ગ્રીન ટી અને લીંબુ બંને સ્વાસ્થ્ય માટે કેટલા ફાયદાકારક, જાણો અને મેળવો રાહત

તમારા માટે/ ગ્રીન ટી અને લીંબુ બંને સ્વાસ્થ્ય માટે કેટલા ફાયદાકારક, જાણો અને મેળવો રાહત

ગ્રીન ટી (Green Tea) અને લીંબુ (Lemon) બંને સ્વાસ્થ્ય માટે ફાયદાકારક છે. લીંબૂ ભેળવી ગ્રીન ટી પીવાથી સ્વાસ્થ્ય સંબંધિત ઘણી સમસ્યાઓથી રાહત મળે છે.

ગ્રીન ટી (Green Tea) અને લીંબુ (Lemon) બંને સ્વાસ્થ્ય માટે ફાયદાકારક છે. લીંબૂ ભેળવી ગ્રીન ટી પીવાથી સ્વાસ્થ્ય સંબંધિત ઘણી સમસ્યાઓથી રાહત મળે છે. ગ્રીન ટીમાં (Green Tea) લીંબુ (Lemon) ઉમેરવાથી તેના ફાયદાઓ પણ વધી જાય છે. આ બંનેમાં હાજર એન્ટી-ઓક્સીડેન્ટની ઉચ્ચ માત્રા તમારી રોગપ્રતિકારક શક્તિને મજબૂત બનાવે છે અને તમને અનેક રોગોના જોખમથી પણ બચાવે છે. ગ્રીન ટી (Green Tea)માં એન્ટિઓક્સિડન્ટ્સ ઉપરાંત ફ્લેવોનોઈડ્સ અને અન્ય ફાયટોન્યુટ્રિઅન્ટ્સ પણ જોવા મળે છે.

નેશનલ ઇન્સ્ટિટ્યૂટ ઓફ હેલ્થ અનુસાર, Green Tea અને Lemon બંનેનું એકસાથે સેવન કરવું આપણા પાચન માટે વધુ ફાયદાકારક છે. તેના સેવનથી ખોરાક પચવામાં વધુ સરળતા રહે છે. ઉપરાંત આ બંને સામગ્રીના સેવનથી પેટ સંબંધિત સમસ્યાઓ ઓછી થાય છે. પેટ સિવાય તેના અન્ય ઘણા સ્વાસ્થ્ય લાભો છે. જાણો કયા છે આ લાભો.

ગ્રીન ટીમાં લીંબુનું સેવન કરવાથી પાચનક્રિયા સુધરે છે અને ખોરાક સરળતાથી પચવામાં મદદ મળે છે. તેનાથી પેટ સંબંધિત સમસ્યાઓ ઓછી થઈ શકે છે. ગ્રીન ટી શરીરના કુદરતી pH સ્તરને પુનઃસ્થાપિત કરવામાં પણ મદદરૂપ છે.
લીલી ચામાં હાજર એન્ટીઓક્સીડેન્ટ્સ અને લીંબુના વિટામિન સીનું મિશ્રણ તમારા હૃદયના સ્વાસ્થ્ય માટે સારું છે. તેનાથી હૃદય સંબંધિત સમસ્યાઓનું જોખમ ઓછું થાય છે. આના કારણે કોલેસ્ટ્રોલ લેવલ પણ યોગ્ય રહે છે અને નસોમાં કોઈ અવરોધ થતો નથી. સારા ચયાપચય માટે હર્બલ ટી: દૂધની ચાને બદલે આ હર્બલ ટી પીવો, તમે દિવસભર ફ્રેશ રહેશો.
લીંબુ સાથે ગ્રીન ટી પીવાથી પણ શરીરમાં એનર્જી વધે છે. લીલી ચા એ કેફીનનો કુદરતી સ્ત્રોત છે, જે સેન્ટ્રલ નર્વસ સિસ્ટમનું ઉત્તેજક પણ છે. લીંબુમાં હાજર વિટામિન સી પણ શરીરને ઉર્જા પ્રદાન કરી શકે છે.
ગ્રીન ટી વજન ઘટાડવા માટે ખૂબ જ સારું પીણું છે અને તેમાં લીંબુ ઉમેરવાથી તેના ફાયદામાં વધારો થાય છે. બંનેને સાથે પીવાથી મેટાબોલિઝમ ઝડપથી કામ કરવાનું શરૂ કરે છે, જેના કારણે કેલરી ઝડપથી બર્ન થાય છે અને ચરબી ઓછી થવા લાગે છે.
લીંબુમાં હાજર લિમોનીન નામનું ફાયટોકેમિકલ કેન્સર સામે લડવામાં મદદરૂપ થઈ શકે છે. ગ્રીન ટીમાં હાજર એન્ટિઓક્સિડન્ટ્સ અને એપિગાલોકેટેચિન ગેલેટ કુદરતી સંયોજનો છે. જે શરીરને ફ્રી રેડિકલ્સથી થતા નુકસાનથી બચાવે છે અને કેન્સરનું જોખમ ઘટાડે છે.

ગ્રીન ટીના સેવનથી બ્લડપ્રેશરમાં કંટ્રોલમાં રહે છે તેમજ કોલાઈટિસની સમસ્યામાં પણ રાહત મળે છે. આ સાથે ગ્રીન ટીનું સેવન ત્વચાના કાયાકલ્પ કરે છે. કરચલીઓ દૂર કરી નવી ચમક લાવે છે. જ્યારે લીંબુ એક વિટામીન સીનો સારો સ્ત્રોત માનવામાં આવે છે.