દિલ્હી વિધાનસભાની ચૂંટણી માટે આમ આદમી પાર્ટીએ ‘કેજરીવાલ ગેરેંટી કાર્ડ’ જારી કર્યું છે. આપ એ દાવો કર્યો છે કે, આ 10 ગેરંટી ચૂંટણી પછી પણ ચાલુ રહેશે. અરવિંદ કેજરીવાલે કહ્યું કે, વિરોધી લોકો કહે છે કે આ 31 માર્ચ સુધી છે પરંતુ હું તમને કહેવા માંગુ છું કે આ સુવિધાઓ ચાલુ રહેશે. કેટલીક ગેરંટી આપવામાં આવશે જેનો અમલ એક, બે, ત્રણ કે ચાર વર્ષમાં લાગુ કરવામાં આવશે.
તેમણે કહ્યું કે, કેજરીવાલની આ બાંયધરી છે કે આગામી 5 વર્ષ સુધી 24 કલાક વીજળી મળશે અને 200 યુનિટ સુધી મફત વીજળી મળશે. આપ નાં નેતા ગોપાલ રાયે કહ્યું છે કે, 26 જાન્યુઆરીની આસપાસ અમે પોતાનુ ઘોષણાપત્ર પણ રજૂ કરીશું. તેને બે રીતે રજૂ કરવામાં આવી રહેલ છે – એક ગેરેંટી કાર્ડ, ત્યારબાદ વિગતવાર ઘોષણાપત્ર. ગેરેંટી કાર્ડ લોકોને ઘરે ઘરે પહોંચાડવામાં આવશે. આપને જણાવી દઈએ કે, દિલ્હીની તમામ 70 વિધાનસભા બેઠકો પર 8 ફેબ્રુઆરીએ મતદાન થશે અને આ માટે AAP એ તમામ બેઠકો માટે ઉમેદવારોની ઘોષણા કરી છે.
કેજરીવાલની ગેરંટી કાર્ડમાં આ 10 ગેરંટી છે
1- સ્પાર્કલિંગ દિલ્હી
200 યુનિટ વીજળી મફત મળતી રહેશે. વિપક્ષ આમાં મૂંઝવણ ઉભી કરી રહ્યુ છે. ખુલ્લા તાર અને હાઈ ટેન્સન તારોથી છૂટકારો મેળવશે. તે ભૂગર્ભ થશે.
2- દરેક ઘરમાં નળનું પાણી
આવતા પાંચ વર્ષમાં 24 કલાક પાણી મળશે. આ ટોટીથી મળશે. 20 હજાર લિટર મફતમાં મળશે.
3- દેશની શ્રેષ્ઠ શિક્ષણ પ્રણાલી
શિક્ષણ પ્રણાલી વધુ સારી રહેશે. 12 માં સુધીનું શિક્ષણ એ મારી ગેરંટી છે. 12 માં સુધીનું અભ્યાસ ફ્રી રહેશે અને આગળ ભણતર માટે વ્યવસ્થા કરવામાં આવશે. અમે દિલ્હીમાં જન્મેલા દરેક બાળક માટે જવાબદાર છીએ.
4- સસ્તુ, સુલભ અને શ્રેષ્ઠ સારવાર
આરોગ્ય મારી જવાબદારી છે અને મફત સારવાર મળશે. મોહલ્લા ક્લિનિક્સ, નવી હોસ્પિટલો અને શિફ્ટ ક્લિનિક્સ બનાવવામાં આવશે. જો દિલ્હીનો નાગરિક બીમાર હશે, તો તેઓને શ્રેષ્ઠ સારવારની બાંયધરી આપવામાં આવે છે.
5- સૌથી મોટી અને સસ્તી ટ્રાફિક સિસ્ટમ
ટ્રાફિક સેવા લાગુ થશે. આંતરરાષ્ટ્રીય સ્ટારની પરિવહનની વ્યવસ્થા થશે. અંતિમ મીલ કનેક્ટિવિટી હશે. મહિલાઓને મફત મુસાફરી મળતી રહેશે. વિદ્યાર્થીઓને મફત મુસાફરી મળશે.
6- પ્રદૂષણ મુક્ત દિલ્હી
દિલ્હીનાં પ્રદૂષણને ઠીક કરવા માટે 2 કરોડથી વધુ વૃક્ષારોપણ કરવામાં આવશે. વેક્યુમથી સફાઈ કરવામાં આવશે. અમે યમુના પણ સાફ કરીશું અને દિલ્હીને રોશન કરીશું.
7-સ્વચ્છ અને ચમકતી દિલ્હી
તમને કચરો અને કાટમાળથી છૂટકારો આપીને દિલ્હીને સ્વચ્છ અને સુંદર બનાવીશું.
8-મહિલાઓ માટે સલામત દિલ્હી
મહિલાઓનાં રક્ષણ માટે કામ કરીશું. સીસીટીવી સ્ટ્રીટ લાઇટ લગાવવામાં આવી રહી હતી. જેમ બસ માર્શલ લાગેલા છે, તેવી જ રીતે મોહલ્લા માર્શલો લાગશે.
9-મૂળભૂત સુવિધાઓવાળી કાચી કોલોની
કાચી કોલોનીમાં પુષ્કળ સુવિધાઓ મળી રહી છે. ડ્રેઇનેઝ, રોડ, પાણી, સીસીટીવી જેવી 7 સુવિધાઓ મળશે.
10-જ્યાં ઝૂંપડપટ્ટી ત્યા મકાન
દિલ્હીનાં દરેક ઝૂંપડપટ્ટીવાસીઓને સમ્માનજનક જીવન આપવા માટે પાકાં મકાનો આપવામાં આવશે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.