કોરોના વાયરસનાં કેસો પર ચીન ચિંતા માં મુકાયુ છે. છેલ્લા ઘણા સમયથી અંકુશ રાખનાર ચીનમાં હવે આ વાયરસ ઝડપથી વધવા લાગ્યો છે. તપાસમાં તમામ કેસો ડેલ્ટા વેરિએન્ટનાં હોવાનુ સામે આવ્યુ છે. ચીને અધિકારીઓની બેદરકારીને પરિણામે કોરોનાનાં વધતા જતા કેસોને ધ્યાનમાં લીધા છે.
આ પણ વાંચો – Political / વડાપ્રધાન આજે ઉજ્જવલા યોજના 2.0 નું કરશે શુભારંભ, લાભાર્થીઓને મળશે મફતમાં…
એરપોર્ટ અને અન્ય સ્થળોએ ટેસ્ટિંગ અંગેની બેદરકારીને જોતા, ચીન સરકાર જવાબદાર અધિકારીઓને આકરી સજા આપી રહી છે. દેશભરમાં આ માટે મોટી સંખ્યામાં અધિકારીઓની ઓળખ કરવામાં આવી છે. નોંધનીય છે કે 2019 નાં અંતમાં વુહાનમાં કોરોનાનાં કેસ નોંધાયા બાદ ચીનમાં આટલી મોટી સંખ્યામાં કેસ જોવા મળ્યાની આ પ્રથમ ઘટના છે. ચીનનાં પૂર્વીય શહેર યાંગઝોઉએ પાંચ અધિકારીઓને મોટા પાયે કોરોના ટેસ્ટિંગની ગેરવ્યવસ્થા કરવા માટે ચેતવણી આપી હતી અને કહ્યું હતું કે, તેઓએ વાયરસને ફેલાવ્યો છે. સોમવાર સુધીમાં, ચીનનાં આ સૌથી મોટા હોટસ્પોટમાં 308 પુષ્ટિ થયેલા કેસો નોંધાયા છે, જ્યારે છ દર્દીઓ ગંભીર રીતે બીમાર છે અને જો કોઈનું મૃત્યુ થાય છે, તો છ મહિનાથી વધુ સમયમાં ચીનમાં આ પ્રથમ કોરોનાનું મૃત્યુ હશે. જોકે ચીનની મોટાભાગની વસ્તીને રસી આપવામાં આવી છે, અધિકારીઓ રસીકરણ પર આધાર રાખવાને બદલે વાયરસને દૂર કરવા માટે સામૂહિક ટેસ્ટિંગ અને લોકડાઉનની નીતિ અમલમાં મૂકવાની તૈયારી કરી રહ્યા છે. વુહાન સહિત ચીનનાં ઘણા શહેરોમાં, કોરોના વાયરસનાં ડેલ્ટા વેરિઅનટનાં સંક્રમણનાં કેસોમાં વધારો થયો છે.
આ પણ વાંચો – First Private Luxury Train / 25 અબજના ખર્ચે બનશે પ્રથમ ખાનગી લકઝરી ટ્રેન, જૂઓ તેની ખાસિયતો ફોટા સાથે
એક અહેવાલ અનુસાર, ચીની સરકારનાં નિશાના પર દેશભરમાંથી 30 થી વધુ અધિકારીઓ છે. તેમની સામે કાર્યવાહી કરવાની તૈયારીઓ ચાલી રહી છે. જેમાં મેયરથી લઈને સ્થાનિક હેલ્થ ડિરેક્ટર અને હોસ્પિટલો અને એરપોર્ટનાં પ્રમુખનો પણ સમાવેશ થાય છે. ચીન સરકાર માને છે કે, બહારથી આવતા મુસાફરોની તપાસમાં બેદરકારી રહી છે. આ કારણે, સંક્રમણ આટલા મોટા પાયે ફેલાયો છે. નવીનતમ પરિસ્થિતિ અનુસાર, તે 31 પ્રાંતોમાં પહોંચી ગયું છે. તેથી, છેલ્લા એક અઠવાડિયામાં, અહીં 11.3 મિલિયન લોકોનું કોવિડ માટે ટેસ્ટિંગ કરવામાં આવ્યું છે. દેશનાં જુદા જુદા ભાગોમાં નવા કેસ મળી રહ્યા છે અને તેમાં પ્રાંતોનો સમાવેશ થાય છે જ્યાંથી ચીનની વ્યાપારી પ્રવૃત્તિઓ જાય છે. જો કોરોનાનાં કેસમાં વધારો થાય છે, તો લોકડાઉનને કારણે અહીં ઉત્પાદન અટકી શકે છે.
