ભારત જોડો યાત્રા વચ્ચે કોંગ્રેસના પૂર્વ અધ્યક્ષ રાહુલ ગાંધીએ પ્રેસ કોન્ફરન્સ કરી હતી. આ દરમિયાન તેમણે ભાજપ પર જોરદાર નિશાન સાધ્યું હતું. કોંગ્રેસ અધ્યક્ષની ચૂંટણીમાં ઉમેદવારોને રિમોટ કંટ્રોલ કહેવા પર રાહુલ ગાંધીએ કહ્યું કે, કોંગ્રેસ અધ્યક્ષ પદની ચૂંટણી પછી પણ પાર્ટી પર ગાંધી પરિવારના વર્ચસ્વની આશંકાઓ વચ્ચે, રાહુલ ગાંધીએ કહ્યું કે બેમાંથી કોઈ પણ ઉમેદવારને રિમોટ નિયંત્રિત કરી શકતા નથી.
કોંગ્રેસ અધ્યક્ષની ચૂંટણી માટે મલ્લિકાર્જુન ખડગે અને શશિ થરૂરની ઉમેદવારી પર રાહુલ ગાંધીએ કહ્યું કે તેઓ મજબૂત અને સારી રીતે બોલનાર લોકો છે. ‘ભારત જોડો’ યાત્રામાં હું એકલો નથી, લાખો લોકો સામેલ છે કારણ કે તેઓ બેરોજગારી, મોંઘવારી અને અસમાનતાથી કંટાળી ગયા છે. નફરત અને હિંસા ફેલાવવી એ દેશ વિરોધી કૃત્ય છે, તેમાં જે પણ સામેલ હશે તેની સામે અમે લડીશું.
કોંગ્રેસ પીએફઆઈને સમર્થન આપી રહી છે તેવા ભાજપના આરોપો પર રાહુલ ગાંધીએ કહ્યું કે નફરત ફેલાવનારા લોકો કોણ છે અને કયા સમુદાયમાંથી આવે છે તેનાથી કોઈ ફરક પડતો નથી. નફરત અને હિંસા ફેલાવવી એ દેશ વિરોધી કૃત્ય છે અને અમે દરેક વ્યક્તિ સામે લડીશું જે નફરત ફેલાવશે.
આ સાથે રાહુલે કહ્યું કે અમે નવી શિક્ષણ નીતિનો વિરોધ કરી રહ્યા છીએ કારણ કે તે આપણા ઇતિહાસ, પરંપરાઓને વિકૃત કરી રહી છે; અમે વિકેન્દ્રિત શિક્ષણ વ્યવસ્થા ઈચ્છીએ છીએ.
આ પણ વાંચો: ગુજરાત આલ્કલીઝ દેશમાં સૌ પ્રથમ હાઈડ્રાઈઝિન હાઈડ્રેટ ઉત્પાદન કરનારી કંપની બનશે
આ પણ વાંચો: 350 કરોડના હેરોઈન સાથે પાકિસ્તાની બોટ ઝડપાઈ, ICG અને ATSએ 6 લોકોની કરી ધરપકડ
આ પણ વાંચો:પાર્ટી વિરોધી કામ કરે એવા પ્રમુખની સાથે કામ નથી કરવું : નવસારી કોંગ્રેસમાં ભડકો
