Ahmedabad News : અમદાવાદ પોલીસે અલગ અલગ બેન્કના 61 ડમી એકાઉન્ટ ખોલાવીને રૂ.50,00,00,000 (50 કરોડ)ના સાયબર ફ્રોડના નાણાના ટ્રાન્ઝેક્શનનો પર્દાફાશ કર્યો છે. આ કેસમાં પોલીસે ચાર આરોપીની ધરપકડ કરી છે.
આ બનાવની વિગત મુજબ અમદાવાદ પોલીસની ઝોન-7 LCB પોલીસે માહિતીને આધારે એલિસબ્રિજ વિસ્તારમાં પેટ્રોલિંગ દરમિયાન એક્ટીવા પર જઈ રહેલા ચિરાગ નરેશભાઈ કડીયાને ઝડપી લીધો હતો. તેની પાસેતી પોલીસને અલગ અલગ બેન્કની 18 ચેકબુક, શ્યામ સર્વિસીસ પ્રોપરાઈટર અને સુંદરમ એન્ટરપ્રાઈઝ પ્રોપરાઈટરના નામના બે સ્ટેમ્પ, વિવિધ બેન્કના 9 ઈન્ટરનેશનલ ડેબિટ કાર્ડ, અલગ અલગ કંપનીના 5 સીમ કાર્ડ, તેના ઘરેથી અલગ અલગ બેન્કની 35 ચેક બુક, વિવિધ બેન્કના 33 ડેબિટ કાર્ડ તથા કુલ 24 સિમ કાર્ડ, અલગ અલગ બેન્કોના 15 QRકોડ, અલગ અલગ એન્ટરપ્રાઈઝના 3 રબર સ્ટેમ્પ, સ્વેપ કરવાનું પીઓએસ મશીન વગેરે મળી આવ્યા હતા.
તપાસમાં પેઢી નહી હોવા છતા ખોટા પુરાવા ઉભા કરી ખોટી પેઢીઓના નામે અલગ અલગ ખાતેદારના નામે કરંટ એકાઉન્ટ ખોલીની રૂ.10,000થી ભાડે આપી તથા અલગ અલગ ડમી સિમ કાર્ડ રૂ.1200માં ખરીદી બેન્ક એકાઉન્ટ ખોલાવતી વખતે મોબાઈલ નંબર આપીને બેન્કમાંથી બેન્ક કીટ મેળવી હોવાનું બહાર આવ્યું હતું. તે સિવાય બેંક કીટ તથા મોબાઈલનું સિમ કાર્ડ મોકલી અલગ અલગ જગ્યાએથી ઓપરેટ કરાવી અલગ અલગ એમઓથી ભોગ બનનારને અલગ અલગ મોબાઈલ Whatsappમાં મેસેજ કરીને Whatsapp ગ્રુપમાં જોઈન્ટ કરી શેર બજારમાં તથા ગોલ્ડમાં રોકાણ કરવાની લાલચ આપીને ભોગ બનનારના નાણાં ખોટા પુરાવા ઉભા કરીને ખોટી પેઢીના નામ ઉપર ખોલવામાં આવેલા 61 બેન્ક એકાઉન્ટમાં જમા કરાવીને અલગ અલગ બેન્ક એકાઉન્ટમાં અંદાજે 50 કરોડનું ટ્રાન્ઝેક્શન કરાવ્યું હતું.
તેમાંથી 33 કરોડ રૂપિયા જમા થયા હતા તેમજ સાયબર હેલ્પ લાઈન નંબર 1930 પર અલગ અલગ રાજ્યમાં પકડાયેલા એકાઉન્ટ પર 66 ફરિયાદો થયેલી છે. જેમાં ફરિયાદીઓના અંદાજે 3 કરોડ રૂપિયાનું સાયબર ફ્રોડ થયું હોવાનું બહાર આવ્યું છે.આ કેસમાં પોલીસે ઈસનપુરમાં રહેતા સ્નેહલ ઉર્ફે પિન્ટુ કે.સોલંકી, ચિરાગ એન.કડીયા, મણીનગરના ગોપાલ કે.પ્રજાપતિ અને કાલુપુરના મુકેશ ખેંગારજી દહીયાની ધરપકડ કરી હતી.
આ પણ વાંચો:સુરતમાં પરિણીતાએ કર્યો આપઘાત
આ પણ વાંચો:સુરતમાં 12 વર્ષની પુત્રીએ કર્યો આપઘાત! ‘મમ્મી, મારાથી ફોન પાણીમાં પડી ગયો’
આ પણ વાંચો:સુરતમા પરિવારે કર્યો સામૂહિક આપઘાત,ઘર માંથી મળી સુસાઇડ નોટ
