મુંબઈ
વેલેન્ટાઇન ડે ને હવે ગણતરીના જ દિવસો બાકી રહ્યા છે. તેવામાં દેશભરમાં સોશિયલ મીડિયામાં બી.કોમના પહેલા વર્ષમાં અભ્યાસ કરતી ૧૮ વર્ષની મલયાલમ એક્ટ્રેસ પ્રિયા પ્રકાશ વારિયરનો વિડીયો ધૂમ મચાવી રહ્યો છે. આ વિડીયોમાં પ્રિયા તેના મિત્ર સાથે આંખોના ઇશારાથી પ્રેમની વાતો કરતી જોવા મળી રહી છે.
https://www.youtube.com/watch?v=p6aV7ZwlLWg
સુત્રોના જણાવ્યા પ્રમાણે આ વિડીયો ક્લિપ એ આવનારી મલયાલમ ફિલ્મ ઉરુ અદર લવનું ગીત ‘Manikya Malaraya Poovi’ નો છે.જેમાં પ્રિયાના આંખના ઈશારા મન મોહી લે તેવા હોવાથી તેને વેલેન્ટાઇન ડેની નિશાની તરીકે વાયરલ કરવામાં આવી રહ્યો છે.
તમને જણાવી દઈએ કે ૧૮ વર્ષીય એક્ટ્રેસ પ્રિયા મલયાલમ ફિલ્મ ઉરુ અદર લવથી પ્રિય ડેબ્યુ કરી રહી છે.આ ફિલ્મ ૩ માર્ચના રોજ રિલીઝ થવાની છે પરંતુ વિડીયોના લીધે ફિલ્મની રિલીઝ પહેલા જ પ્રિયા ચર્ચાનો વિષય બની ગઈ છે. સોશિયલ મીડિયા પર એક્ટ્રેસ પ્રિયાની સુંદરતાના ઘણા વખાણ થઇ રહ્યા છે. તે કેરલના ત્રિશુરની રહેવાસી છે. તેને ડાન્સ અને ટ્રાવેલિંગ ખૂબ પસંદ છે.
પ્રિયા પોતાની પ્રથમ ફિલ્મમાં જ સ્ટૂડન્ટના રોલમાં જોવા મળશે. જેમાં ટીનએજની ઉંમરમાં થતા પ્રેમને બતાવવામાં આવ્યો છે. પ્રિયા સોશિયલ મીડિયા પર પણ ખૂબ એક્ટિવ છે તે અવારનવાર પોતાના ફોટા પોસ્ટ કરતી રહે છે.
મહત્વનું છે કે, આંખોના ઈશારામાં થઇ રહેલી પ્રેમની વાતના આ વિડીયોને યુટ્યુબ પર અત્યાર સુધીમાં આશરે ૪૫ લાખથી પણ વધુ લોકોએ નિહાળ્યો છે.
