Dharm & Bhakti: દશેરાનું પર્વ લંકાપતિ રાવણ (Ravana)ના અહંકારના નાશનું પર્વ છે. આજની પાવન તિથિએ શ્રી રામ (Rama)ના પરમ હસ્તે રાવણનો વધ કરવામાં આવ્યો હતો અને એને મુક્તિ પ્રદાન કરી હતી. જ્યોતિષ શાસ્ત્ર (Astrology) અનુસાર, આજે તમામ ગ્રહો (Planets)ની વિશેષ સ્થિતિનું નિર્માણ થવા જઇ રહ્યું છે. આ સંયોગને કારણે અમુક રાશિના જાતકોનો સોનેરી સમય (Golden Time) શરુ થવા જઇ રહ્યો છે. આ જાતકોની સ્થિતિમાં સુધાર ઉપરાંત, એમને આર્થિક લાભ (Economic Benefit)ના યોગ બનવા પણ જઈ રહ્યાં છે.
હિન્દુ પંચાંગ મુજબ, પ્રતિવર્ષ અશ્વિન માસની દશમી તિથિએ દશેરા (Dussehra) મનાવવામાં આવે છે. એને વિજયાદશમી (Vijayadashmi) પણ કહે છે. જ્યોતિષિય દ્રષ્ટિએ, દશેરા પર આજે ગ્રહોનો અદ્ભૂત સંયોગ (Grah Sanyog) રચાવા જઇ રહ્યો છે. વાસ્તવમાં, આજે સૂર્ય અને બુધ મળીને કન્યા રાશિમાં બુધાદિત્ય યોગનું નિર્માણ કરશે. આ સમયે, ગુરુ મિથુન રાશિમાં છે, રાહુ કુંભ રાશિમાં છે, શુક્ર અને કેતુ સિંહ રાશિમાં યુતિ (Yuti) બનાવી રહ્યાં છે. જ્યારે મંગળ તુલા રાશિમાં છે અને શનિ મીન રાશિમાં વક્રી અવસ્થામાં છે. આ ઉપરાંત, આજે ચંદ્રમા મકર રાશિમાં પ્રવેશ કરશે. વળી, ગુરુ અને બુધ એકબીજાથી 90 ડિગ્રીના અંતરે રહીને કેન્દ્ર દ્રષ્ટિ યોગનું નિર્માણ પણ કરી રહ્યાં છે.
ગ્રહોની આ અદ્ભૂત ચાલ ઉપરાંત, આજે રવિ યોગ, સુકર્મા યોગ અને ધૃતિ યોગનું નિર્માણ પણ થવા જઇ રહ્યું છે. આ તમામ શુભ યોગો (Shubh Yog) અને ગ્રહોની ચાલ દશેરાના અવસરે અત્યંત વિશેષ માનવામાં આવે છે. તો ચાલો હવે જાણીશું કે, આ શુભ સંયોગોથી કઇ-કઇ રાશિઓ (Zodiac Signs)ને ફાયદો થવા જઇ રહ્યો છે…
1. ધનુ રાશિ
ધનુ રાશિ (Dhanu Rashi)ના જાતકો માટે આ દશેરાએ સુખ-શાંતિ અને સમૃદ્ધિનું આગમન થશે. ઘર-પરિવારમાં ઉત્સવ જેવું વાતાવરણ સર્જાશે. કોઇ જૂના વિવાદનું સમાધાન થશે. નોકરી કે વ્યવસાય સંબંધી કોઈ ઉત્તમ તકો પ્રાપ્ત થઇ શકશે. આર્થિક સ્થિતિ મજબૂત બનશે અને કોઇ રોકાણમાં સફળતા મળવાની સંભાવના છે. સ્વાસ્થ્ય (Health)નું ધ્યાન રાખવું, પરંતુ આ જાતકોની માનસિક સ્થિતિ સ્થિર રહેશે. પૂજા-પાઠમાં મન એકાગ્ર થશે અને સકારાત્મક ઊર્જાનો સંચાર થશે.
2. કર્ક રાશિ
કર્ક રાશિ (Kark Rashi)ના જાતકો માટે આ દશેરા ખાસ કરીને શુભ સાબિત થશે. જે લોકો નોકરી અથવા કેરિયર (Career) અંગે ચિંતિત હશે એમને રાહત મળશે. નાણાકીય બાબતોમાં ભાગ્ય (Luck)નો સાથ મળશે. પરિવારમાં કોઈ શુભ કાર્ય કે ફંકશન યોજાવાની સંભાવના છે. જૂના મિત્રોને મળવું કે પછી કોઇ નવા સહયોગીનો સાથ સાંપડી શકે છે અને તમને એ લાભદાયી રહેશે. માનસિક તણાવ ઓછો થશે અને તમે તમારા નિર્ણયોમાં આત્મવિશ્વાસનો અનુભવ કરશો.
3. મેષ રાશિ
મેષ રાશિ (Mesh Rashi)ના જાતકો માટે આ દશેરાનું પર્વ નવી ઊર્જા અને ઉત્સાહ લઇને આવ્યું છે. લાંબા સમયથી જે કાર્યોમાં વિલંબ થઇ રહ્યો હતો એ પૂર્ણ થશે. જૂનો તણાવ દૂર થશે. આ જાતકોના કાર્યસ્થળ પર એમની મહેનતની પ્રશંસા થશે. કેટલાક કિસ્સાઓમાં તમને સન્માન પણ પ્રાપ્ત થઇ શકે છે. પરિવારમાં કોઇ શુભ અવસરની સંભાવના છે. જો કોઇ નવું રોકાણ (Investment) અથવા પ્રોજેક્ટ (New Project) શરુ કરવાનું વિચારી રહ્યાં છે તો આ સમય અનુકૂળ રહેશે. યાત્રા અથવા નવા સંપર્કોથી પણ ફાયદો થશે.
Disclaimer: અહિં આપેલી માહિતી ધાર્મિક આસ્થા, જ્યોતિષીય જાણકારી અને લોકમાન્યતાઓ પર આધારિત છે. એનો કોઈ પણ જાતનો વૈજ્ઞાનિક આધાર કે પ્રમાણ નથી.
આ પણ વાંચો:
આ પણ વાંચો:શનિ દેવ 3 ઓક્ટોબરે બદલશે ચાલ, આ રાશિઓને લાભ, 2027માં બદલશે રાશિ,આ જાતકોની સાડાસાતી થશે પૂર્ણ..!
આ પણ વાંચો:
