દેશમાં કોરોના વાયરસનો કહેર યથાવત છે. સતત રોજ હજારો લોકો કોરોના વાયરસની ઝપટમાં આવી રહ્યા છે. મહત્વપૂર્ણ બાબત એ છે કે દિવસો જતા આ કેસ તેની ટોચ પર પહોંચી રહ્યા છે. છેલ્લા 24 કલાકમાં, કોરોના વાયરસનાં 5,034 નવા કેસ નોંધાયા છે. કોરોના વાયરસથી સંક્રમણનાં મામલા હવે 13.8 દિવસમાં બમણા થઈ રહ્યા છે. અન્ય દેશોની તુલનામાં આ કોરોના વાયરસનાં ચેપનાં વિકાસનો સૌથી વધુ દર છે.
આરોગ્ય વિભાગનાં આંકડા મુજબ, દેશભરમાં કોરોના વાયરસથી ચેપનાં 95,622 કેસ નોંધાયા છે, જ્યારે આ ચેપથી મૃત્યુઆંક 3,021 પર પહોંચી ગયો છે. મહારાષ્ટ્રમાં, ચેપ સૌથી વધુ વધી રહ્યો છે, ચેપનાં કુલ કેસો 33,053 છે, જ્યારે છેલ્લા 24 કલાકમાં 2,347 કેસ નોંધાયા છે. રાજ્યમાં, કોરોનાને કારણે 1,198 લોકોનાં મોત નીપજ્યાં છે.
ગુજરાતની વાત કરીએ તો કોરોનાથી છેલ્લા 24 કલાકમાં અહીં 34 લોકોનાં મોત નીપજ્યાં છે. આ સાથે, રાજ્યમાં કોરોનાથી મૃત્યુ પામેલા લોકોની સંખ્યા વધીને 659 થઈ ગઈ છે. તામિલનાડુમાં કુલ 79 લોકોનાં મોત નીપજ્યાં છે, અહીં 659 નવા ચેપ નોંધાયા છે. આરોગ્ય મંત્રાલયે રવિવારે કહ્યું હતું કે, કોરોના વાયરસ મૃત્યુ દર 3.1 ટકા છે, જ્યારે ઠીક થવાનો દર 37.5 ટકા છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
