Dog Worship :ઉત્તર પ્રદેશમાં મંદિર પરિસરમાં કૂતરાની ‘પૂજા’

Uttarpradesh News : ઉત્તર પ્રદેશના એક વાયરલ વીડિયોએ સોશિયલ મીડિયા પર ભારે ચર્ચા અને વિવાદ જગાવ્યો છે. વીડિયોમાં ગામના એક પ્રાચીન મંદિરમાં ભક્તો એક રખડતા કૂતરાની પૂજા (Dog worship)કરતા નજરે પડે છે. કૂતરાના અસામાન્ય વર્તનને કેટલાક લોકોએ દૈવી સંકેત માનીને તેને ભગવાન સમાન માની લીધો હતો, જોકે તબીબી નિષ્ણાતોએ આને ચમત્કાર નહીં પરંતુ ગંભીર આરોગ્ય સમસ્યાનું પરિણામ ગણાવ્યું છે.

નગીનાના નંદપુર ગામની ઘટના

આ ઘટના ઉત્તર પ્રદેશના નગીના વિસ્તારમાં આવેલા નંદપુર ગામના એક પ્રાચીન હનુમાન મંદિરમાં બની હતી. સ્થાનિક લોકોના જણાવ્યા મુજબ, સોમવારની વહેલી સવારે એક રખડતો કૂતરો મંદિરમાં પ્રવેશ્યો અને ભગવાન હનુમાનની મૂર્તિની આસપાસ સતત ગોળ ગોળ ફરવા લાગ્યો. આ હરકત કલાકો સુધી ચાલુ રહી હતી. સૌથી ચિંતાજનક બાબત એ હતી કે આ સમયગાળા દરમિયાન કૂતરાએ ન તો કંઈ ખાધું હતું અને ન જ પાણી પીધું હતું.જેને લઈને લોકોએ કૂતરાની પૂજા (Dog worship) શરૂ કરી દીધી હતી.

દુર્ગા માતાની મૂર્તિ તરફ ફરી વળ્યું કૂતરું

સ્થાનિકોના કહેવા મુજબ, ત્રીજા દિવસે કૂતરાએ પોતાની ગતિ મા દુર્ગાની મૂર્તિ તરફ ફેરવી અને ત્યાં પણ એ જ રીતે ગોળાકાર ફેરા મારવા લાગ્યું. પ્રત્યક્ષદર્શીઓએ નોંધ્યું કે કૂતરું થાકેલું અને અસ્વસ્થ દેખાતું હતું. ક્યારેક તે લંગડાતું હતું અને ચાલતી વખતે એક પગ ઉપાડીને રાખતું હતું, જેનાથી તેની તબિયત અંગે ચિંતા વધી ગઈ હતી.

અધિકારીઓ અને પશુચિકિત્સકોની તપાસ

સ્થિતિને લઈને ચિંતિત ગ્રામજનોએ અંતે અધિકારીઓને જાણ કરી. બાદમાં એક પશુચિકિત્સા ટીમ મંદિરે પહોંચી અને કૂતરાની તપાસ કરી. અધિકારીઓએ જણાવ્યું કે કૂતરાને કોઈ બાહ્ય ઇજાઓ કે તાત્કાલિક જીવલેણ સ્થિતિ નહોતી, પરંતુ તે સ્પષ્ટ રીતે બીમાર લાગતું હતું અને તેની નિયમિત દેખરેખ જરૂરી હતી.

ચમત્કાર નહીં, તબીબી કારણો જવાબદાર

પશુચિકિત્સા નિષ્ણાતોએ સ્પષ્ટતા કરી છે કે કૂતરાઓમાં આવું વારંવાર ગોળ ફરવાનું વર્તન સામાન્ય રીતે ન્યુરોલોજીકલ ડિસઓર્ડર, આંતરિક કાનનો ચેપ, માથાની ઈજા અથવા ‘કેનાઇન વેસ્ટિબ્યુલર ડિસીઝ’ જેવી સ્થિતિઓને કારણે થતું હોય છે. આવી બીમારીઓમાં પ્રાણી દિશાભ્રમ, સંતુલન ગુમાવવું અને અનિયંત્રિત હલનચલન અનુભવતું હોય છે.

ભક્તોએ શરૂ કરી કૂતરાની પૂજા (Dog worship)

આમ છતાં, તબીબી સમજણ કરતાં અંધશ્રદ્ધા વધુ પ્રભાવી બની. ગુરુવારે સોશિયલ મીડિયા પર સામે આવેલા બીજા વીડિયોમાં ભક્તો ઘૂંટણિયે પડીને કૂતરાની પૂજા (Dog ‘worship’)કરતા, તેના પગ સ્પર્શ કરતા અને આશીર્વાદ લેતા જોવા મળ્યા હતા. મંદિરની અંદર એક પૂજારી પણ કૂતરાની બાજુમાં બેઠેલા દેખાયા હતા.

કૂતરાને એક ગાદલા પર સુવડાવવામાં આવ્યું હતું અને લોકો તેને આધ્યાત્મિક પુનર્જન્મ અથવા દૈવી અવતાર માનીને લાંબી લાઈનમાં ઊભા રહ્યા હતા.

કૂતરાની પૂજા (Dog worship)ને લઈને સોશિયલ મીડિયા પર ભારે આક્રોશ

લોકપ્રિય X (પૂર્વે ટ્વિટર) યુઝર પિયુષ રાયે આ વીડિયો શેર કરીને પરિસ્થિતિની કડક ટીકા કરી હતી. તેમણે લખ્યું હતું કે, “હવે ભક્તોએ એક રખડતા કૂતરાને આધ્યાત્મિક અવતાર માનવાનું શરૂ કરી દીધું છે. મંદિરની અંદર તેની બાજુમાં પૂજારી બેઠો છે અને ભક્તો તેના પગ સ્પર્શ કરવા માટે લાઇનમાં ઊભા છે.” અને કૂતરાની પૂજા (Dog worship)

આ વીડિયો વાયરલ થતાં જ સોશિયલ મીડિયા પર રોષ ફાટી નીકળ્યો હતો. અનેક વપરાશકર્તાઓએ આ ઘટનાને શરમજનક અને ખતરનાક ગણાવી હતી, કારણ કે આવી અંધશ્રદ્ધા પ્રાણીની સાચી તબીબી જરૂરિયાતોથી ધ્યાન હટાવે છે.

એક યુઝરે લખ્યું, “ભારતનો IQ અકલ્પનીય રીતે ઘટી રહ્યો છે.” જ્યારે અન્ય એક યુઝરે કડક શબ્દોમાં કહ્યું કે, “એક બીમાર કૂતરાને ભગવાન બનાવી દેવો શરમજનક છે.”

અંધશ્રદ્ધા સામે સમજદારીની જરૂર

આ સમગ્ર ઘટનાએ ફરી એક વખત સમાજમાં અંધશ્રદ્ધા અને વૈજ્ઞાનિક સમજણ વચ્ચેના અંતરને ઉજાગર કર્યું છે. નિષ્ણાતોનું માનવું છે કે આવી પરિસ્થિતિઓમાં ભાવનાઓ નહીં પરંતુ તર્ક અને માનવતા સાથે પ્રાણીની યોગ્ય સારવાર કરવી સૌથી જરૂરી છે.