અમેરિકામાં કોરોના હવે બેકાબુ થતો જઇ રહ્યો છે. અહી Covid-19 નાં કેસ સતત વધી રહ્યા છે. શનિવારે દેશમાં સતત ચોથા દિવસે કોરોના વાયરસના બે લાખથી વધુ કેસ નોંધાયા હતા. જ્હોન હોપકિન્સ યુનિવર્સિટી અને બ્લૂમબર્ગે માહિતી આપી છે કે દેશમાં 2,13,877 નવા કેસ નોંધાયા છે. પાછલા અઠવાડિયાથી દેશમાં કોવિડ-19 કેસોમાં 16 ટકાનો વધારો થયો છે, જે એક ચિંતાનો વિષય છે.
સતત પાંચમાં દિવસે દેશમાં મૃતકોની સંખ્યા બે હજારથી વધુ નોંધાઈ છે. ગુરુવારે રોગચાળાને કારણે 2,867 લોકોનાં મોત નીપજ્યાં, જ્યારે શનિવારે આ આંકડો 2,301 રહ્યો હતો. કેસની સંખ્યામાં વધારો થતાં નવા પ્રતિબંધો પણ લાગુ કરવામાં આવી રહ્યા છે. દક્ષિણી કેલિફોર્નિયામાં સ્ટે-એટ-હોમ ઓર્ડર આપવામાં આવ્યો છે. આ અંતર્ગત લોસ એન્જલસ અને સૈન ડિયાગોમાં કડક નિયમો લાગુ કરવામાં આવ્યા છે. લગભગ 33 મિલિયન લોકો અથવા રાજ્યનાં 84 ટકા લોકોએ આ હુકમનું પાલન કરવું પડશે. લોસ એન્જલસ ટાઇમ્સ અનુસાર, બાર, હેર સલુન્સ, લાઇવ પ્રેક્ષક રમતો અને અન્ય પ્રવૃત્તિઓ પર પ્રતિબંધ મૂકવામાં આવ્યો છે.
સ્ટે-એટ-હોમ ઓર્ડર ત્રણ અઠવાડિયા માટે અમલમાં રહેશે. દરમિયાન, કોરોના વાયરસ રોગચાળાને અંકુશમાં રાખવા માટે રાષ્ટ્રપતિ ડોનાલ્ડ ટ્રમ્પનાં વહીવટીતંત્ર દ્વારા શરૂ કરાયેલા ઓપરેશન વાર્પ સ્પીડ પ્રોગ્રામનાં મુખ્ય સલાહકાર મોનસેફ સ્લાઓઇ નિર્વાચિત રાષ્ટ્રપતિ જો બાઇડેનને મળવાના છે. એવું કહેવામાં આવી રહ્યું છે કે કોવિડ-19 ની રસી અંગે બંને વચ્ચે ચર્ચા થઈ શકે છે. એવું માનવામાં આવે છે કે આ મહિનામાં રસીનો પ્રથમ બેચ આવી શકે છે. બાઇડેન જણાવે છે કે અમેરિકન નાગરિકો પર કોરોના વાયરસની રસી લગાવવા માટે કોઈ દબાણ રહેશે નહીં, ન તો તેમને રસી લેવાની ફરજ પાડવામાં આવશે.
ભારતનાં ખેડૂત આંદોલનનાં સમર્થનમાં લંડનમાં જબરદસ્ત પ્રદર્શન
બાબાસાહેબના મહાપરિનિર્વાણ દિવસ: PM મોદીએ કહ્યું – અમે આંબેડકરના સપના પૂરા કરવા કટિબદ્ધ…
ભાજપ સાથે સારા સબંધ હોત તો આજે પણ CM હોત, કોંગ્રેસ સાથે જોડાણથી બધુ ગુમાવ્યું – કુમારસ્વામી
મંતવ્ય ન્યૂઝ દ્વારા જાહેર અપીલ –
દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…
