હિન્દુ ધર્મમાં દશેરાનું વિશેષ મહત્વ છે. તેનું આયોજન શારદીયા નવરાત્રી એટલે કે વિજયાદશમીનાં 10 મા દિવસે કરવામાં આવે છે. આ વખતે સમગ્ર દેશમાં 8 ઓક્ટોબરે વિજયાદશમીનો ઉત્સવ ઉજવાશે. દશેરા પર્વને અસત્ય ઉપર સત્યની જીતનું પ્રતીક માનવામાં આવે છે. નવરાત્રીની સમાપ્તિ બાદ આ ઉત્સવ દશમી તિથિ પર દેશભરમાં પૂરા ઉત્સાહથી ઉજવવામાં આવે છે.
ભગવાન રામે આ દિવસે રાવણનો વધ કર્યો હતો. તે જ સમયે, વિજયાદશમી પર, દેવી દુર્ગાએ નવ રાત અને દસ દિવસનાં યુદ્ધ પછી મહિષાસુર પર વિજય મેળવ્યો હતો. તે અસત્ય પર સત્યની જીત તરીકે ઉજવવામાં આવે છે. તેથી જ આ દશમીને ‘વિજયાદશમી’ તરીકે ઓળખવામાં આવે છે.
પૌરાણિક કથા અનુસાર, ભગવાન 14 વર્ષથી વનવાસ પર હતા ત્યારે તેમની પત્ની માતા સીતાનું લંકાપતિ રાવણ દ્વારા અપહરણ કરવામાં આવ્યું હતું અને તે લંકાનાં અશોક વાટિકામાં તેમને બંધક તરીકે રાખવામાં આવ્યા હતા. શ્રીરામે પોતાના નાના ભાઈ લક્ષ્મણ, ભક્ત હનુમાન અને વાનરોની સૈન્ય સાથે રાવણની લંકામાં પૂરા નવ દિવસ લડાઇ કરી હતી. એવું માનવામાં આવે છે કે ભગવાન રામે તે સમયે માતા દેવીની ઉપાસના કરી હતી અને તેમના આશીર્વાદથી અશ્વિન મહિનાની દસમી તારીખે અહંકારી રાવણનો વધ કર્યો હતો.
અન્ય દંતકથા અનુસાર, અસુરોના રાજા મહિષાસુરે પોતાની શક્તિનાં જોરે દેવતાઓને હરાવી અને ઇન્દ્રલોકની સાથે પૃથ્વીને પણ કબજે કરી હતી. ભગવાન બ્રહ્મા દ્વારા આપવામાં આવેલા વરદાનને કારણે, દેવતાઓમાંથી કોઈ પણ તેની હત્યા કરી શકતા નહોતા. આવી સ્થિતિમાં, ત્રિદેવો સહિતનાં તમામ દેવોએ પોતાની શક્તિઓથી દેવી દુર્ગાની ઉત્પત્તિ કરી. ત્યારબાદ, દેવીએ સૌને મહિષાસુરનાં આતંકથી મુક્ત કર્યા હતા. માતાની આ જીત વિજય દશમીનાં નામે ઉજવવામાં આવે છે.
નીચે આપેલી લીંક પર ક્લિક કરીને જોડાવો મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
