શુક્રવારે સવારે જમ્મુ-કાશ્મીરના કુલગામના નાગનાદ ચિમ્મર વિસ્તારમાં સુરક્ષા દળો અને આતંકવાદીઓ વચ્ચે મુઠભેડ શરૂ થયી હતી. સૂત્રોના જણાવ્યા અનુસાર આ એન્કાઉન્ટર દરમિયાન સુરક્ષાદળોએ ત્રણ આતંકવાદીઓને ઠાર કરી દીધા છે. હાલમાં પણ આ વિસ્તારમાં સુરક્ષા દળોનું ઓપરેશન ચાલુ છે. હમણાં સુધી, માર્યા ગયેલા આતંકીઓની ઓળખ થઈ શકી નથી.
અગાઉ નાગનાદ ચિમ્મર વિસ્તારમાં આતંકીઓ છુપાયેલા હોવાના અહેવાલ મળ્યા હતા, ત્યારબાદ પોલીસ, સેના અને સીઆરપીએફની સંયુક્ત ટીમે આ વિસ્તારને ઘેરી લીધો હતો અને સર્ચ ઓપરેશન હાથ ધર્યું હતું. તે દરમિયાન આ વિસ્તારમાં છુપાયેલા આતંકવાદીઓએ ફાયરિંગ શરૂ કરી હતી, ત્યારબાદ સુરક્ષા દળોએ જવાબી કાર્યવાહી કરી હતી અને એન્કાઉન્ટર શરૂ થઈ ગયું હતું.
અત્યાર સુધીમાં સુરક્ષાદળોએ બે આતંકવાદીઓને ઠાર કર્યા છે. એવું કહેવામાં આવી રહ્યું છે કે આ વિસ્તારમાં વધુ આતંકીઓ છુપાયેલા છે અને એન્કાઉન્ટર ચાલી રહ્યું છે. આ પહેલા ગુરુવારે જમ્મુ-કાશ્મીરના કુપવાડામાં સેનાએ લાઇન ઓફ કંટ્રોલ (એલઓસી) નજીક આતંકવાદીઓમાં ઘૂસણખોરીનો પ્રયાસ નિષ્ફળ કર્યો હતો. આ દરમિયાન સુરક્ષા દળોએ ત્રણ આતંકવાદીઓને પણ માર્યા હતા.
હકીકતમાં, ગુરુવારે સવારે, સુરક્ષા દળોને કુપવાડાના કેરેન સેક્ટરમાં નિયંત્રણ રેખાની આજુબાજુ કેટલાક અજાણ્યા લોકોની શંકાસ્પદ પ્રવૃત્તિ મળી હતી. આ પછી, સુરક્ષા દળોએ ઘુસણખોરીનો પ્રયાસ કરી રહેલા આતંકવાદીઓને રોકવાનો પ્રયાસ કર્યો. આ પછી, એન્કાઉન્ટરમાં એક આતંકી માર્યો ગયો. હત્યા કરાયેલા આતંકી પાસેથી એક એકે 47 રાયફલ પણ મળી આવી છે.
આપને જણાવી દઈએ કે જમ્મુ-કાશ્મીરમાં સુરક્ષા દળો આતંકવાદીઓને ખતમ કરવા માટે સતત ઓપરેશન ચલાવી રહ્યા છે. આ વર્ષે કાશ્મીર ખીણમાં 133 આતંકવાદીઓ માર્યા ગયા છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
