Tips and Tricks :ભારતીયો માટે ચા (Tea) માત્ર એક પીણું નથી, પણ દિવસની શરૂઆત કરવાનો એક ઉત્સાહ છે. ખાસ કરીને શિયાળાની સવાર હોય અને હાથમાં ગરમાગરમ આદુવાળી ચા (Tea) નો કપ હોય, તો સ્વર્ગ જેવો અનુભવ થાય છે. ઘણા લોકો તો દિવસમાં 5 થી 7 વાર ચા પીતા હોય છે. પરંતુ શું તમે ક્યારેય વિચાર્યું છે કે જે ચા તમને તાજગી આપે છે, તે કદાચ તમારા સ્વાસ્થ્યને ગંભીર નુકસાન પહોંચાડી રહી છે?
તાજેતરમાં જ જાણીતા આયુર્વેદિક નિષ્ણાત આચાર્ય મનીષ એ સોશિયલ મીડિયા પર એક ચોંકાવનારો ખુલાસો કર્યો છે. બજારમાં મળતી કેટલીક ખુલ્લી અને પેકેટવાળી ચામાં વજન વધારવા અને કલર લાવવા માટે હાનિકારક વસ્તુઓની ભેળસેળ કરવામાં આવે છે. જો તમે પણ ચાના શોખીન હોવ, તો આ સમાચાર તમારા માટે આંખ ઉઘાડનારા છે.
ચા (Tea) માં શેની ભેળસેળ કરવામાં આવે છે? (What is mixed in Tea?)
નફો કમાવવા માટે કેટલાક વેપારીઓ ચાની ભૂકીમાં ‘લોખંડનો ઝીણો ભૂકો’ (Iron Filings) મિક્સ કરે છે. આ સિવાય, વપરાયેલી ચાની પત્તીને ફરીથી સૂકવીને તેમાં કેમિકલ વાળો કલર કરીને વેચવામાં આવે છે. ચામડાના ટુકડા કે લાકડાનો વહેર પણ ઘણીવાર મિક્સ કરવામાં આવે છે. આચાર્ય મનીષ જીના જણાવ્યા મુજબ, આવી ભેળસેળવાળી ચા પીવાથી લોખંડના કણો આપણા પેટમાં જાય છે, જે પાચનતંત્રને બગાડે છે અને આંતરડામાં ગંભીર ઇન્ફેક્શન કરી શકે છે.
સ્વાસ્થ્ય પર ગંભીર અસરો (Health Risks)
જો તમે લાંબા સમય સુધી આવી ભેળસેળવાળી ચા પીવો છો, તો તમને નીચે મુજબની તકલીફો થઈ શકે છે:
સાંધાનો દુખાવો: લોખંડ અને કેમિકલના કારણે શરીરમાં ટોક્સિન્સ વધે છે, જે કમર અને ઘૂંટણના દુખાવાનું કારણ બને છે.
લિવરને નુકસાન: સિન્થેટીક કલરના કારણે લિવર અને કિડની પર સોજો આવી શકે છે.
એસિડિટી: આવી ચા પીવાથી ભયંકર એસિડિટી અને પેટમાં બળતરા થાય છે.
ટેસ્ટ નંબર-1: ચુંબકનો ટેસ્ટ (Magnet Test)
તમારી ચામાં લોખંડનો ભૂકો છે કે નહીં તે જાણવા માટે સૌથી સરળ રસ્તો છે ચુંબકનો ઉપયોગ.
રીત: એક પ્લેટમાં થોડી ચાની ભૂકી ફેલાવો. હવે એક મજબૂત ચુંબક (Magnet) લો અને તેને ચાની ઉપર ફેરવો.
પરિણામ: જો ચાના કણો ચુંબક સાથે ચોંટી જાય, તો સમજી લેવું કે તેમાં લોખંડની ભેળસેળ છે. અસલી ચા ક્યારેય ચુંબકને ચોંટતી નથી.
ટેસ્ટ નંબર-2: ફિલ્ટર પેપર અથવા પાણીનો ટેસ્ટ (Color Test)
ચામાં નકલી કલર છે કે નહીં તે જાણવા માટે આ ટેસ્ટ કરો.
એક ફિલ્ટર પેપર અથવા સફેદ ટિશ્યુ પેપર લો. તેને પાણીથી થોડું ભીનું કરો. હવે તેના પર એક ચમચી ચાની ભૂકી પાથરી દો અને થોડીવાર રહેવા દો. ત્યારબાદ નળ નીચે થોડું પાણી નાખીને ધોઈ લો.
હવે પેપરને પ્રકાશમાં રાખીને જુઓ. જો પેપર પર ડાઘ રહી જાય અથવા કાળા-ભૂરા ધબ્બા દેખાય, તો સમજવું કે ચામાં નકલી કલર છે. અસલી ચા ક્યારેય તરત જ રંગ નથી છોડતી, તેને ઉકાળવી પડે છે. જ્યારે નકલી ચા ઠંડા પાણીમાં પણ તરત જ રંગ છોડી દે છે.
નિષ્ણાતો શું સલાહ આપે છે?
આચાર્ય મનીષ જી સલાહ આપે છે કે જો તમારી ચા (Tea) આ ટેસ્ટમાં ફેલ થાય, તો તેને તરત જ ફેંકી દો. આવી ચા (Tea) પીવાને બદલે શુદ્ધ અને સારી બ્રાન્ડની ચા વાપરો. શક્ય હોય તો આયુર્વેદિક 32-હર્બલ ટી (32 ઔષધિવાળી ચા) અથવા ગ્રીન ટીનો ઉપયોગ કરવો સ્વાસ્થ્ય માટે શ્રેષ્ઠ છે.
મિત્રો, ‘જાગ્યા ત્યાંથી સવાર’. આજે જ તમારા રસોડામાં જઈને આ નાનકડો પ્રયોગ કરો. તમારું અને તમારા પરિવારનું સ્વાસ્થ્ય તમારા હાથમાં છે. સસ્તી ચા (Tea) પાછળ સ્વાસ્થ્ય સાથે સમાધાન ન કરો.
આ પણ વાંચો: શિયાળામાં વાસણ ધોવાનો કંટાળો આવે છે? આ સ્માર્ટ ટિપ્સ તમારું કામ કરશે આસાન!
આ પણ વાંચો: શિયાળામાં કપડાં સુકાતા નથી અને તેમાંથી વાસ આવે છે? અપનાવો આ 10 દેશી જુગાડ, કામ થઈ જશે એકદમ આસાન!
આ પણ વાંચો: શિયાળામાં સ્નેક પ્લાન્ટ પીળો પડી જાય તો શું કરશો? આ 3 ટિપ્સથી છોડ બનશે લીલોછમ..!
