મુંબઈ
સન પિક્ચરે ફિલ્મ ‘પેટ્ટા’થી સુપરસ્ટાર રજનીકાંતનો બીજો લૂક રિલીઝ કર્યો છે. 67 વર્ષીય રજનીકાંત આ પોસ્ટરમાં તેમની ઉમર કરતા ઘણા નાના જોવા મળી રહ્યા છે. તેમને સફેદ કપડા પહેર્યા છે અને માથા પર ચંદન લગાવ્યું છે. આ સિવાય રજનીકાંતે તેમની મૂછો પણ મોટી રાખી છે. રજનીકાંતનો આ લૂક જબરદસ્ત છે અને આ પોસ્ટર જોત-જોતામાં વાયરલ પણ થઇ જશે.
પોસ્ટર શેર કરતા સન પિક્ચરે કેપ્શનમાં લખ્યું કે ‘પેટ્ટા’ સેકેન્ડ લૂક’ ફિલ્મના પહેલા પોસ્ટરમાં રજનીકાંત અલગ અંદાજમાં જોવા મળી રહ્યા હતા. જયારે આ પોસ્ટરમાં તેમનો લૂક ખુબ જ અલગ જોવા મળી રહ્યો છે. ફિલ્મનું આ પોસ્ટર જોઇને લાગે છે કે મુવીમાં તેમનો કિરદાર ફરી હટકે અને બિંદાસ હશે. ‘પેટ્ટા’ના મોશન પોસ્ટરને ખુબ જ પસંદ કરવામાં આવ્યું હતું અને તે ઝડપથી વાયરલ પણ થઇ રહ્યું હતું.
કાર્તિક શુભરાજના નિર્દેશનમાં બની રહેલ આ ફિલ્મનું શુટિંગ શરુ કરવામાં આવ્યું છે. આ મુવીને Thalaivar 165ના ઉપનામથી પણ જાણવામાં આવી રહ્યું છે. આવુ એટલા માટે કે સુપરસ્ટાર રજનીકાંતની આ 165 મી ફિલ્મ છે અને આ ફિલ્મને લઈને ચાહકો પણ ખુબ ઉત્સાહિત જોવા મળી રહ્યા છે.
