ઉત્તર પ્રદેશનાં મુખ્યમંત્રી યોગી આદિત્યનાથે 2019 ની ઝારખંડ વિધાનસભાની ચૂંટણીમાં જાહેર સભાને સંબોધન કરતાં એક નિવેદન આપ્યું છે જે વિવાદનું કારણ બની શકે છે. સીએમ યોગી આદિત્યનાથે અયોધ્યામાં રામ મંદિર નિર્માણ માટે દરેક પરિવારને 11 રૂપિયા અને એક ઈટ દાન કરવા માટે અપીલ કરી હતી. તેમણે કહ્યું કે રામનું કાર્ય ફક્ત સમાજનાં સહયોગથી જ થઇ શકે છે. આપને જણાવી દઈએ કે ઉત્તર પ્રદેશનાં મુખ્યમંત્રી યોગી આદિત્યનાથ શુક્રવારે બગોદરમાં ભાજપનાં ઉમેદવાર નાગેન્દ્ર મહંતો માટે મત માંગવા માટે એક રેલીને સંબોધન કરી રહ્યા હતા.
સીએમ યોગી આદિત્યનાથે કહ્યું કે, 500 વર્ષ જુનો વિવાદ વડા પ્રધાન નરેન્દ્ર મોદીનાં પ્રયત્નોથી ઉકેલી શકાય છે. તેમણે કહ્યું કે, “કોંગ્રેસ, આરજેડી, સીપીઆઈ-એમએલ અને અન્ય કેટલાક પક્ષો લાંબા સમયથી ચાલતા આ વિવાદનો ઉકેલ ઇચ્છતા નથી.” હવે ભવ્ય રામ મંદિર તરફ જવાનો માર્ગ મોકળો થઈ ગયો છે. તેમણે કહ્યું, “ટૂંક સમયમાં અયોધ્યામાં ભવ્ય રામ મંદિર બનાવવામાં આવશે. હું ઝારખંડનાં લોકોને પણ આમંત્રણ કરીશ અને ઘરેથી રામ મંદિર માટે એક ઈટ અને 11 રૂપિયા જવા જોઈએ.
સીએમ યોગી આદિત્યનાથે લોકોને ઝારખંડની ચૂંટણીમાં ભાજપનાં ઉમેદવાર નાગેન્દ્ર મહંતોને મત આપવા અપીલ કરી હતી. તેમણે કહ્યું, ‘હું એવા રાજ્યમાંથી આવ્યો છું કે જેણે ભગવાન રામ આપ્યા અને તેમની શાસન પ્રથાને રામરાજ્ય કહેવામાં આવે છે, જેમાં એવી વ્યવસ્થા છે કે જેમાં ગરીબ, યુવાનો, મહિલાઓ અને સમાજનાં દરેક વર્ગને ધ્યાનમાં રાખીને ભેદભાવ વગર નીતિઓ બનાવવામાં આવે છે. આ જ કામ વડા પ્રધાન નરેન્દ્ર મોદી કરી રહ્યા છે.
યોગી આદિત્યનાથે નાગરિકતા કાયદાને લઈને કોંગ્રેસ પર આકરા પ્રહારો કર્યા હતા. તેમણે કહ્યું કે એવા સમયે જ્યારે વડા પ્રધાન નરેન્દ્ર મોદી અને ગૃહ પ્રધાન અમિત શાહ પાકિસ્તાન, બાંગ્લાદેશ અને અફઘાનિસ્તાનમાં ત્રાસ આપતા અને શરણાર્થી જીવન જીવતા હિન્દુઓ, શીખ, બૌદ્ધ, ખ્રિસ્તીઓ અને પારસી લઘુમતીઓને નાગરિકતા આપવાનો પ્રયાસ કરી રહ્યા છે, ત્યા બીજી તરફ કોંગ્રેસ સહિતનાં પક્ષો તેનો વિરોધ કરી રહ્યા છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
