West Bengal Politics Update September 2026: પશ્ચિમ બંગાળની નંદીગ્રામ વિધાનસભા પેટાચૂંટણી પહેલાં રાજકીય માહોલ ગરમાયો છે. કોંગ્રેસના ઉમેદવાર મિલન પ્રધાનની 2007ના જૂના હત્યા કેસ સાથે જોડાયેલા મામલામાં ધરપકડ કરવામાં આવી છે. મહત્વની વાત એ છે કે આ કાર્યવાહી મમતા બેનર્જીના ગૃપે નંદીગ્રામમાં(Nandigram) કોંગ્રેસ ઉમેદવારને સમર્થન આપવાની જાહેરાત કર્યાના થોડા કલાકો બાદ થઈ હતી. આ સમયને લઈને કોંગ્રેસ અને મમતા બેનર્જીએ સવાલો ઉઠાવ્યા છે.

મમતા સમર્થન જાહેર કરે અને પછી ધરપકડ

નંદીગ્રામ(Nandigram) પેટાચૂંટણી માટે મમતા બેનર્જીના ગૃપ તરફથી ઉમેદવાર બનાવવામાં આવેલા સંચિતા પ્રધાન ડેએ પોતાનું નામ પાછું ખેંચ્યું હતું. ત્યારબાદ મમતા બેનર્જીએ કોંગ્રેસના મિલન પ્રધાનને સમર્થન આપવાની જાહેરાત કરી હતી. આ જાહેરાત બાદ જ મિલન પ્રધાનની જૂના કેસમાં ધરપકડ થઈ હતી. નંદીગ્રામમાં પેટાચૂંટણી 6 ઓક્ટોબરે યોજાવાની છે. પોલીસના જણાવ્યા અનુસાર મિલન પ્રધાન સામે 2007ના નંદીગ્રામ જમીન સંપાદન વિરોધી આંદોલન સાથે જોડાયેલા હત્યા કેસોમાં કાર્યવાહી કરવામાં આવી છે. રિપોર્ટ્સ મુજબ તેમની સામે અગાઉથી વોરંટ પણ જારી કરવામાં આવ્યું હતું. કેટલાક અહેવાલોમાં તેમની સામે એકથી વધુ કેસ હોવાનો ઉલ્લેખ છે.

કોંગ્રેસે ભાજપ પર લગાવ્યા ગંભીર આરોપ

કોંગ્રેસ મહાસચિવ કેસી વેણુગોપાલે (Nandigram) ધરપકડના સમયને લઈને ભાજપ પર નિશાન સાધ્યું. તેમણે આરોપ લગાવ્યો કે જૂના કેસનો ઉપયોગ કરીને વિપક્ષને દબાવવાનો પ્રયાસ થઈ રહ્યો છે. કોંગ્રેસે આ કાર્યવાહીને રાજકીય રીતે પ્રેરિત ગણાવી અને કહ્યું કે પાર્ટી આવા દબાણથી પાછળ નહીં હટે. મમતા બેનર્જીએ પણ ધરપકડના સમય પર સવાલ ઉઠાવ્યા. તેમણે આરોપ લગાવ્યો કે કોંગ્રેસને સમર્થન આપવાની જાહેરાત બાદ જૂનો કેસ ફરી સામે લાવવામાં આવ્યો. જોકે, આ આરોપો રાજકીય પક્ષોના દાવા છે અને ધરપકડનું કાનૂની આધાર 2007ના કેસ સાથે જોડાયેલો હોવાનું પોલીસ તરફથી જણાવાયું છે.

ભાજપે આરોપો નકાર્યા

ભાજપે ધરપકડને રાજકીય કાર્યવાહી ગણાવવાના આરોપોને નકારી કાઢ્યા છે. પક્ષ તરફથી કહેવામાં આવ્યું છે કે પોલીસ કાયદા મુજબ કાર્યવાહી કરી રહી છે અને ધરપકડનો રાજકારણ સાથે સંબંધ નથી. એટલે હવે નંદીગ્રામ પેટાચૂંટણી પહેલાં કાનૂની કાર્યવાહી અને રાજકીય આરોપ-પ્રત્યારોપ બંનેને કારણે મામલો વધુ ચર્ચામાં આવ્યો છે. નંદીગ્રામ(Nandigram) બેઠક 2026ની વિધાનસભા ચૂંટણી બાદ ખાલી થઈ હતી અને હવે અહીં પેટાચૂંટણી યોજાવાની છે. મિલન પ્રધાનની ધરપકડ બાદ કોંગ્રેસ માટે ઉમેદવારી અને ચૂંટણી પ્રક્રિયા અંગે પણ મહત્વના સવાલો ઊભા થયા છે. આગામી દિવસોમાં આ મામલે કાનૂની અને રાજકીય બંને મોરચે વધુ હલચલ જોવા મળી શકે છે.

આ પણ વાંચો:પશ્ચિમ બંગાળમાં ભાજપનો મોટો ઝટકો; કોલકાતા અને હાવડા નગર નિગમ ચૂંટણી એકલા હાથે લડશે

આ પણ વાંચો:પશ્ચિમ બંગાળમાં મમતા બેનર્જીના કાફલા પર ભીડનો હુમલો; ગાડી પર પથ્થર અને ચપ્પલ ફેંક્યા

આ પણ વાંચો:પશ્ચિમ બંગાળમાં જૈશ-એ-મોહમ્મદનું મોટું કાવતરું; મંત્રીઓ માટે હની-ટ્રેપ પ્લાનનો ખુલાસો