લેપટોપમાંથી (Laptop) ધુમાડો નીકળ્યા બાદ શનિવારે સાંજે ન્યૂયોર્ક (Newyork) સિટીના JFK ઇન્ટરનેશનલ એરપોર્ટ પર જેટબ્લુ ફ્લાઇટને (Jetblue flight) ખાલી કરાવવામાં આવી હતી. અધિકારીઓએ રવિવારે આ જાણકારી આપી.
ડબલ્યુએબીસી-ટીવીએ અહેવાલ આપ્યો છે કે જેટબ્લુ ફ્લાઇટ 662 ના ક્રૂએ બાર્બાડોસથી(Barbados) લગભગ 8 વાગ્યે ઉડાન ભર્યા પછી કેબિનમાં કમ્પ્યુટરમાંથી (Computer)ધુમાડો નીકળતો હોવાની જાણ કરી હતી. બોર્ડમાં 167 લોકો સવાર હતા, જેમને ઈમરજન્સી સ્લાઈડનો (Emergency slide) ઉપયોગ કરીને બહાર કાઢવામાં આવ્યા હતા. અધિકારીઓએ જણાવ્યું કે પાંચ લોકોને નાની-મોટી ઈજાઓ થઈ છે.
ઉલ્લેખનીય છે કે અમેરિકામાં ક્રિસમસ પહેલા આવેલ હિમવર્ષા સતત તબાહી મચાવી રહી છે. આમાં મૃત્યુઆંક વધીને 22 થયો છે. થીજી ગયેલી ઠંડીના કારણે લોકો તેમના ઘરોમાં કેદ થઈ ગયા છે અને વીજ પુરવઠાને ભારે અસર થઈ છે. લગભગ આઠ લાખ લોકો વીજળીથી વંચિત છે. ખરાબ હવામાનને કારણે શનિવારે 2,700 થી વધુ સ્થાનિક અને આંતરરાષ્ટ્રીય ફ્લાઇટ્સ રદ કરવી પડી હતી. શુક્રવારે 5000 થી વધુ ફ્લાઈટ્સ રદ કરવામાં આવી હતી.
વાવાઝોડાની ખરાબ અસર
રેલ અને રોડ ટ્રાફિકને પણ માઠી અસર થઈ છે. આ વાવાઝોડું વિશાળ વિસ્તારમાં ફેલાયેલું છે. વાવાઝોડું કેનેડા નજીકના ગ્રેટ લેક્સથી મેક્સિકન બોર્ડર પાસે રિયો ગ્રાન્ડે સુધી અથડાયું. અમેરિકાની લગભગ 60 ટકા વસ્તી ભારે ઠંડીનો સામનો કરી રહી છે. નેશનલ વેધર સર્વિસ મુજબ, રોકી માઉન્ટેન રેન્જ પૂર્વથી એપાલાચિયન સુધીના ઘણા સ્થળોએ તાપમાન શૂન્યથી નીચે આવી ગયું છે. એક્ઝિક્યુટિવ માર્ક પોલોનકાર્ઝે બફેલો સહિત એરિયા કાઉન્ટીના હવામાન વિશે જણાવ્યું હતું કે બરફનું તોફાન ચાલુ રહી શકે છે.
આ પણ વાંચોઃ