બોમ્બે હાઈકોર્ટની નાગપુર બેંચે સગીર સાથે યૌન શોષણના આરોપમાં ધરપકડ કરાયેલા યુવકને જામીન આપી દીધા છે. આ કેસની સુનાવણી કરી રહેલા જસ્ટિસ ઉર્મિલા જોશી-ફાળકેએ તેને વાસના નહીં પરંતુ પ્રેમ ગણાવ્યો છે. તે કહે છે કે બંને વચ્ચેનો આ સંબંધ વાસના પર નહીં પરંતુ પ્રેમ પર આધારિત છે. આપને જણાવી દઈએ કે સગીર વયના યૌન ઉત્પીડનના આ કેસમાં છોકરીની ઉંમર માત્ર 13 વર્ષ છે, જ્યારે આરોપીની ઓળખ 26 વર્ષીય નીતિન ધાબેરાવ તરીકે થઈ છે.
કેસમાં સગીરના નિવેદનનો ઉલ્લેખ કરતા કોર્ટે કહ્યું કે છોકરીએ કહ્યું કે તે સ્વેચ્છાએ તેના ઘરની બહાર આવી છે. આવી સ્થિતિમાં, કોર્ટનું માનવું છે કે બંને વચ્ચે શારીરિક સંબંધની આ કથિત ઘટના વાસનાના કારણે નહીં પરંતુ આકર્ષણના કારણે બની હતી.
પિતાએ ગુમ થયાની ફરિયાદ નોંધાવી…
નોંધનીય છે કે પીડિતાના પિતાએ આરોપી નીતિન ધાબેરાવ વિરુદ્ધ કેસ દાખલ કર્યો હતો, જેમાં આરોપ લગાવ્યો હતો કે તેમની 13 વર્ષની પુત્રી 23 ઓગસ્ટ, 2020ના રોજ પુસ્તકો લાવવાના બહાને ઘરની બહાર ગઈ હતી, પરંતુ તે પરત આવી ન હતી. આવી સ્થિતિમાં, પિતાએ તેના ગુમ થયાની ફરિયાદ નોંધાવી, જે પછી તે પોલીસને મળી આવી.
આરોપીએ લગ્ન કરવાનું વચન આપ્યું હતું…
જોકે, બાદમાં સગીર યુવતીએ પોલીસને જણાવ્યું કે આરોપી અને તેની વચ્ચે પ્રેમ સંબંધ હતો. તેણે પોલીસને જણાવ્યું કે આરોપીએ તેની સાથે લગ્ન કરવાનું વચન પણ આપ્યું હતું. ત્યારબાદ તેણી તેના ઘરેથી દાગીના અને રોકડ લઈને આરોપી ધાબેરાવ સાથે નીકળી ગઈ હતી અને તેઓ રાજ્યની બહાર અલગ અલગ જગ્યાએ રોકાયા હતા.
જણાવી દઈએ કે, આ કેસમાં આરોપી વિરુદ્ધ ભારતીય દંડ સંહિતાની કલમ 363, 376, 376(2)(n), 376(3) તેમજ કલમ 34 અને કલમ 4,6 અને 17 હેઠળ કેસ નોંધવામાં આવ્યો છે. પ્રોટેક્શન ઓફ ચિલ્ડ્રન ફ્રોમ સેક્સ્યુઅલ ઓફેન્સ એક્ટ હેઠળ કેસ નોંધવામાં આવ્યો હતો.
આ પણ વાંચો:ચીખલીના સાદકપોર ગામમાં રામજી ભૂતબાપાની મૂર્તિ ખંડિત કરાતા લોકોમાં રોષ
આ પણ વાંચો:પતંગરસિયાઓ…આ વર્ષે અમદાવાદની પોળની ઉતરાયણ બની મોંઘી…
આ પણ વાંચો:અમરેલીમાં કૂવામાંથી ત્રણ મૃતદેહ મળતા શોકનું મોજુ ફરી વળ્યું
