ધ્રુવ રાઠી અને તેની પત્ની દાઉદ ઈબ્રાહિમના બંગલામાં રહે છે? યુટ્યુબરે દાવા પર તોડ્યું મૌન

Dhruv Rathee/ ધ્રુવ રાઠી અને તેની પત્ની દાઉદ ઈબ્રાહિમના બંગલામાં રહે છે? યુટ્યુબરે દાવા પર તોડ્યું મૌન

‘યુટ્યુબર ધ્રુવ રાઠી અને તેની પત્ની પાકિસ્તાની છે અને તેઓ કરાચીમાં અંડરવર્લ્ડ ડોન દાઉદ ઈબ્રાહિમના બંગલામાં રહે છે.’ ધ્રુવ રાઠીએ સોશિયલ મીડિયા પર ચાલી રહેલા આવા સમાચારને બકવાસ ગણાવ્યા છે. તેને દાવો કર્યો હતો કે મારા દ્વારા બનાવવામાં આવેલા વીડિયોનો તેની પાસે કોઈ જવાબ નથી, તેથી આવા ખોટા દાવા કરવામાં આવી રહ્યા છે. તમને જણાવી દઈએ કે રાઠી ઘણીવાર પોતાની યુટ્યુબ ચેનલ પર મોદી સરકારની ટીકા કરે છે. તાજેતરમાં તેમણે મોદી સરકારને સરમુખત્યાર ગણાવી હતી અને ઈલેક્ટોરલ બોન્ડને ભારતના ઈતિહાસનું સૌથી મોટું કૌભાંડ ગણાવ્યું હતું.

ધ્રુવ રાઠીએ દાવો કર્યો કે તે પાકિસ્તાની નથી પરંતુ 100 ટકા ભારતીય છે અને તેની પત્ની જર્મન છે. તેને કહ્યું કે સોશિયલ મીડિયા પર તેની અને તેના પરિવાર વિરુદ્ધ ખોટો પ્રચાર કરવામાં આવી રહ્યો છે. ધ્રુવ રાઠીએ તેની પત્ની વિશે સોશિયલ મીડિયા પર ફેલાતા ખોટા સમાચારોને સંપૂર્ણપણે રદિયો આપ્યો હતો. વાયરલ પોસ્ટમાં દાવો કરવામાં આવ્યો છે કે રાઠીનું “અસલ નામ” બદરુદ્દીન રાશિદ છે. તેમનો જન્મ પાકિસ્તાનના લાહોરમાં થયો હતો. જ્યારે તેની પત્ની પણ પાકિસ્તાની નાગરિક છે અને તેનું નામ ઝુલેખા છે. દાવો કરવામાં આવ્યો હતો કે આ કપલ કરાચીમાં અંડરવર્લ્ડ ડોન દાઉદ ઈબ્રાહિમના બંગલામાં રહે છે.

ધ્રુવ રાઠી અવારનવાર તેમની યુટ્યુબ ચેનલોમાં વડાપ્રધાન નરેન્દ્ર મોદી અને સત્તારૂઢ ભાજપ સરકાર પર ટીકાત્મક વીડિયો પોસ્ટ કરે છે. તાજેતરમાં, તેમના અને તેમની પત્ની વિશે સોશિયલ મીડિયા પર નવા દાવાઓ સામે આવ્યા છે. જેના પર તેમણે ખુલાસો કર્યો હતો.સોશિયલ મીડિયા પર ફરતા થયેલા દાવાઓનો જવાબ આપતા રાઠીએ કહ્યું, “મારા દ્વારા બનાવેલા વિડિયોનો તેમની પાસે કોઈ જવાબ નથી, તેથી તેઓ આ ખોટા દાવાઓ ફેલાવી રહ્યા છે. તમે મારી પત્નીના પરિવારને આમાં ખેંચવા માટે કેટલા ભયાવહ છો? તમે પણ જોઈ શકો છો. આઈટી સેલના આ કર્મચારીઓનું ઘૃણાસ્પદ નૈતિક કામ.”

રાઠીએ પોતાની યુટ્યુબ ચેનલ પર દાવો કર્યો હતો કે, “શું ભારત સરમુખત્યારશાહી બની રહ્યું છે? લદ્દાખનું મૃત્યુ થઈ રહ્યું છે. ભારતના ઈતિહાસમાં ઈલેક્ટોરલ બોન્ડ્સ એ સૌથી મોટો કૌભાંડ છે.” તેના વીડિયોને 18 કરોડથી વધુ ફોલોઅર્સ છે .