પશ્ચિમ બંગાળ સરકારના નવા આદેશ અનુસાર હવે રાજ્યની સરકારી શાળાઓના ડ્રેસ કોડમાં ફેરફાર કરવામાં આવ્યો છે. નવો યુનિફોર્મ વાદળી અને સફેદ રંગનો હશે. એટલું જ નહીં આ યુનિફોર્મ પર બિસ્વા બાંગ્લાનો લોગો પણ બનાવવામાં આવશે. આ લોગો પશ્ચિમ બંગાળના મુખ્યમંત્રી મમતા બેનર્જીએ પોતે ડિઝાઇન કર્યો છે. આ આદેશ બાદ રાજ્યની તમામ સરકારી, અર્ધ-સરકારી અને સરકારી અનુદાનિત શાળાઓના વિદ્યાર્થીઓનો યુનિફોર્મ એકસરખો રહેશે.
આ પણ વાંચો:ઉત્તરાખંડમાં સીએમને લઈને સસ્પેન્સનો અંત આવ્યો, પુષ્કર સિંહ ધામી જ આગામી મુખ્યમંત્રી હશે
સત્તાવાર આદેશ મુજબ, રાજ્યના MSME વિભાગને નવા ડિઝાઇન કરાયેલા શાળા ગણવેશની સપ્લાય કરવા માટે તૈયાર કરવામાં આવ્યું છે. વિભાગે જિલ્લા મેજિસ્ટ્રેટને સરકારી શાળાઓ સાથે શાળાના ગણવેશ અંગે અનુસરવા માટેની સૂચનાઓ વિશે વાતચીત કરવા જણાવ્યું હતું. એક નોટિસમાં કહેવામાં આવ્યું છે કે MSME હેઠળના સ્વ-સહાય જૂથો આ રંગોના ગણવેશ, લોગો, સ્કૂલ બેગ અને શૂઝનું ઉત્પાદન કરશે.
એવું કહેવામાં આવ્યું છે કે, એસએચજી દ્વારા નિર્દિષ્ટ ધોરણો, રંગો અને ડિઝાઇન અનુસાર ગણવેશ, બેગ અને શૂઝનું ઉત્પાદન પૂર્ણ થયા પછી, આને અમલમાં મૂકવામાં આવશે. જો કે, ત્યાં સુધી હાલના યુનિફોર્મનો ઉપયોગ ચાલુ રહેશે. આદેશ અનુસાર, પ્રિ-પ્રાઈમરીથી લઈને આઠમા ધોરણ સુધીના છોકરાઓ સફેદ શર્ટ અને નેવી બ્લુ પેન્ટ પહેરશે, જ્યારે છોકરીઓ નેવી બ્લુ ફ્રોક અને સલવાર કમીઝ સાથે સફેદ શર્ટ પહેરશે.
જેમાં પ્રિ-પ્રાયમરીથી લઈને આઠમા ધોરણ સુધીના છોકરાઓને હાફ પેન્ટ અને ફુલ શર્ટ મળશે. પૂર્વ પ્રાથમિકથી ધોરણ 2 સુધીની છોકરીઓને શર્ટ અને ટ્યુનિક ફ્રોકના બે સેટ મળશે. ધોરણ 3 થી 5 ની છોકરીઓને શર્ટ અને સ્કર્ટના બે સેટ આપવામાં આવશે, જ્યારે 6 થી 8 ના ધોરણ માટે સલવાર અને કમીઝ દુપટ્ટા આપવામાં આવશે. આના બે સેટ પણ આપવામાં આવશે.
આ સિવાય છોકરાઓ અને છોકરીઓના શર્ટના ખિસ્સા પર બિસ્વા બાંગ્લાનો લોગો હશે. વિદ્યાર્થીઓને આપવામાં આવતી સ્કૂલ બેગમાં બિસ્વા બાંગ્લાનો લોગો પણ હશે. એવું કહેવામાં આવી રહ્યું છે કે આ ડ્રેસ અને લોગો પશ્ચિમ બંગાળના મુખ્યમંત્રી મમતા બેનર્જીએ પોતે ડિઝાઇન કર્યો છે. જાણકારી માટે તમને જણાવી દઈએ કે પશ્ચિમ બંગાળ સરકારનો લોગો પણ બિસ્વા બાંગ્લા છે.
આ પણ વાંચો:/ ભગવંત માને પંજાબમાં વિભાગોની વહેંચણી કરી, જાણો કોને મળ્યું કયું મંત્રાલય?
આ પણ વાંચો:રાજ્યમાં ચૂંટણી પહેલા AAP સક્રિય : કેજરીવાલ અને ભગવંત માન અમદાવાદ પૂર્વમાં યોજશે રોડ-શૉ
