Breaking News: સુરત નવી સિવિલ હોસ્પિટલની મેડિકલ કોલેજમાં પીજી રેસિડેન્ટ ડોક્ટર હર્ષ પંડ્યા (Dr Harsh Pandya Case)ના આપઘાતના કેસમાં રાજ્ય આરોગ્ય વિભાગે મહત્વની કાર્યવાહી કરી છે. સિનિયર ડોક્ટરો દ્વારા રેગિંગ અને માનસિક ત્રાસના આક્ષેપો વચ્ચે મેડિકલ કોલેજના માઇક્રોબાયોલોજી વિભાગના વડા ડો. સુમૈયા મુલ્લાને સસ્પેન્ડ કરવામાં આવ્યા છે. જ્યારે મેડિકલ કોલેજના ડીન ડો. જયેશ બ્રહ્મભટ્ટને શો-કોઝ નોટિસ પાઠવવામાં આવી છે.

હર્ષ પંડ્યા (Dr Harsh Pandya Case)ના મોત બાદ પરિવાર અને રેસિડેન્ટ ડોક્ટરો દ્વારા કરવામાં આવેલી રજૂઆતોને ગંભીરતાથી લેવામાં આવી હોવાનું સામે આવ્યું છે. ખાસ કરીને આપઘાતના બે દિવસ પહેલાં રેસિડેન્ટ ડોક્ટરો દ્વારા વિભાગના વડા સમક્ષ રજૂઆત કરવામાં આવી હોવા છતાં કાર્યવાહી ન થઈ હોવાના આક્ષેપોને પગલે આ કાર્યવાહી થઈ છે.

આપઘાતના બે દિવસ પહેલાં કરવામાં આવી હતી રજૂઆત

મળતી માહિતી મુજબ, પીજી સેકન્ડ યરના સિનિયર ડોક્ટરો દ્વારા રેગિંગ અને માનસિક ત્રાસ આપવામાં આવતો હોવાની ફરિયાદ હર્ષ સહિતના રેસિડેન્ટ ડોક્ટરોએ કરી હતી. 7 ઓગસ્ટે હર્ષ સહિતના રેસિડેન્ટ ડોક્ટરો માઇક્રોબાયોલોજી વિભાગના HOD ડો. સુમૈયા મુલ્લાને આ અંગે રજૂઆત કરવા ગયા હતા. જોકે, તેઓ મળી ન આવતા રેસિડેન્ટ ડોક્ટરો ફેકલ્ટી ડો. સંગીતા રાજદેવ સમક્ષ રજૂઆત કરવા પહોંચ્યા હતા. પરિવાર અને રેસિડેન્ટ્સના આક્ષેપ મુજબ, આ રજૂઆત બાદ પણ તાત્કાલિક અને અસરકારક કાર્યવાહી થઈ નહોતી. બે દિવસ બાદ 9 ઓગસ્ટે ડો. હર્ષ પંડ્યાએ આપઘાત કરી લીધો હતો.

રેગિંગના આક્ષેપોને લઈને ચાર સિનિયર ડોક્ટરો સામે કાર્યવાહી

હર્ષ પંડ્યા (Dr Harsh Pandya Case)ના મોત બાદ રેગિંગના આક્ષેપોને લઈને ખટોદરા પોલીસ સ્ટેશનમાં ચાર સિનિયર ડોક્ટરો સામે કાર્યવાહી કરવામાં આવી છે. આ કેસમાં ડો. દીક્ષિતા ઘેવરીયા, ડો. અનુજ મહેશ્વરી, ડો. નિરાલી વસાવે અને ડો. હિના ભૂત સામે ગુનો નોંધવામાં આવ્યો છે. આરોપીઓ સામે રેગિંગ ઉપરાંત આપઘાત માટે દુષ્પ્રેરણા અને એટ્રોસિટી એક્ટ હેઠળ પણ કાર્યવાહી કરવામાં આવી હોવાનું સામે આવ્યું છે.

ચારેય સિનિયર ડોક્ટરો છ મહિના માટે સસ્પેન્ડ

મેડિકલ કોલેજ પ્રશાસન દ્વારા ચારેય સિનિયર ડોક્ટરોને છ મહિના માટે સસ્પેન્ડ કરવામાં આવ્યા છે. આ ઉપરાંત કોલેજ પ્રશાસન દ્વારા HOD સહિત ત્રણ ફેકલ્ટી સભ્યોને અગાઉ શો-કોઝ નોટિસ પણ આપવામાં આવી હતી. હવે રાજ્ય આરોગ્ય વિભાગે માઇક્રોબાયોલોજી વિભાગના વડા ડો. સુમૈયા મુલ્લાને સસ્પેન્ડ કરતાં મામલો વધુ ગંભીર બન્યો છે.

ડીનને પણ શો-કોઝ નોટિસ

હર્ષ પંડ્યા (Dr Harsh Pandya Case) કેસમાં મેડિકલ કોલેજના ડીન ડો. જયેશ બ્રહ્મભટ્ટને પણ રાજ્ય આરોગ્ય વિભાગે શો-કોઝ નોટિસ પાઠવી છે. કોલેજમાં રેગિંગ અને રેસિડેન્ટ ડોક્ટરોની ફરિયાદો અંગે યોગ્ય સમયે જરૂરી કાર્યવાહી કેમ કરવામાં ન આવી, તે સહિતના મુદ્દે જવાબ માગવામાં આવ્યો હોવાનું સામે આવ્યું છે.

ચાર આરોપી ડોક્ટરોની શોધખોળ

હર્ષ પંડ્યા (Dr Harsh Pandya Case)ના મોત બાદ ચાર સિનિયર ડોક્ટરો સામે કાયદેસરની કાર્યવાહી શરૂ થઈ છે. મળતી માહિતી મુજબ, ચારેય આરોપી ડોક્ટરો હાલ ફરાર હોવાનું કહેવાય છે અને ખટોદરા પોલીસ દ્વારા તેમને શોધી કાઢવા માટે કાર્યવાહી કરવામાં આવી રહી છે. પોલીસ તપાસમાં રેગિંગના આક્ષેપો, હર્ષ દ્વારા કરવામાં આવેલી રજૂઆતો અને સમગ્ર ઘટનાક્રમ અંગે વધુ વિગતો બહાર આવવાની શક્યતા છે.

પરિવારની માગ: જવાબદાર તમામ સામે કડક કાર્યવાહી કરો

મૃતક ડોક્ટર હર્ષ પંડ્યા (Dr Harsh Pandya Case)ના પરિવારજનોએ માત્ર સિનિયર ડોક્ટરો સામે કાર્યવાહી પૂરતી ન રાખવાની માગ કરી છે. પરિવારનો આક્ષેપ છે કે જો હર્ષે આપઘાતના બે દિવસ પહેલાં રેગિંગ અને માનસિક ત્રાસ અંગે રજૂઆત કરી હતી તો જવાબદાર અધિકારીઓ અને ફેકલ્ટી દ્વારા તાત્કાલિક પગલાં લેવામાં આવવા જોઈએ હતાં. પરિવારે સમગ્ર મામલે લાપરવાહી દાખવનારા HOD અને ડીન સહિત જવાબદાર તમામ લોકો સામે કડક કાર્યવાહી કરવાની માગ કરી છે.

Dr Harsh Pandya Caseમાં હવે તપાસ પર સૌની નજર

ડો. હર્ષ પંડ્યા આપઘાત કેસમાં એક તરફ ચાર સિનિયર ડોક્ટરો સામે પોલીસ કાર્યવાહી ચાલી રહી છે, જ્યારે બીજી તરફ HODના સસ્પેન્શન અને ડીનને શો-કોઝ નોટિસ બાદ મેડિકલ કોલેજના વહીવટીતંત્ર સામે પણ સવાલો ઊભા થયા છે. હવે પોલીસ તપાસ અને વિભાગીય કાર્યવાહી દરમિયાન રેગિંગ અંગેની ફરિયાદો, હર્ષ દ્વારા કરવામાં આવેલી રજૂઆતો અને કોલેજ તંત્ર દ્વારા લેવામાં આવેલા પગલાં અંગે વધુ વિગતો સામે આવે છે કે નહીં તેના પર સૌની નજર રહેશે.

આ પણ વાંચો:સુરત હર્ષ પંડ્યા આપઘાત કેસમાં આરોપી ડો. અનુજ પોલીસ સમક્ષ હાજર, રેગિંગના આરોપો નકાર્યા

આ પણ વાંચો:ડૉ. હર્ષ પંડ્યા આપઘાત કેસ: એન્ટી રેગિંગ કમિટીનો રિપોર્ટ VNSGUને સોંપાયો, ડીન રજા પર

આ પણ વાંચો:ડો. હર્ષ પંડ્યાની સિવિલ સાથેની ખાસ લાગણી, પિતાની ભેટ કાર આજે પણ હોસ્ટેલ પાર્કિંગમાં

આ પણ વાંચો:ડૉ. હર્ષ પંડ્યા આપઘાત કેસમાં રેગિંગનો ખુલાસો, મોડાસામાં ભારે ગમગીની વચ્ચે અંતિમ વિદાય

આ પણ વાંચો:સુરત સિવિલના ડૉ. હર્ષ પંડ્યા કેસમાં મોટો ખુલાસો: 4 સિનિયર રેસિડેન્ટ સસ્પેન્ડ, રેગિંગની તપાસ તેજ

આ પણ વાંચો:સુરત સિવિલ મેડિકલ કોલેજમાં રેગિંગનો મુદ્દો ફરી ચર્ચામાં, એક વર્ષ જૂની ઘટનામાં તપાસ સામે સવાલ