મધ્યપ્રદેશ (Madhya Pradesh) ના ઉજ્જૈનમાં ક્રિસમસની રજાઓ (Christmas Holiday) અને નવા વર્ષની રજાઓ દરમિયાન પ્રસિદ્ધ મહાકાલેશ્વર મંદિર (Mahakaleshwar Temple) માં ભક્તોની સંખ્યામાં ઝડપથી વધારો થવાની સંભાવનાને જોતા મંદિરની પ્રબંધન સમિતિએ શનિવારથી આગામી 13 દિવસ માટે મંદિરને બંધ રાખવાનો નિર્ણય લીધો છે. અત્યાર સુધી તેના ગર્ભગૃહમાં લોકોના પ્રવેશ પર પ્રતિબંધ મૂકવાનો નિર્ણય લેવામાં આવ્યો છે.
મંદિર સમિતિના એક અધિકારીએ જણાવ્યું કે ગર્ભગૃહમાં પ્રવેશ પરનો પ્રતિબંધ 5 જાન્યુઆરી સુધી અમલમાં રહેશે. મંદિર વ્યવસ્થાપન સમિતિના અધ્યક્ષ અને જિલ્લા મેજિસ્ટ્રેટ આશિષ સિંહે જણાવ્યું હતું કે, “વર્ષના અંતિમ સપ્તાહમાં રજાઓને કારણે, મહાકાલ લોક અને મહાકાલ દર્શન માટે મોટી સંખ્યામાં ભક્તો આવવાની સંભાવનાને કારણે, મંદિરમાં પ્રવેશ પર પ્રતિબંધ લાદવામાં આવશે. 24 ડિસેમ્બરથી 5 જાન્યુઆરી સુધી ગર્ભગૃહ પ્રતિબંધિત રહેશે.”
આ પહેલા એક અધિકારીએ કહ્યું હતું કે સુરક્ષા કારણોસર 20 ડિસેમ્બરથી આ મંદિરમાં મોબાઈલ ફોન લઈ જવા પર પ્રતિબંધ રહેશે. મહાકાલેશ્વર મંદિર દેશના 12 જ્યોતિર્લિંગોમાંનું એક છે અને મોટી સંખ્યામાં ભક્તો તેની મુલાકાત લે છે.
આ પણ વાંચો:બીજી ટેસ્ટમાં પણ બાંગ્લાદેશનો ધબડકોઃ ત્રીજા દિવસે લંચે 4 વિકેટે 71 રન
આ પણ વાંચો:દુબઈ સ્થિત ભારતીય ડ્રાઈવરે જેકપોટ મેળવ્યો, લોટરીમાં ₹33 કરોડ જીત્યા
આ પણ વાંચો:ચીનમાં કોરોનાથી હાહાકારઃ એક જ દિવસમાં 3.70 કરોડ કેસ
