કેન્દ્ર સરકારે હવે મણિપુર વાયરલ વીડિયો કેસની તપાસ CBIને સોંપી દીધી છે. તાજેતરમાં 4 મેના રોજ મહિલાઓ પર થતા અત્યાચારનો વીડિયો વાયરલ થયો હતો. આ વીડિયો વાયરલ થયા બાદ મણિપુરમાં તણાવ વધી ગયો છે. જોકે, વીડિયો વાયરલ થયા બાદ પોલીસે આ કેસમાં પાંચ આરોપીઓની ધરપકડ કરી હતી. પાંચેયને પોલીસ કસ્ટડીમાં મોકલી દેવાયા હતા.
મળતી માહિતી મુજબ, ગૃહ મંત્રાલયે હવે આ સમગ્ર મામલાની તપાસ સીબીઆઈને સોંપી દીધી છે. તે જ સમયે, આ કેસની સુનાવણી રાજ્યની બહાર ચલાવવાનો નિર્ણય પણ લેવામાં આવ્યો હતો. એવી માહિતી આપવામાં આવી હતી કે ગૃહ મંત્રાલય મેઇતેઇ અને કુકી બંને જૂથોના સંપર્કમાં છે અને મણિપુરમાં સામાન્ય સ્થિતિ પુનઃસ્થાપિત કરવા માટે વાતચીત અંતિમ તબક્કામાં છે.
વાયરલ વીડિયો શૂટ કરવા બદલ વ્યક્તિની ધરપકડ
સૂત્રોના જણાવ્યા અનુસાર જે મોબાઈલ ફોનમાંથી મણિપુરની મહિલાઓનો વાયરલ વીડિયો શૂટ કરવામાં આવ્યો હતો તે ફોન મળી આવ્યો છે અને વીડિયો શૂટ કરનાર વ્યક્તિની ધરપકડ કરવામાં આવી છે.
આ પણ વાંચો:મોટા સમાચાર/15 સપ્ટેમ્બર સુધી ED ડાયરેક્ટર તરીકે યથાવત રહેશે સંજય મિશ્રા:સુપ્રીમ કોર્ટ
આ પણ વાંચો:પ્રહાર/રાહુલ ગાંધીએ મણિપુર મુદ્દે પીએમ મોદી પર સાધ્યું નિશાન, કહ્યું- RSSના કેટલાક પસંદગીના લોકોના વડાપ્રધાન છે
આ પણ વાંચો:આકરા પ્રહારો/સીએમ અશોક ગેહલોતે વડાપ્રધાનના નિવેદન પર કર્યો પલટવાર, કહ્યું- શું મોદીજી ઘભરાઈ ગયા છે?