નવી દિલ્હી,
કેન્દ્રની મોદી સરકાર દ્વારા દેશભરમાં ડિજિટલ ક્રાંતિને વેગ આપવા માટે ઘણા પ્રયાસો કરવામાં આવી રહ્યા છે, ત્યારે આ વચ્ચે સરકાર હવે કાગળની જગ્યાએ ડિજિટલ નોટ જાહેર કરી શકે છે. આ ડિજિટલ નોટ બિલકુલ કાગળની નોટ જેમ જ કામ કરશે, પરંતુ આ નોટ પર વ્યાજ પણ મળશે.
બીજી બાજુ ડિજિટલ નોટ આવવાથી ઘણા ફેરફાર થઇ શકે છે, જેમાં મોનિટરી પોલિસીને લઇ બ્લેકમનીને ટ્રેક કરવામાં પણ મદદ મળશે.
આ ડિજિટલ નોટ અંગે આર્થિક મામલાઓના સચિવના નેતૃત્વ હેઠળ બનેલી કમિટી દ્વારા પોતાના ડ્રાફ્ટ રિપોર્ટમાં આ અંગે દલીલ કરવામાં આવી છે.
મોબાઈલ વોલેટમાં રહેશે ડિજિટલ નોટ
આ પ્રસ્તાવમ જણાવ્યા મુજબ, ડિજિટલ નોટ તમે પોતાના મોબાઈલના વોલેટમાં રાખી શકો છો અથવા તો પોતાના એકાઉન્ટમાં રાખી શકો છો.
આ ડિજિટલ નોટથી તેના સર્ક્યુલેશનમાં ગોપનિયતા રાખી શકાશે અને કાગળની નોટની જેમ જ આ નોટના સર્ક્યુલેશન પર RBIનો કંટ્રોલ હશે.