બર્મિંગહામમાં યોજાયેલી કોમનવેલ્થ ગેમ્સ 2022માં ભારતે જબરદસ્ત પ્રદર્શન કર્યું. આ વર્ષની કોમનવેલ્થ ગેમ્સમાં ભારતે કુલ 61 મેડલ જીત્યા હતા. જેમાં 22 ગોલ્ડ, 16 સિલ્વર અને 23 બ્રોન્ઝ મેડલ સામેલ છે. ભારતને કુસ્તી અને વેઈટલિફ્ટિંગમાંથી સૌથી વધુ મેડલ મળ્યા છે. ભારતીય કુસ્તીબાજોએ કુસ્તીમાં 12 મેડલ જીત્યા છે અને વેઈટલિફ્ટર્સે 10 મેડલ જીત્યા છે. બોક્સિંગમાં પણ ભારતને 7 મેડલ મળ્યા છે. આ સાથે જ ભારતને બેડમિન્ટનમાં 3 ગોલ્ડ મેડલ મળ્યા છે.
કોમનવેલ્થ ગેમ્સ 2022 ભારતની મેડલ ટેલી
તમને જણાવી દઈએ કે કોમનવેલ્થ ગેમ્સની મેડલ ટેલીમાં ભારત ચોથા સ્થાને છે. ભારતે આ વખતે કુલ 61 મેડલ જીત્યા. જેમાં 22 ગોલ્ડ, 16 સિલ્વર અને 23 બ્રોન્ઝ મેડલ સામેલ છે. ભારત સિવાય ઓસ્ટ્રેલિયાએ 177 મેડલ, 66 ગોલ્ડ, 57 સિલ્વર, 54 બ્રોન્ઝ જીતીને પ્રથમ સ્થાન મેળવ્યું છે. જ્યારે ઈંગ્લેન્ડ 172 મેડલ સાથે બીજા અને કેનેડા 92 મેડલ સાથે ત્રીજા ક્રમે છે.
ભારતને છેલ્લો મેડલ પુરૂષ હોકી ટીમ તરફથી મળ્યો (સિલ્વર)
આજે, કોમનવેલ્થ ગેમ્સના છેલ્લા દિવસે, ભારતને તેનો છેલ્લો મેડલ પુરૂષ હોકી ટીમ દ્વારા મળ્યો. જોકે, આજે ગોલ્ડ મેડલ મેચમાં મેન્સ હોકી ટીમ ઓસ્ટ્રેલિયા સામે એકતરફી રમતમાં 7-0થી હારી ગઈ હતી અને સિલ્વર મેડલથી સંતોષ માનવો પડ્યો હતો.
અચંત શરથ કમલે છેલ્લું ગોલ્ડ મેળવ્યું હતું
આ સાથે જ ભારતને કોમનવેલ્થ ગેમ્સમાં છેલ્લો ગોલ્ડ ટેબલ ટેનિસમાં અચંતા શરથ કમલે મેળવ્યો હતો. તેણે મેન્સ સિંગલ્સ ટેબલ ટેનિસ મેચમાં લિયામ પિચફોર્ડ (11-13, 11-7, 11-2, 11-6, 11-8)ને હરાવ્યો હતો.
લક્ષ્ય સેન અને પીવી સિંધુએ બેડમિન્ટનમાં ગોલ્ડ જીત્યો હતો
બર્મિંગહામમાં ચાલી રહેલી કોમનવેલ્થ ગેમ્સના છેલ્લા દિવસે ભારતીય બેડમિન્ટન ખેલાડી લક્ષ્ય સેને ગોલ્ડ જીત્યો હતો. તેણે મેન્સ સિંગલ બેડમિન્ટનની અંતિમ મેચમાં મલેશિયાના જી યોંગ એનજીને હરાવ્યો હતો. લક્ષ્ય સેને જી યોંગ સામે 19-21, 21-9, 21-16થી જીત નોંધાવી હતી. તે જ સમયે, ભારતીય બેડમિન્ટન સ્ટાર પીવી સિંધુએ તેની સિદ્ધિઓમાં વધુ એક મોટો માઈલસ્ટોન સામેલ કર્યો છે. તેણે કોમનવેલ્થ ગેમ્સ 2022માં મહિલા સિંગલ્સ બેડમિન્ટનમાં ગોલ્ડ મેડલ જીત્યો છે. કોમનવેલ્થ ગેમ્સમાં સિંગલ ઈવેન્ટમાં આ તેનો પહેલો ગોલ્ડ મેડલ છે.
Khatu Shyam / ખાટુ શ્યામ મંદિર આટલું પ્રખ્યાત કેમ છે અને મહાભારત સાથે તેનું શું જોડાણ છે ? ચાલો જાણીએ
