નાણામંત્રી નિર્મલા સીતારમણ 1 ફેબ્રુઆરીએ નાણાકીય વર્ષ 2024-25 માટે વચગાળાનું બજેટ જાહેર કરશે. નાણા પ્રધાન વપરાશ વધારવા, ઉત્પાદકો વચ્ચે સમાન રમતનું ક્ષેત્ર બનાવવા માટે સુધારણા નીતિઓ અમલમાં મૂકવા, માળખાકીય વિકાસ માટે વ્યૂહાત્મક રીતે નાણાંની ફાળવણી અને કૃષિ પર ધ્યાન કેન્દ્રિત કરવાના હેતુથી શ્રેણીબદ્ધ પગલાંની જાહેરાત કરે તેવી અપેક્ષા છે. તમામની નજર બજેટની જાહેરાતો પર રહેશે અને તેના આધારે બજાર આગળ વધશે. એક્સિસ સિક્યોરિટીઝના રિપોર્ટમાં કહેવામાં આવ્યું છે કે આ સામાન્ય ચૂંટણી પહેલાનું વચગાળાનું બજેટ છે. આવી સ્થિતિમાં કોઈ મોટી જાહેરાતની અપેક્ષા નથી. “અમારું માનવું છે કે બજેટ વૃદ્ધિના માળખાને જાળવી રાખવા પર ધ્યાન કેન્દ્રિત કરશે.
નવા સપ્તાહમાં 6 નવા IPO ખુલવા જઈ રહ્યા છે. મેઈનબોર્ડ સેગમેન્ટમાં BLS ઈ-સર્વિસિસનો રૂ. 310 કરોડનો IPO 30 જાન્યુઆરીએ ખુલશે અને 1 ફેબ્રુઆરીએ બંધ થશે. SME સેગમેન્ટમાં, મેગાથર્મ ઇન્ડક્શન, હર્ષદીપ હોર્ટિકો, મયંક કેટલ ફૂડ અને બાવેજા સ્ટુડિયોના ઇશ્યુ 29 જાન્યુઆરીએ ખુલશે. ગેબ્રિયલ પેટ સ્ટ્રેપ્સનો IPO 31 જાન્યુઆરીએ ખુલશે. ફોનબોક્સ રિટેલ, ડેલાપ્લેક્સ અને ડોકમોડ હેલ્થ ટેક્નોલોજીના IPO, જે પહેલાથી જ ખુલ્લા હતા, 30 જાન્યુઆરીએ બંધ થશે.
લિસ્ટિંગની વાત કરીએ તો નવા સપ્તાહમાં 10 કંપનીઓ સ્ટોક માર્કેટમાં ડેબ્યૂ કરવા જઈ રહી છે. 29 જાન્યુઆરીએ Qualitech Labs, 30 જાન્યુઆરીએ Epack ડ્યુરેબલનો IPO, Euphoria Infotech India, અને Constelc Engineers and Addictive Learning Technologyનો આઈપીઓ, 31 જાન્યુઆરીએ Nova Agritech, Brisk Technovision, તેમજ Phonebox Retail, Delaplex અને ડોકમોડ હેલ્થ ટેક્નોલોજીસનો IPO 2 ફેબ્રુઆરીએ લિસ્ટ થશે.
ફેડરલ ઓપન માર્કેટ કમિટીની આગામી બેઠક 30-31 જાન્યુઆરીના રોજ યોજાશે. 12-13 ડિસેમ્બર 2023 ના રોજ યોજાયેલી મીટિંગ દરમિયાન, વ્યાજ દરો 5.25-5.50 ટકા પર યથાવત રાખવામાં આવ્યા હતા. જો કે, ફેડ એ સંકેત આપ્યો હતો કે જો ફુગાવાનું દબાણ ઓછું થાય તો તે 2024 માં ઓછામાં ઓછા ત્રણ વખત દરમાં ઘટાડો કરી શકે છે. રોકાણકારો અપેક્ષા રાખે છે કે ફેડરલ ઓપન માર્કેટ કમિટી ચાવીરૂપ વ્યાજ દરોને વર્તમાન સ્તરે રાખવાનું પસંદ કરશે. બજાર આતુરતાથી ફેડના ચેરમેન જેરોમ પોવેલની ટિપ્પણીઓ પર નજર રાખશે.
આ પણ વાંચો:વડોદરા હરણી હોનારતમાં સૌથી મોટો ખુલાસો,શાળાએ પ્રવાસની મંજૂરી જ નહોતી લીધી
આ પણ વાંચો: Ayodhya Aastha Special Trains/રામ ભક્તોને રેલવેની ભેટ, દેશના ખૂણે-ખૂણેથી દોડશે અયોધ્યા સુધી આસ્થા સ્પેશિયલ ટ્રેન