T20 World Cup final: T20 વર્લ્ડ કપ 2022ની બીજી સેમિફાઇનલમાં ઇંગ્લેન્ડે ભારતને 10 વિકેટે હરાવી ફાઇનલમાં પ્રવેશ કર્યો છે. આ હાર સાથે ભારતનું ફાઈનલ રમવાનું સપનું ફરી એકવાર તૂટી ગયું છે. ટીમ ઈન્ડિયા 2014માં T20 વર્લ્ડ કપની છેલ્લી ફાઈનલ રમી હતી, જ્યાં તેને શ્રીલંકા સામે હારનો સામનો કરવો પડ્યો હતો. હવે 13 નવેમ્બરે ફાઇનલમાં ઇંગ્લેન્ડનો મુકાબલો પાકિસ્તાન સાથે થશે. સ્પર્ધાની વાત કરીએ તો પ્રથમ બેટિંગ કરતા ટીમ ઈન્ડિયાએ હાર્દિક પંડ્યા અને વિરાટ કોહલીની અડધી સદીના આધારે 168 રન બનાવ્યા હતા. આ સ્કોર ઈંગ્લેન્ડના ઓપનરોએ એકપણ વિકેટ ગુમાવ્યા વિના માત્ર 16 ઓવરમાં હાંસલ કરી લીધો હતો.
મેચની વાત કરીએ તો રોહિતે 28 બોલમાં 27 રન આવ્યા હતા. રાહુલ માત્ર 5 રન બનાવી શક્યો હતો. યાદવ પણ 14 રન બનાવી શક્યો હતો. જો વિરાટ અને હાર્દિકે સારી બેટિંગ ન કરી હોત તો ભારતનો સ્કોર 150ને પણ પાર ન કરી શક્યો હોત. એવું લાગતું હતું કે ભારત બેટિંગથી નિરાશ નહીં થાય, પરંતુ બન્યું એવું કે શરૂઆતમાં જ વિકેટો પડવા લાગી હતી સાથે જ રન પણ ઝડપી ગતિએ ન આવ્યા. ભારતની બોલિંગની જો વાત કરવામાં આવે તો તમામ બોલર ફ્લોપ સાબિત થયા હતા. વર્ષ 2007માં ભારતે પ્રથમ વખત આ વર્લ્ડ કપ જીત્યો હતો. ફાઈનલની વાત કરીએ તો ઈંગ્લેન્ડની પાકિસ્તાન સાથેની મેચ 13મીએ મેલબોર્નના મેદાન પર બપોરે 1.30 કલાકે રમાશે.
ઇંગ્લેન્ડ સામે ભારતીય ઓપનરોએ ફરી એકવાર નિરાશ કર્યા હતા. જ્યારે કેએલ રાહુલ 5 બોલમાં 5 રન બનાવીને આઉટ થયો હતો જ્યારે રોહિત શર્માએ 28 બોલમાં 27 રન બનાવ્યા હતા. બંને ઓપનરોનો સ્ટ્રાઈક રેટ 100 કે તેનાથી ઓછો હતો. ભારતે પ્રથમ 6 ઓવરમાં માત્ર 38 રન બનાવ્યા હતા, જ્યારે બીજી તરફ ઈંગ્લેન્ડની વાત કરીએ તો તેણે પાવરપ્લેનો ફાયદો ઉઠાવ્યો અને 63 રન ઉમેર્યા. સૂર્યકુમાર યાદવ આ વર્લ્ડ કપમાં ભારત માટે એક્સ ફેક્ટર સાબિત થયો હતો. પરંતુ આ ખેલાડી સેમી ફાઈનલ જેવા મોટા સ્ટેજનું દબાણ સહન કરી શક્યો નહીં. સૂર્યા માત્ર 14 રન બનાવીને પેવેલિયન પરત ફર્યો હતો. ઈંગ્લેન્ડ પણ આ ખેલાડી માટે ખાસ પ્લાન લઈને આવ્યું હતું, જેના કારણે તે પળવારમાં આઉટ થઈ ગયો હતો.
ભારતે હાર્દિક પંડ્યાના 63 અને વિરાટ કોહલીના 50 રનના આધારે 168 રન બનાવ્યા હતા. આ સ્કોરનો બચાવ કરતા ભારતીય બોલરો શાનદાર પ્રદર્શન કરી શક્યા ન હતા. પાવરપ્લેમાં ભુવનેશ્વર કુમાર અને અન્ય બોલરોમાંથી કોઈ પણ વિકેટ લઈ શક્યું ન હતું. અક્ષર પટેલ અને આર અશ્વિનની જોડી ભારતને કોઈ સફળતા અપાવી શકી ન હતી. 169 રનના ટાર્ગેટનો પીછો કરતા જોસ બટલર અને એલેક્સ હેલ્સે શરૂઆતથી જ તોફાની બેટિંગ કરી હતી. મેદાનમાં રમતી વખતે આ બંને ખેલાડીઓએ ઝડપી શોટ લગાવ્યા અને ભારતીય બોલરોને વિકેટ ન આપી.
જણાવી દઈએ કે ટોસ જીતીને પ્રથમ બોલિંગ કરવા ઉતરેલી ઈંગ્લેન્ડની ટીમે સારી શરૂઆત કરી હતી. તેમના બોલરોએ ભારતીય બેટ્સમેનોને હાથ ખોલવાની પણ તક આપી ન હતી. જ્યારે ભારતીય બેટ્સમેન રન બનાવવા દોડી રહ્યા હતા ત્યારે તેઓએ તેમની વિકેટ ગુમાવી હતી. ક્રિસ જોર્ડન અને સેમ કુરાનને બાદ કરતાં તમામ બોલરોએ સારી રીતે બોલિંગ પ્રદર્શન કર્યું હતું. અહીંથી ઈંગ્લેન્ડે પોતાની જીતનો પાયો નાખ્યો હતો.
આ પણ વાંચો: Gujarat Assembly Election 2022/ઝાલોદ MLA ભાવેશ કટારા જોડાયા ભાજપમાં
