અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ દ્વારા વહીવટી કાર્યકાળના અંતિમ સમયે, ચીન સામે ગંભીર આરોપ લગાવાયા હતા, ત્યારબાદ હવે ચીને હવે મોટો નિર્ણય લીધો છે. ચીને બુધવારે ટ્રમ્પ એડમિનિસ્ટ્રેશનના 28 અધિકારીઓને પ્રતિબંધ મૂક્યો છે. આ લોકોમાં પૂર્વ વિદેશ પ્રધાન માઇક પોમ્પિયોનું નામ પણ શામેલ છે. રાષ્ટ્રપતિ જો બાયડેનના શપથ લીધાના થોડા સમય પછી, ચીને પોમ્પિયો ઉપરાંત ટ્રમ્પ વહીવટમાં રાષ્ટ્રીય સુરક્ષા સલાહકાર અને સંયુક્ત રાષ્ટ્રમાં એમ્બેસેડર કેલી ક્રાફ્ટ ઉપરાંત રોબર્ટ ઓ બ્રાયન ઉપરાંત મુસાફરી અને વ્યવસાયિક વ્યવહાર પર પ્રતિબંધ મૂક્યો છે.
ટ્રમ્પ વહીવટીતંત્રના આર્થિક સલાહકાર પીટર નવારુ, એશિયાના ટોચના રાજદ્વારી ડેવિડ સ્ટિલવેલ, આરોગ્ય અને માનવ સેવા પ્રધાન એલેક્સ અઝાર, પૂર્વ રાષ્ટ્રીય સુરક્ષા સલાહકાર જોન બોલ્ટન અને વ્યૂહરચનાકાર સ્ટીફન બેનન પર પણ પ્રતિબંધ મૂકવામાં આવ્યો છે. ટ્રમ્પ પ્રશાસનના અધિકારીઓ પર લાદવામાં આવેલા આ નિયંત્રણો પ્રતીકાત્મક છે પરંતુ તે અમેરિકા પ્રત્યે ચીનના કડક વલણને દર્શાવે છે. પોમ્પિયોના એક નિવેદનથી નારાજગી વ્યક્ત કરતાં ચીને આ પગલું ભર્યું છે.
અમેરિકાએ શું આક્ષેપો કર્યા?
તત્કાલીન યુએસના વિદેશ સચિવ માઇક પોમ્પિયોએ કહ્યું હતું કે લઘુમતીઓ અને મુસ્લિમો અંગે ચીનની નીતિઓ ‘નરસંહાર’ સમાન છે. તેમણે ચીન પર પણ અનેક નવા નિયંત્રણો લાદ્યા અને કહ્યું કે ચીનના પશ્ચિમ ઝિનજિયાંગ પ્રાંતમાં લઘુમતીઓ અને મુસ્લિમોની હત્યા કરવામાં આવે છે. પોમ્પિયોએ ચીન પર ગંભીર આરોપ લગાવતા કહ્યું હતું કે ‘ઉપલબ્ધ તથ્યોના આધારે હું એમ કહી શકું છું કે કમ્યુનિસ્ટ પાર્ટીના નિયંત્રણ હેઠળના ચીને ઝિનજિયાંગમાં લઘુમતીઓ અને ઉયગર મુસ્લિમોની હત્યા કરી છે.’
આ પહેલા પણ ચીન પર દેશના લઘુમતીઓ અને મુસ્લિમોને સતાવવાનો આરોપ લાગ્યો છે. પરંતુ તે હંમેશાં આ આરોપોને પાયાવિહોણા ગણાવે છે. પશ્ચિમના મીડિયા અહેવાલોથી પણ ચીનના ઘણા રહસ્યો ખુલ્લા છે. જેમાં જાણવા મળ્યું છે કે તેણે અટકાયત શિબિર બનાવીને આ લોકોને ત્યાં જબરદસ્તી રાખ્યા છે. અહીં તેઓને વિવિધ રીતે ત્રાસ આપવામાં આવે છે અને તેમના બ્રેન વોશ કરે છે. આ અંગે ચીન કહે છે કે આ અટકાયત શિબિર નથી પરંતુ સુધારણા ઘરો છે. પરંતુ અન્ય દેશોમાં આ ત્રાસથી છટકી ગયેલા લોકો ચીનના દાવાઓને ખોટા સાબિત કરે છે.
મંતવ્ય ન્યૂઝ દ્વારા જાહેર અપીલ –
દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…
