અફઘાનિસ્તાનમાં ફરી એકવાર ભૂકંપના આંચકા અનુભવાયા છે. છેલ્લા 24 કલાકમાં 3 વાર ભૂકંપ આવ્યો હતો. આ ભૂકંપમાં 10 લોકો ઇજાગ્રસ્ત થયા હોવાના સમાચાર સામે આવ્યા છે. તાલિબાનના એક અધિકારીએ જણાવ્યું હતું કે સોમવારે પૂર્વી અફઘાનિસ્તાનમાં એક દૂરસ્થ વિસ્તારમાં ભૂકંપ આવ્યો હતો, જેમાં ઓછામાં ઓછા 10 લોકો ઘાયલ થયા હતા. તે એ જ વિસ્તારમાં આવ્યું હતું જ્યાં ગયા મહિને આવેલા ભૂકંપમાં સેંકડો લોકો માર્યા ગયા હતા અને વ્યાપક વિનાશ થયો હતો.યુએસ જીઓલોજિકલ સર્વેએ જણાવ્યું હતું કે સોમવારે આવેલા ભૂકંપની તીવ્રતા 5.1 હતી.તાલિબાન સમાચાર એજન્સી બખ્તરના ડાયરેક્ટર અબ્દુલ વાહિદ રૈયાને જણાવ્યું હતું કે ભૂકંપ પૂર્વી પક્તિકા પ્રાંતના ગ્યાન જિલ્લામાં આવ્યો હતો.
ગયા મહિને થયેલા વધુ શક્તિશાળી ભૂકંપે સંઘર્ષ કરી રહેલા દેશમાં વધુ એક કટોકટી ઉભી કરી, તાલિબાના જણાવ્યા અનુસાર મૃત્યુઆંક 1,150 પાર પહોચ્યો હતો.
