Delhi Satya Niketan Building Collapse: દિલ્હીમાં ભારે વરસાદ વચ્ચે દક્ષિણ દિલ્હીના સત્ય નિકેતન વિસ્તારમાં એક મોટી દુર્ઘટના બની છે. શિવ મંદિર નજીક આવેલી ત્રણ માળની ઇમારત અચાનક ધરાશાયી થતાં સમગ્ર વિસ્તારમાં અફરાતફરી મચી ગઈ હતી. કાટમાળ નીચે અનેક લોકો ફસાયા હોવાની આશંકા વ્યક્ત કરવામાં આવી છે.

🚨 मुरादाबाद में बारिश के बाद बहुमंजिला इमारत भरभराकर गिर गई। इमारत पहले ही खाली करा दी गई थी, क्योंकि उसमें दरारें आ गई थीं। गिरते वक्त बिजली की तारें चपेट में आने से सड़क पर चिंगारियां दिखीं। राहत की बात—कोई हताहत नहीं। 🙏#Muradabad #UPNews #Delhi #BreakingNews #India pic.twitter.com/KGHnCX9YPf

— Mohit (@Mohit_patrkar) September 6, 2026

Delhi ફાયર વિભાગની 12 ગાડીઓ ઘટનાસ્થળે

ઘટનાની માહિતી મળતાં જ દિલ્હી પોલીસ અને ફાયર વિભાગની ટીમો તાત્કાલિક સ્થળ પર પહોંચી હતી. ફાયર વિભાગને બપોરે લગભગ 1:33 વાગ્યે ઇમારત ધરાશાયી થવાની માહિતી મળી હતી. ત્યારબાદ બચાવ કામગીરી(Delhi) માટે 12 ફાયર ટેન્ડર ઘટનાસ્થળે મોકલવામાં આવ્યા હતા. રેસ્ક્યૂ ટીમો સતત કાટમાળ હટાવીને અંદર ફસાયેલા લોકોને બહાર કાઢવાનો પ્રયાસ કરી રહી છે. અત્યાર સુધીમાં 2થી 3 લોકોને કાટમાળમાંથી બહાર કાઢવામાં આવ્યા હોવાનું જણાવવામાં આવ્યું છે. ઘાયલોને તાત્કાલિક સારવાર માટે હોસ્પિટલ ખસેડવામાં આવ્યા છે.

दिल्ली विश्वविद्यालय के साउथ कैंपस के पास सत्य निकेतन में इमारत गिरने की खबर बेहद चिंताजनक है। मलबे में DU के छात्रों के दबे होने की जानकारी सामने आ रही है।

छात्रों और आम लोगों की सुरक्षा के साथ लापरवाही किसी भी कीमत पर स्वीकार नहीं की जाएगी।

DU प्रशासन और सरकार तुरंत युद्धस्तर… pic.twitter.com/fwAzkV92tS

— NSUI (@nsui) September 6, 2026

PG હોવાના કારણે વિદ્યાર્થીઓ ફસાયા હોવાની આશંકા

પ્રાથમિક માહિતી પ્રમાણે, આ ઇમારતમાં PG પણ ચાલતું હતું. તેથી કાટમાળ(Delhi) નીચે વિદ્યાર્થીઓ સહિત અન્ય લોકો ફસાયા હોવાની આશંકા છે. ફાયર અને પોલીસ ટીમોની સાથે સ્થાનિક લોકો પણ બચાવ કામગીરીમાં મદદ કરી રહ્યા છે. આરકે પુરમના ધારાસભ્ય અનિલ શર્મા પણ ઘટનાસ્થળે પહોંચ્યા હતા અને બચાવ કામગીરીનું નિરીક્ષણ કર્યું હતું. તેમણે જણાવ્યું હતું કે રાહત અને બચાવ કામગીરી ઝડપથી ચાલી રહી છે. જોકે, આ દુર્ઘટનામાં કુલ કેટલા લોકો અસરગ્રસ્ત થયા છે તે અંગે હાલમાં ચોક્કસ આંકડો સામે આવ્યો નથી.

04:10

કાટમાળમાં ફસાયેલા લોકોને શોધવા ડોગ સ્ક્વોડની મદદ લેવાઈ

ઇમારત ધરાશાયી થયા બાદ કાટમાળ નીચે કોઈ વ્યક્તિ ફસાઈ છે કે નહીં તેની તપાસ માટે ડોગ સ્ક્વોડની ટીમને પણ ઘટનાસ્થળે બોલાવવામાં આવી છે. પ્રશિક્ષિત શ્વાનની મદદથી કાટમાળના અલગ-અલગ ભાગોમાં સર્ચ ઓપરેશન હાથ ધરવામાં આવી રહ્યું છે, જેથી અંદર કોઈ વ્યક્તિ જીવિત હોય તો તેને વહેલી તકે શોધી શકાય.

#WATCH | Delhi: NDRF personnel, along with a dog squad, carry out rescue operations at the site of a building collapse near Satya Niketan in South-West Delhi. More details are awaited.

As per Delhi Police, the exact number of persons trapped/injured is not known at present. 2… pic.twitter.com/USbbNjfZmc

— ANI (@ANI) September 6, 2026

04:06

DUSU અધ્યક્ષનો દાવો: 10થી 15 વિદ્યાર્થીઓને બચાવાયા, કેટલાક હજુ ફસાયેલા

દિલ્હીની ઇમારત ધરાશાયી થવાની ઘટનાને લઈને DUSU અધ્યક્ષ આર્યન માને મહત્વની માહિતી આપી છે. તેમના જણાવ્યા મુજબ, અત્યાર સુધીમાં આશરે 10થી 15 વિદ્યાર્થીઓને કાટમાળમાંથી સુરક્ષિત બહાર કાઢવામાં આવ્યા છે, જ્યારે કેટલાક વિદ્યાર્થીઓ હજુ પણ અંદર ફસાયેલા હોવાની આશંકા છે. તેમની સાથે સંપર્ક જાળવી રાખવામાં આવી રહ્યો હોવાનું પણ તેમણે જણાવ્યું છે.

આર્યન માને વધુમાં કહ્યું કે NDRFની ટીમ ઘટનાસ્થળે પહોંચી ગઈ છે અને બચાવ કામગીરી ઝડપથી ચાલી રહી છે. તેમણે મુખ્યમંત્રી સાથે પણ વાતચીત કરી હોવાનું જણાવ્યું હતું. વિદ્યાર્થીઓને જરૂરી મદદ પહોંચાડવા માટે અન્ય રાહત અને બચાવ ટીમો પણ ઘટનાસ્થળે પહોંચી રહી હોવાનું તેમણે કહ્યું.

હાલ સુધીમાં આ ઘટનામાં કોઈ જાનહાનિ થયાના સમાચાર મળ્યા નથી, જોકે રેસ્ક્યૂ ઓપરેશન હજુ ચાલુ હોવાથી અંતિમ સ્થિતિ કાટમાળ સંપૂર્ણપણે હટાવ્યા બાદ જ સ્પષ્ટ થશે.

04:04

બિલ્ડિંગ ધરાશાયી થવા પાછળ આ 4 કારણોની શક્યતા

#WATCH | Delhi: On the building collapse near Satya Niketan in South-West Delhi, DUSU President Aryan Maan says, “Approximately 10-15 students have been rescued so far, though some are still trapped inside. We are in communication with them, and the entire NDRF team has arrived.… pic.twitter.com/otLICCRuQb

— ANI (@ANI) September 6, 2026

સત્ય નિકેતનમાં ઇમારત ધરાશાયી થવાની ઘટનાને લઈને હાલ કારણોની તપાસ ચાલી રહી છે. જોકે મીડિયા રિપોર્ટ્સ અને પ્રાથમિક માહિતીના આધારે બિલ્ડિંગ તૂટી પડવા પાછળ કેટલીક સંભવિત બાબતો સામે આવી રહી છે. સત્તાવાર તપાસ પૂર્ણ થયા બાદ જ દુર્ઘટનાનું ચોક્કસ કારણ સ્પષ્ટ થશે.

માહિતી મુજબ બિલ્ડિંગની નીચે બેઝમેન્ટ બનાવવા માટે ખોદકામની કામગીરી ચાલી રહી હતી. જો ખોદકામ દરમિયાન પાયાની આસપાસની જમીન કે સપોર્ટ સિસ્ટમ પર અસર થઈ હોય, તો બિલ્ડિંગના પાયા પર વધારાનું દબાણ આવી શકે છે. કેટલાક પ્રત્યક્ષદર્શીઓ દ્વારા નીચેના પિલરોની મજબૂતાઈ અંગે સવાલો ઉઠાવવામાં આવ્યા છે. જો પિલર ઇમારતનો ભાર યોગ્ય રીતે સહન ન કરી શક્યા હોય, તો તેના કારણે સમગ્ર માળખાની સ્થિરતા જોખમમાં આવી શકે છે.

બેઝમેન્ટ બનાવતી વખતે અથવા અન્ય બાંધકામ દરમિયાન પાયા, પિલર કે ઇમારતના કોઈ મહત્વપૂર્ણ ભાગમાં ફેરફાર કરવામાં આવ્યો હોય તો તેની અસર સમગ્ર માળખાની મજબૂતાઈ પર પડી શકે છે. આ પણ તપાસનો મહત્વનો મુદ્દો બની શકે છે. જો ઇમારતનો પાયો અથવા તેનું માળખું અગાઉથી જ નબળી સ્થિતિમાં હતું, તો બાંધકામ દરમિયાન થતું ખોદકામ અથવા વધારાનું દબાણ તેની ક્ષમતા કરતાં વધી ગયું હોઈ શકે છે.

03:31

NSUIએ સરકાર પર ઉઠાવ્યા સવાલ

આ ઘટનાને લઈને NSUIએ પણ સરકાર અને વહીવટી તંત્ર સામે સવાલો ઉઠાવ્યા છે. સંગઠનનો દાવો છે કે કાટમાળમાં દિલ્હી યુનિવર્સિટીના વિદ્યાર્થીઓ(Delhi) ફસાયા હોવાની માહિતી મળી રહી છે. NSUIએ સોશિયલ મીડિયા પર ઘટનાને ગંભીર ગણાવીને તાત્કાલિક યુદ્ધના ધોરણે બચાવ કામગીરી કરવાની અને તમામ વિદ્યાર્થીઓ તથા અન્ય લોકોને સુરક્ષિત બહાર કાઢવાની માંગ કરી છે. સાથે જ સંગઠને સમગ્ર ઘટનાની નિષ્પક્ષ તપાસ કરીને જો કોઈની બેદરકારી સામે આવે તો જવાબદારી નક્કી કરવાની માંગ કરી છે.

હાલ બચાવ કામગીરી મુખ્ય પ્રાથમિકતા છે અને કાટમાળમાંથી વધુ લોકોને બહાર કાઢવા માટે ટીમો સતત કામગીરી કરી રહી છે. ઘટનાનું ચોક્કસ કારણ અને જાનહાનિ અંગેની સ્થિતિ તપાસ અને રેસ્ક્યૂ ઓપરેશન પૂર્ણ થયા બાદ વધુ સ્પષ્ટ થશે.

03:40

મુખ્યમંત્રી રેખા ગુપ્તાએ ઘટના અંગે વ્યક્ત કરી ચિંતા

દિલ્હીના સત્ય નિકેતનમાં ઇમારત ધરાશાયી થવાની ઘટનાને લઈને મુખ્યમંત્રી રેખા ગુપ્તાએ પણ ચિંતા વ્યક્ત કરી છે. તેમણે જણાવ્યું કે ઘટનાસ્થળે રાહત અને બચાવ કામગીરી માટે DDMA, NDRF, દિલ્હી ફાયર સર્વિસ, દિલ્હી પોલીસ, MCD, CATS અને સિવિલ ડિફેન્સની ટીમો સંકલન સાથે કામ કરી રહી છે. કાટમાળમાં કોઈ વ્યક્તિ ફસાઈ હોય તો તેને સુરક્ષિત રીતે બહાર કાઢવા માટે રેસ્ક્યૂ ટીમો સતત પ્રયાસ કરી રહી છે.

Deeply concerned by the building collapse incident at Satya Niketan, RK Puram.

Teams from DDMA, NDRF, Delhi Fire Services, Delhi Police, MCD, CATS and Civil Defence are carrying out rescue operations on a war footing. The adjacent building has been vacated as a precautionary…

— Rekha Gupta (@gupta_rekha) September 6, 2026

મુખ્યમંત્રીએ વધુમાં જણાવ્યું કે સાવચેતીના ભાગરૂપે ધરાશાયી થયેલી ઇમારતની બાજુમાં આવેલી ઇમારતને પણ ખાલી કરાવવામાં આવી છે. અસરગ્રસ્ત પરિવારોને શક્ય તેટલી વહેલી તકે જરૂરી મદદ પહોંચાડવા માટે તંત્રને સક્રિય કરવામાં આવ્યું છે. સરકાર સમગ્ર સ્થિતિ પર સતત નજર રાખી રહી છે અને તમામ સંબંધિત એજન્સીઓ વચ્ચે સંકલન જાળવીને કામગીરી કરવામાં આવી રહી છે.

હાલમાં કાટમાળ હટાવવાની અને લોકોને શોધવાની કામગીરી ચાલુ છે. રેસ્ક્યૂ ઓપરેશન સંપૂર્ણ થયા બાદ જ દુર્ઘટનામાં કુલ કેટલા લોકો ફસાયા હતા અને તેમાંથી કેટલાને સુરક્ષિત રીતે બહાર કાઢવામાં આવ્યા તેની ચોક્કસ માહિતી સામે આવશે. મુખ્યમંત્રીએ સ્પષ્ટ કર્યું છે કે નાગરિકોની સુરક્ષા સરકારની સૌથી મોટી પ્રાથમિકતા છે.

આ પણ વાંચો: દિલ્હીમાં ભારે વરસાદથી મુશ્કેલી વધી: એરપોર્ટ પર પાણી ભરાયા, 400થી વધુ ફ્લાઇટ મોડી

આ પણ વાંચો: વારાણસીથી દિલ્હી જતી ફ્લાઈટમાં ધુમાડાનું એલર્ટ, લખનૌમાં કરાઈ ઇમરજન્સી લેન્ડિંગ

આ પણ વાંચો: દિલ્હી સ્લીપર બસમાં 16 વર્ષની સગીરા સાથે ગેંગરેપ, ડ્રાઇવર-કંડક્ટરની ધરપકડ