છત્તીસગઢમાં કોંગ્રેસનું રાજકીય સંકટ હજુ યથાવત છે. મુખ્યમંત્રી ભૂપેશ બઘેલ એક સપ્તાહમાં બીજી વખત દિલ્હી પહોંચ્યા છે. અહીં તેઓ રાહુલ ગાંધીને સાંજે ચાર વાગ્યે મળી શકે છે. મીડિયા રિપોર્ટ્સ અનુસાર, ટીએસ સિંહદેવ પણ દિલ્હીમાં હાજર છે. રાહુલ સિંહદેવને રાજ્યના નવા મુખ્યમંત્રી બનાવવા માંગે છે. તેઓ માને છે કે બઘેલને હવે રાજીનામું આપવું જોઈએ અને સિંહદેવે આગામી વર્ષ માટે રાજ્યનો હવાલો સંભાળવો જોઈએ.
દિલ્હી જતા પહેલા સીએમ બઘેલે જણાવ્યું કે તેમને જનરલ સેક્રેટરી કેસી વેણુગોપાલનો સંદેશ મળ્યો હતો. તેથી દિલ્હી જઇ રહ્યો છું જ્યારે ધારાસભ્યો વિશે પૂછવામાં આવ્યું ત્યારે તેમણે કહ્યું કે મારી પાસે આ અંગે કોઈ માહિતી નથી. કોઈપણ તેમના નેતાને મળવા જઈ શકે છેછત્તીસગઢના ધારાસભ્યો પણ મોટી સંખ્યામાં દિલ્હી પહોંચ્યા છે. આ તમામ મુખ્યમંત્રી ભૂપેશ બઘેલના નજીકના હોવાનું કહેવાય છે. રાજ્ય સરકાર, બે મંત્રીઓ અને કેટલાક ધારાસભ્યો રાષ્ટ્રીય રાજધાનીમાં પહેલેથી જ છે. આ ધારાસભ્યો વરિષ્ઠ નેતા અને રાજ્ય પ્રભારી પીએલ પૂનિયાને મળ્યા હતા.
તાજેતરમાં ભૂપેશ બઘેલ અને મંત્રી ટી.એસ.સિંહદેવ દિલ્હીમાં રાહુલ ગાંધીને મળ્યા હતા. આ પછી તેઓ મહામંત્રી કેસી વેણુગોપાલને પણ મળ્યા. આ બેઠક બાદ એવું માનવામાં આવતું હતું કે કોંગ્રેસની અંદરનો વિવાદ શાંત થઈ ગયો છે, પરંતુ ફરી એક વખત રાજકીય અટકળો તેજ થઈ ગઈ છે. કહેવામાં આવી રહ્યું છે કે દિલ્હી જતા પહેલા એક ડઝન ધારાસભ્યોએ રાયપુરના ન્યૂ સર્કિટ હાઉસમાં બેઠક કરી હતી.
