxbjpVBcI2A
